ISAI 42:11 - Pathien Lekhabu Inthieng (BSI)

¹¹ Thlalêr le an khawpuihai chun an râwl insuo raw se, Kedarhai umna khuohai chun: Sela khuoa umhai chu hlimtakin hla sak hai sienla, tlâng sîpa inthawk chun khêk raw se,

ISAI 42:11 ပူးပေါင်းရင်းမြစ်များ

INṬANNA 25:23

Chun, LALPAIN a kuomah, “I sula chun chi hni an um a, I phîng sûnga inthawk ngei chun hnam hni inṭhêng an ta, Hnam pakhat chu hnam pakhat nêk chun hrât lem a ta; A upa lemin a naupang lem rawng chu bâwl a tih,” a tih a.

INPÂKNA HLABU 120:5

Meshekhai rama ka châm le, Kedarhai puon ina ka um hi, ka chung a va rik de!

ISAI 12:5

LALPA chawimawiin hla sak unla, ama chun thil ṭhatakhai chu a lo thaw ta sih a; chu chu hnuoi chunga um po pohaia hin hrietin um raw se.

ISAI 16:1

Ram rorêltu ta dingin berâm- tehai chu Sela khuo thlalêr tienga uma inthawk chun Zion naunu tlânga chun inphur ro.

ISAI 21:16

Lalpa chun hieng ang hin ka kuomah a hril sih a, “Inhlawfa kum tiema kum khat sûngin Kedarhai ropuina po po chu bo zo vawng a ta,

ISAI 32:16

Chupha chun rorêl felna chu thlalêra chun chêng a ta, felna chu hnuoi ṭhatakna hmuna chun um a tih.

ISAI 35:1

Thlalêr le ram inril chu lâwm a ta; ram ṭâwl chu hlimin phûlpâr pâr angin pâr a tih.

ISAI 35:6

Chu pha chun kebaihai chu sakhi angin inchâwm an ta, ṭawng thei- nawhai lei chun hlimtakin hla sak a tih; thlalêra chun tuihai chu hung inkhaw suok huou huou a ta; ram ṭâwla chun vadunghai tui chu hung inchik suok hur hur bawk a tih.

ISAI 40:3

Mi khêk râwl chun, “Thlalêrah LALPA lampui buotsai unla, ram ṭâwla chun ei Pathien ta dingin lamlien sukruol ro.

ISAI 43:19

Ngai ta u, thil thar ka thaw ding a nih; tuta inthawk hin mâwng a tih; chu chu in hriet naw ding am a nih? Thlalêra meu khawm lampui siem ka ta, ram ṭâwla chun vadunghai siem bawk ka tih.

ISAI 52:7

Tlângahai chanchin ṭha intluna, inremna thu khêkpuia, thil ṭha chanchin ṭha intluna, sandamna thu khêkpuia, Zion kuomah, “I Pathien chu lalah a ṭhung,” tituhai ke chu a va mawi de!

ISAI 60:7

Kedarhai ran ruol po po chu i kuoma um khâwmin um an ta; Nebaiothhai berâmchalhai chun i rawng bâwl an tih; ka mâichâma chun lâwmin hang fêng an ta, ka ropuina in chu chawimawi ka tih.

JEREMIA 21:13

Aw phairuom le, phaia lungpui hmun hluotuhai, ngai ta u, nangni ka dodâl cheu a nih, LALPA chun a tih: nangni chun, “Ei chungah tu am hung thlâng a ta? Tu am ei chêngnaa hin hung lût a ta?” in tih a;

JEREMIA 48:28

“Aw Moab hluotuhai, khawpui- hai chu mâksan unla, râwlahai chun va chêng ro; pûk bau sîra a bu septu vâṭhu ang chu ni ro.

JEREMIA 49:16

I ṭiumna chungthua chun, i lungril chapona chun a hlêm che a nih; Aw nang lungpui kak kârhaia chêngtu, muol insângnahai cheltu: i bu chu mupui bu anga insânga chun sep la khawm, chutaka inthawk chun ka hung sukhnuoi ding che a nih, LALPA chun a tih.

JEREMIA 49:31

Tho unla, hnam nuomsipa khawsa le pawisak hrim nei lo an khâta chênga, dai kawtkhâr amanih, kawtkhâr thîrhai amani khawm nei lo hai chu thaw ro, LALPA chun a tih.

EZEKIEL 27:21

Arabia le Kedar lalhai po po chu i kuta sumdâwngtuhai an na; berâm- tehai, berâmhai, kêlhaiin, hienghaia hin i sumdâwngtuhai an nih.

OBADIA 1:3

Aw nang, lungpui kak kâra chêng a; hmun insâng hluotu, “Tuin am hnuoiah mi sukthlâng a ta?” ti lung- riltu, i lungril chapona hin a hlêm ta che a nih.

NAHUM 1:15

Tlânghaia chanchin ṭha in- tluna, inremna thu tlânginsampui- tuhai ke chu en ta! Aw Juda, i ruoi- ṭhenahai chu inser la, i thutiemhai chu sukpuitling rawh; mi rilo chun a pal thleng nâwk ta âwm si naw cheh a, sukbohmang dêr a ni tah a nih.