ISAI 42:25 - Pathien Lekhabu Inthieng (BSI)

²⁵ Chuleiin, a lunginsenna nasat- na le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungril- in an ngaituo si nawh.

ISAI 42:25 ပူးပေါင်းရင်းမြစ်များ

2 LALHAI 25:9

LALPA in le lal in chu a rawh a; Jerusalem in po po, in ropui taktak- hai chu a rawh a.

JOB LEKHABU (THE BOOK OF JOB) 40:11

I lunginsen sip liemhai chu bunthla la, Mi a chapo taphawt chu en la, ngaihnuoi la,

ISAI 29:13

Chun, LALPA chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 47:7

Chun, “Kei hi kumkhuoin lal- nuah um ka tih,” i tih a; chuongchun, chuong thilhai chu i lungrilin i ngaituo nawh a, a tâwpna ding hlak chu i hriet zing bawk nawh a.

ISAI 48:8

Anih, in nain in hriet ngai nawh a; anih, in lungrilin in hriet ngai bawk nawh; anih, inhma hrim hrim khan in na chu hawngin a um ngai nawh; vervêktak takin in thaw hlak ti le, sula inthawk hrimin bawsetuhai an ti hlak cheu ka hriet sih a.

ISAI 5:25

Chuleiin, LALPA lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong nawh a; a kut chu a lân let ta rawp a.

ISAI 57:1

Mi fel chu an bohmang hlak a, tukhawma an lungrilin an ngaituo ngai nawh a, Pathien ngaisak mihai khawm lâk hmangin an um hlak a; mi fel chu thil ṭha lo hung tlung dinga inthawka lâk hmang an ni hlak ti tukhawma an ngaituo bawk nawh a.

ISAI 57:11

Tu am i ṭih a, în lau a, khêl i hril hlak a, kei i mi hriet ta nawh a, i lungrila i ngaituo ta naw hi? Sâwttak ka to zing an nâwm a nih? Ṭi khawm i mi ṭi naw hi.

ISAI 9:13

Nisienlakhawm, mihai chun anni vawtu tieng chu an ngha chuong si nawh a, sipaihai LALPA chu an zawng chuong bawk nawh.

ISAI 9:19

Sipaihai LALPA lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

JEREMIA 12:11

Râusanah an siem tah a; râu- sana umin ka kuoma chun a ṭap a; mi tukhawma lungril a an sie naw leiin ram pumpui chu râusana siem a ni tah a.

JEREMIA 5:3

Aw LALPA, i mit chun thudik chu a hmu a ni naw am a nih? Anni chu i vuok a, amiruokchu, an lungngai nawh a; anni chu i fâk zo a, anachu, sukdikna chu an dangkîr sih a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 7:20

Chuleiin, Lalpa PATHIEN chun hieng hin a tih: Ngai ta, ka lungin- senna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thing- hai chunga le, hnuoia rahai chunga chun; chun, kâng a ta, ṭhel ni ngai naw ni.

ṬAP HLA 2:3

Lunginsenna ṭiumtakin Israel ki po po chu a sât thlâk a; Hmêlma hmaa inthawkin a kut changtieng chu a keitîm a; Meichawk angin Jakob chu, arêng arama kâng hmangin a raw tah a.

ṬAP HLA 2:4

Hmêlma angin a thalngul chu a kuoi a, hmêlma angin a kut changtiengin a ngîr a, Zion naunu puon ina mita hmu inhâwkumhai po po chu a that vawng a; A lunginsenna chu mei angin a bunthlâk a,

EZEKIEL 20:34

hnam danghai laia inthawkin la suok ka ti cheu a, sukdara in umna ramhaia inthawk khan kut tha hrât le, bân phar le lunginsenna bunthla hielin kei khâwm ka ti cheu;

HOSEA 7:9

Mikhuolhai chun a hrâtna an fâk zopêk a, Ama chun chu a hriet nawh; Hmul inṭuokin ama chu a bâwm nuol tah a, Ama chun chu a hriet nawh.

NAHUM 1:6

A lungninawna hmaa chun tu am ngîr thei an ta, a lunginsenna nasa- taka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

MALAKI 2:2

In ngai a, ka hming sukropui dinga, in lungrila in sie tlat naw chun, Sipaihai LALPA chun hieng hin a tih, in chunga chun ṭawngsie hung tir ka ta, in malsâwmnahai chu ṭawngsie inphur ka tih; anih, lungrila in sie tlat naw leiin, ṭawngsie kân phur nghâl tah a nih.

DÂN PAHNINA 32:22

Ka lunginsen a chawk a, Seol mawng chenin a kâng a, Leihnuoi, a rasuok pumin a kâng zo, Tlâng innghatna dâm a kâng a.