ISAI 43:2 - Pathien Lekhabu Inthieng (BSI)

² Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

ISAI 43:2 ပူးပေါင်းရင်းမြစ်များ

JOB LEKHABU (THE BOOK OF JOB) 5:19

Buoina paruka inthawkin sansuok a ti cheh a, Anih, pasaria thil ṭha naw hrimin nang tâwk ta naw ni che.

INPÂKNA HLABU 23:4

Anih, thina hlim varuom hraw lang khawm, Thil ṭha naw hrim hrim ṭi naw ningah, nang ka kuomah i um sih a: I hembâwk le i hmawlin a mi thlamuon hlak a nih.

INPÂKNA HLABU 32:6

Chuleiin, Pathien ngaisak mi taphawt chu zawnghmu awla i um laiin i kuomah ṭawngṭâi seng raw hai se; Tui lienhai chu a hung liem pha chun anni chu a chîm phâk vak nawna dingin.

INPÂKNA HLABU 66:10

Aw Pathien, nangin i mi fieh a, Tangkaruo fieha a um angin, keini i mi fieh a.

INPÂKNA HLABU 66:12

Mihai tawlailîr chunga chuongin, kan lu chungah în fetir a, Mei le tui kan fe thleng a, Nisienlakhawm, hmun chênghnâwngtaka lût dingin i mi ṭhuoi suok a;

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

FESUOKNA 14:29

Israel thlahai ruok chu tuipui kâra chun hnuoi hulah an feh a, tui chu an changtieng le vawitieng chun bang angin a umpêk a.

FESUOKNA 3:12

Ama chun, “I kuomah um ngei ngei ka tih, chun, ka tir che a nih ti inchikna chu hi hi nîng a tih: Aiguptaa inthawka Israel mihai i hung ṭhuoi suok pha, hi tlâng chunga hin Pathien rawng la bâwl in tih, ti hi,” a tih a.

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai LALPA hremin um a tih.

ISAI 30:27

Ngai ta, LALPA hming chu, a lunginsennaa chawk hlut hlut meikhu sâmup intung lui lui lai chun, hlataka inthawkin a hung ie; a hmûr- hai chu lungninawnain a sip a, a lei chu thil kânghmang mei ang a na;

ISAI 41:10

ṭi naw ro, kei in kuomah ka um sih a; lunginzîng naw ro, kei in Pathien ka ni sih a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, LALPAIN a tih, nangni intlan- tu cheu chu Israelhai Mi Inthieng chu a nih.

ISAI 43:5

Ṭi naw ro, in kuomah ka um sih a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

JEREMIA 42:11

In iṭitak Babulon lal chu ṭi naw unla, ama chu ṭi naw ro, LALPA chun a tih: a kuta inthawka sanhima san- dam ding cheuin kei in kuomah ka um zing sih a.

JEREMIA 46:28

Aw ka siehlaw Jakob, ṭi naw rawh, LALPA chun a tih; i kuomah ka um sih a, nang ka hnawt hmangna che tienga hnamhai po po chu suk- tâwp vawng ka ta, nang ruok chu suktâwp letdêr naw ning cheh a; rorêlnain sukdik lem ka ti cheh a, ieng kawnga khawm hrem loin mâksan naw ning che,” tiin.

DANIEL 3:23

Chun, chuong mi pathum, Sadrak, Mesak le Abednego chu khuop hlawm saa umin meithuk chawklai râpthlâktaka chun an tla lût tah a.

HAGGAI 1:13

Chun, LALPA mitir Haggai chun LALPA thucha chu mipuihai kuoma chun, “In kuomah ka um, LALPA chun a tih,” tiin a hril a.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni ang- in fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘LALPA chu ka Pathien a nih,’ mi tîng an tih,” a ta.

MALAKI 4:1

Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

2 TIMOTHE 4:22

Lalpa chu i thlarau kuomah um raw se. Lunginsietna in kuomah um raw se.

HEBRAIHAI 11:29

Ringnain khawmuola fe angin Tuisuoriet Sena khan an fe kai a; Aiguptahaiin chu chu thaw an tum ve a, lem zoin an um tah a.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâw- samtir naw ning cheh a, mâk khawm mâksan naw tawp ka ti che.

JOSUA 1:9

Hrâttak le huoitakin um rawh; ṭi naw la, zâm bawk naw rawh, LALPA i Pathien chu i fena taphawtah i kuomah a um pei ding annâwm,” tiin, a hril a.