ISAI 43:1 - Pathien Lekhabu Inthieng (BSI)

¹ Tu ruok hin chu aw Jakob rawihai, LALPA nangni siemtu le, aw Israel rawihai, nangni inngîr- tirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 43:1 ပူးပေါင်းရင်းမြစ်များ

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i thawh a, i hne ta sih a,” a tih a.

INPÂKNA HLABU 100:3

LALPA chu Pathien a nih ti hre unla, A mi siemtu chu ama chu a na, ama ta ei nih; A mihai le a ran tlatna hmuna berâmhai chu ei nih.

INPÂKNA HLABU 102:18

Chu chu ruolthar la hung um dinghai ta dingin ziek nîng a ta, Hnam siema la hung um ding chun LALPA chu inpâk an tih.

FESUOKNA 15:13

Nangin i zângainain mipui în tlanhai chu i ṭhuoi a; I umna hmun inthiengah i hrâtnain anni chu i ṭhuoi a.

FESUOKNA 15:16

Inlâuna le ṭitnain anni a vûr a, I kut thahrâtna leiin anni chu lung ang elin an to ṭawk ṭawk a; I mipuiin an fe khêl chenin, Aw LALPA: I mipui i închâwkhaiin an fe khêl chen chun.

FESUOKNA 33:17

LALPA chun Mosie kuomah, “I hril ang tak chun thâwng ka tih: hmingin ka hriet cheh a, ka lung- insietna chu i hmu ta sih a,” a tih a.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni sih a; chuleiin, anni siemtu chun anni chu lunginsiet naw nih a, anni inngîrtu chun anni chu a ditin ditsak hrim hrim bawk naw nih.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, LALPAIN a tih, nangni intlan- tu cheu chu Israelhai Mi Inthieng chu a nih.

ISAI 42:6

“Kei LALPA hin felnain ka ko che, i kut chel ka ta, humhim ka ti cheh a, mihai thuthlung ding le, Jentailhai sukvartu dingin ka ruot che a nih:

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ISAI 43:5

Ṭi naw ro, in kuomah ka um sih a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

ISAI 43:7

ka hming puthai po le ka ropuina dinga ka isiemhai po chu; anni chu kân ngîr an nih, anni chu ka siem an nih.

ISAI 44:2

LALPA nangni siemtu, sula in- thawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 45:11

LALPA Israelhai Mi Inthieng, anni siemtu chun hieng ang hin a tih, “Thil la hung tlung ding thu chu mîn dawn unla; ka naupasalhai thua le, ka kut sinthaw thua hin thu mi pe ro.

ISAI 48:17

LALPA, nangni intlantu, Israel- hai Mi Inthieng chun hieng ang hin a tih, “Kei hi LALPA in Pathien, in ṭhatna dinga nangni inchûktirtu, in fena lampuia ṭhuoitu ding cheu chu ka nih.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “LALPA chun a siehlaw Jakobhai chu ân tlan tah,” ti ro.

ISAI 49:1

Aw thlierkârhai, ka thu ngai unla, hlataka mi tinhai, lo ngai bawk ro; LALPA chun sula inthawk hrimin a mi ko a; ka nu phîng sûnga inthawk hrimin ka hming a lo hril tah a;

ISAI 49:26

Chun, nangma nêksâwrtuhai chu anni sa ngei infâktir ka ta; uoin thlum inrui ang hin anni thisenin inrui an tih; chuongchun, mi po poin, kei LALPA hi nangma sandamtu le nangma intlantu, Jakobhai Mi Hrât chu ka nih ti mi hrieng an tih,’” tiin.

ISAI 51:13

LALPA nangni siemtu, vân kei- phara leihnuoi innghatsanhai phûm- tu theinghila, nêksâwrtu sukse dinga a tin lai lunginsenna lei ngawta sûnnithlâka ṭi zing chu, tu am i nih a? Nêksâwrtu lunginsenna chu khâwlai am a um ta a le?

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; LALPA chun a mihai chu a thlamuon ta sih a, Jerusalem chu ân tlan tah a nih.

ISAI 62:12

Chuongchun, anni chu Mi Inthienghai, LALPA intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a tih a.

ISAI 63:16

Abraham chun mi hre loin, Israel khawm chun mi ngaisak naw sien khawm, nang chu ka pa i ni sih a; nang chu, aw LALPA, kan pa i na, i hming chu chatuona inthawka keini mîn tlantu a nih.

ISAI 63:9

An lunginzîngna po poa chun ama chu a lunginzîng ve hlak a, vân- tirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl tah a; tienlai ni po poa chun anni chu a puokin anni chu a pawm hlak a.

JEREMIA 31:3

LALPA chu hlataka inthawkin a kuomah a hung inlâr a. Kumkhaw hmangaina chun ka hmangai che a, chuleiin, lunginsietna ngilneina chun ka hîp che a.

JEREMIA 33:24

“Hi mi, Hnam pahni LALPA thlanghai chu, anni chu a pei thlâk tah, tituhai chu ngaituo naw rawh; chuongchun, anni hmaa hnam hrim an ni ta nawna dingin, anni chun ka mihai chu an hmusit a nih.

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni sih a” tiin.

JEREMIA 50:34

Anni sanhimtu chu a hrât a, a hming khawm, sipaihai LALPA a nih, ama chun an chungthu chu ṭan tlat a ta; hnuoi chunga chun châwlna a pêk thei a, Babulon hluotuhai ruok chu a sukto ṭawkṭawk nawna dingin.

ṬAP HLA 3:57

Nang ka hung ko ni chea chun i hung hnai a; “Ṭi naw rawh,” i ta.

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni tah a; ka puon chu i chunga chun ka keiphar a, i saruokna chu kân khum tah a; anih, i kuoma chun kân khâm a, nangma le chun thuthlung ka lo siem tah a, Lalpa PATHIEN chun a tih; chun, ka ta i hung ni tah a.

DANIEL 10:19

Ama chun, “Aw nasataka dit- saka umpa, ṭi naw rawh, i kuomah thlamuongna um raw se; insukhrât rawh, anih, insukhrât rawh,” a ta. Chun, ka kuoma thu a hung hril phing chun sukhrâtin ka um tah a, “Ka lalpa hin thu hril raw se, i mi sukhrât ta sih a,” ka ta.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni ang- in fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘LALPA chu ka Pathien a nih,’ mi tîng an tih,” a ta.

MALAKI 3:17

Sipaihai LALPA chun, “Anni chu ka tahai nîng an ta, ro mak bîktak ka siemna nia ngei chun; chun, miin a naupa ama rawngbâwl- tu chu a hla hlak angin anni chu hlâng ka tih.

THILTHAWHAI 27:20

Chun, ni sâwttak nisa khawm, arasi khawm ân lang nawh a, thlipui namênin a mi nuoi nawh a, dam hrim kan inbeisei ta nawh a.

THILTHAWHAI 27:25

Chuleiin, Puhai, lungmuong- takin um ro; Pathien ka ring a, a mi hril ang peiin a um ding a nih.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni sih a, chu thil ṭha thaw chu ei umna dingin Pathienin a buotsai lâwk a nih.

DÂN PAHNINA 32:15

“Nisienlakhawm, Jesurun chu a hung hausa a, a hung hel a, A hung thâu a, a hung inchawm a, a hung nâm tah a; A siemtu Pathien a nghatsan a, A sandamna Lungpui chu a ngainêp a.

DÂN PAHNINA 32:6

Aw mi invêt le var nawhai, Chuong ang chun maw LALPA chu in thung ding chu? Ama chu ân dintu che i pa, Siemtu che le inngîr dettu che ni lo am a nih?

DÂN PAHNINA 32:9

LALPA chanvo chu a mihai an na, Jakobrawi chu a rochan an nih.

2 TIMOTHE 2:19

Nisienlakhawm, Pathien lung- phûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um tah a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,