ISAI 42:3 - Pathien Lekhabu Inthieng (BSI)

³ Luong pawr suktan thla naw nih a, pat khu khawm sukmit naw nih; rorêlna chu thutakin la suok a tih.

ISAI 42:3 ပူးပေါင်းရင်းမြစ်များ

INPÂKNA HLABU 147:3

Lungriem ithlâkhai chu a sukdam a, An hliemnahai chu a tuom hlak a.

INPÂKNA HLABU 54:5

Ama chun suolna chu ka hmêlmahai chungah thung a ta; Nangin i thutakna lei chun anni chu sukbohmang rawh.

INPÂKNA HLABU 94:15

Rorêlna chu felna tieng kîr nawk a ta, Lungril indiktak put po po chun chu chu zui an tih.

INPÂKNA HLABU 96:13

LALPA hmaa chun ama chu a hung ding a nih, Hnuoi ro rêl dingin a hung ding a ni sih a. Khawvêl hi feltakin ro rêlpêk a ta, Mi tinhai chu a thutakin ro rêlpêk bawk a tih.

INPÂKNA HLABU 98:9

Hnuoi ro rêl dingin a hung ding a ni sih a, Khawvêl hi feltakin ro rêlpêk a ta; Thlierbîk nei loin mi tin ro chu rêl a tih.

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw nih a, indo dân khawm inchûk ta bawk naw ni hai.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a âng- sûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ISAI 42:2

Khêk naw nih a, a râwl insuo bawk naw nih a; kawtthlêrah a râwl chu inhriettir bawk naw nih.

ISAI 50:10

Nangni laia LALPA chu ṭih a, a siehlaw thuawi chu, tu am a na? Inthima lênga var hrim hrim nei naw chun LALPA hming chu ring sienla, a PATHIEN chungah innghat raw se.

ISAI 50:4

Mi sâwltak chu thua ka suksâwl- dam theina dingin LALPA Pathien chun inchûktirhai lei a mi pêk a; ama chun tûk tinin a keihar a, inchûk- tirhaiin an hriet anga hre dingin ka na hi a keihar hlak.

ISAI 63:1

Edom rama inthawka hung, Bozra khuoa inthawka silfên suksen sil saw tu am a na? A puon sila ropuitak, a hrâtna a nasatzie anga hung saw? Keima, feltaka thu hril a, sandam kawnga mi hrâttak kha ka nih.

ISAI 66:2

Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LALPAIN a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tung- ding dingin. Sipaihai LALPA ṭha- hnemngaina chun chuong chu thâwng a tih.

JEREMIA 31:25

Mi chauhai chu ka suktlai a, mi lungngai tinhai khawm chu ka sukhar bawk a.

EZEKIEL 34:16

A lo inhmang ta chu zawng ka ta, hnawt hmanga lo um ta khawm chu hung ṭhuoikîr nâwk ka tih; sukthlieka um ta chu tuom ka ta, damnawa um khawm chu sukhrât bawk ka tih; a thâu le a hrât chu suksieng ka ta; anni chu rorêlnain châwm ka tih.

MIKA 7:9

LALPA chunga chun thil ka suksuol ta leiin, a lungninawna nasa- tak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

MATTHAI 11:28

“Nangni sininrim le phur rik phur po pohai, ka kuomah hung unla, keiin inchâwltir ka ti cheu.

MATTHAI 12:20

Hne dinga rorêlna a tir dawk hma khat chun Luong pawr suktan naw nih a, Pat khu khawm sukmit naw ni.

JOHAN 20:27

Chun, Thoma kuoma chun, “I kut pârin hang them la, ka kuthai en rawh; i kut hang ban la, ka nak pur rawh; ring loin um naw la, ring el rawh,” a ta.

JOHAN 5:30

“Keia khâtin iengkhawm ka thaw thei nawh; naa ka hriet ang peiin ro ka rêl hlak; ka rorêl chu indiktak a nih, keia thu thuin um ka tum nawh a, a mi tirtu thu thua um ka tum lem hlak leiin.

THUPUONGSUO 19:11

Chun, vân inhawng ka hmuh a; chun, ngai ta, sakawr vâr le a chunga chuong Ringum le Indiktak, an iti chu ka hmu bawk a; ama chun feltakin ro a rêl a, mi a do hlak.