ISAI 43:13 - Pathien Lekhabu Inthieng (BSI)

¹³ Anih, ni um china inthawk khan kei chu ama chu ka nih, chuongchun, ka kuta inthawka sansuok thei tu- khawm an um dêr nawh, sin thâwng ka ta, tuin am chu chu sût an ta?” tiin.

ISAI 43:13 ပူးပေါင်းရင်းမြစ်များ

JOB LEKHABU (THE BOOK OF JOB) 10:7

Mi rilo ka ni nawh a, I kuta inthawka mi la suok thei tukhawm an um nawh ti hre zing siin?

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga thaw amani khawm ni sien, angkhat a nih.

JOB LEKHABU (THE BOOK OF JOB) 9:12

En ta, a lâk el a, tuin am dang thei a ta? ‘Ieng am i thawh a?’ tuin am a kuomah tîng a ta?

INPÂKNA HLABU 102:28

I siehlawhai nauhai chu um zing an ta, An thlahai chu i hmaah sukdetin um an tih.

INPÂKNA HLABU 50:22

Nangni Pathien theinghiltuhai, hi hi ngaituo ta u khai! Chuong naw chun, keinâwi ka ti cheu a, nangni sanhimtu hrim an um âwm si nawh a.

INPÂKNA HLABU 90:2

Tlânghai insieng hmaha, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

INPÂKNA HLABU 93:2

I lalṭhungpha chu tiena inthawka lo sukdet tah a na, Nang chu chatuona um tah i nih.

THUVARHAI 21:30

LALPA kal zâwnga thurâwn amanih, Hrietthiemna amanih, varna amani khawm a um nawh.

THUVARHAI 8:23

Atîra inthawk, chatuona indinin ka um a, Hnuoi hrim la um hmain.

ISAI 14:27

Sipaihai LALPA chun a ruot ta sih a, tuin am lâkpêk a ta? A kut chu pharin a um tah a, tuin am inlâk- kîrtir a ti leh?” tiin.

ISAI 41:4

A tira inthawkin suon po po koin, tuin am thawh a, thaw zo? Kei LALPA, a hmasa tak le a nuhnung tak kuoma um hi, a thawtu chu ka nih.

ISAI 46:10

keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka tih a,

ISAI 46:4

in tarkûn chen khawma ama chu nîng ka ta, in lua kêlsam a ṭo vawng chen khawma pawm ka ti cheu, keiin ka siem a, keima bawkin ka puok a, anih, kei chun pawm ka ta, sandam ka tih.

ISAI 47:15

Chuongchun, în suksâwlna hlak thilhai chu a um ding a nih: i nau- pangtea inthawka i kuoma sum- dâwng hlaktuhai chu mâni lampui sengah invâk hmang an ta; sanhimtu ding che tukhawm um naw ni hai.

ISAI 48:16

Nangnirawi hin mi hung hnai unla, lo ngai ro; a tira inthawk khan arûkin thu ka hril ngai nawh a; a um tîr laia inthawk khan chutaka chun ka um a; tuhin LALPA Pathien chun keima le a thlarau chu a mi tir tah a.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thawh a, Tukhawmin a kut chu an chel thei nawh a. “Nangin ieng am i thaw an leh?” an ti thei bawk nawh.

HOSEA 2:10

Chuongchun, a dit zâwnghai mithmua chun, A saruok zâmaw chu suklang ka tih; Ka kuta inthawk chun tu- khawma sansuok naw ni hai.

HOSEA 5:14

Ephraim ta ding chun sakeibaknei ang, Juda ta ding chun sakeibaknei vânglai ang ka ni ding a ni sih a; Keima, keima ngeiin keithlêr ka ta, Fêng ka ta, fe hmangpui ka tih; Sansuoktu ding tukhawm um naw ni hai.

MIKA 5:2

Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

HABAKKUK 1:12

Aw LALPA ka Pathien, ka Mi Inthieng, Nang chu chatuona inthawk tah i ni nâwm a nih? Thi nâwng kan tih. Aw LALPA, ama chu rorêlna dingin i ruot a, Aw lungpui, nangin ama chu sukdikna dingin în ngîr a ni kha.

NAMBAR 23:20

Ngai ta, mal sâwm dingin thu ka hmuh a, Mal a sâwm tah a, ka sukdanglam thei nawh.

JOHAN 8:58

Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

DÂN PAHNINA 28:31

In mithmuah in bâwngchalhai chu that nîng an ta, a sa chu fa naw ti niu; in sabengtunghai chu la luipêk an ti cheu a, pe nâwk naw ni hai cheu; in berâmhai khawm chu in hmêl- mahai pêk nîng an tih; santu ding cheu tukhawm nei naw ti niu.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

HEBRAIHAI 13:8

Isu Krista chu zâni leh, vawisûn leh kumkhuo khawmin a pângngaiin um rawp a tih.

JOSUA 2:2

“Ngai ta, vawizân hin ram enthla dingin Israel thlahai an hung a,” tiin Jeriko khuo lal chu an hril a.

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.