ISAI 43:16 - Pathien Lekhabu Inthieng (BSI)

¹⁶ LALPA chun hieng ang hin a tih: tuisuorieta lampui siemtu le, tui nasatakhaia lampui siemtu;

ISAI 43:16 ပူးပေါင်းရင်းမြစ်များ

NEHEMIA 9:11

Chun, an hmaa chun tuisuoriet chu i sukṭheh a, chuongchun, hnuoi hulah tuisuoriet sûng chu an fe thleng a; anni hnawttuhai chu tui inthûktakah, tui nasataka lung pei lût ang elin i pei lût a.

INPÂKNA HLABU 106:9

Tuisuoriet Sen chu a hal a; chuongchun, a kang tah a, Chuongchun, anni chu thlalêra ṭhuoi tlang ang elin tui inthûktakahai chun a ṭhuoi tlang tah a.

INPÂKNA HLABU 77:19

I lampui chu tuisuorietah a um a, I lampuihai chu tui lientakah a um a; I kehnunghai khawm hriet a ni nawh.

INPÂKNA HLABU 77:20

Mosie le Aron kutin, I mihai chu berâm ruol angin i ṭhuoi hlak.

INPÂKNA HLABU 78:13

Tuisuoriet chu a sukṭhe phawk a, anni chu ân fe kâitir a, Tuihai chu iengkhat sie khâwm thûr angin ân ngîrtir nguou a.

FESUOKNA 14:16

I hmawl kha chawi sâng la, i kut kha tuipui chungah phar suok la, tuipui chu ṭhe rawh, Israel thlahai chu tuipui inkâra chun hnuoi hula an fe theina dingin.

FESUOKNA 14:29

Israel thlahai ruok chu tuipui kâra chun hnuoi hulah an feh a, tui chu an changtieng le vawitieng chun bang angin a umpêk a.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

ISAI 44:27

tui inthûktak kuoma, ‘Kang intan rawh, i vadunghai khawm ka sukkang ding a nih,’ titu,

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

ISAI 51:10

Nang hi tuisuoriet, tui inthûk lientak tui sukkangtu, tuisuoriet mawng inthûk chu intlanhai kaina dinga lampuia siempêktu i ni nâwm a nih?

ISAI 51:15

Kei LALPA i Pathien, a fâwnhai chu inri hum hum khawpa tuisuoriet chawklettu chu ka ni sih a; ka hming chu sipaihai LALPA a nih.

JEREMIA 31:35

Sûna nisa chu var dinga pea, zâna arasihai le thla var dinga ruotna petu, tuisuoriet chu chawkthoa, tuifâwnhai inrûmtirtu LALPA chun hieng hin a tih: ama chu sipaihai LALPA chu a hming a na;

THUPUONGSUO 16:12

Chun, a parukna chun a berbu chu tuipui Euphratesa chun a bunthlâk a; chuongchun, nisa suokna tieng panga lal hung dinghai ta dinga lampui chu inzosa a hung ni theina dingin, a tui chu a kang intan tah a.