ISAI 42:10 - Pathien Lekhabu Inthieng (BSI)

¹⁰ Tuisuorieta zu fehai le, a sûnga um po pohai le, thlierkârhai le, a chunga um po pohai, LALPA chawi- mawiin hla thar sak unla, leihnuoi tâwpa inthawk khawma ama inpâk- na hla sak ro.

ISAI 42:10 ပူးပေါင်းရင်းမြစ်များ

1 CHANCHIN SUINA 16:32

Tuisuoriet le a sûnga um po po hi inri hum hum sienla, Lo le a sûnga um po po hi lâwmtakin um raw se.

INPÂKNA HLABU 150:6

Iengkim inthuokthei taphawt chun LALPA chu inpâk raw se. LALPA chu inpâk ro.

INPÂKNA HLABU 33:3

Ama chawimawiin hla thar sak unla, Ri nasatak leh thiemtakin sut ro.

INPÂKNA HLABU 40:3

Hla thar ka bauah a sie ta bawk a, ei Pathien inpâkna chu: Mi tamtakin chuong chu hmûng an ta, ṭî bawk an ta; LALPA chu ring tâng an tih.

INPÂKNA HLABU 65:5

Aw a mi sandamtu Pathien, Thil râpthlâktakhaiin keini mi hung dawn i tih, Nang kâwlkawdawnga mi po po le, Tuisuoriet chung hlataka umhai iring chu i nih.

INPÂKNA HLABU 72:10

Tarsis ram le thlierkâra lalhaiin lâwmman hung chawi an ta, Seba le Sheba ram lalhaiin thilpêk hung inhlân bawk an tih.

INPÂKNA HLABU 96:11

Vânhai khi lâwmtakin um sienla, hnuoi khawm hi hlimtakin um raw se, Tuisuoriet le a sûnga um po po hi inri hum hum sienla,

INPÂKNA HLABU 97:1

LALPA chu Lalah a ṭhung a, hi hnuoi hi hlimtakin um sienla, Thlierkâr tamtak takhai chu lâwmtakin um raw se.

FESUOKNA 15:1

Chun, Mosie le Israel thlahai chun LALPA kuomah hi hla hi an sak a, “Ropuitaka a hne ta leiin LALPA kuomah hla sak ka tih. Sakawr le a chunga chuong chu tuipuiah a pei lût a.

FESUOKNA 20:11

ni ruk sûngin LALPA chun vân le hnuoi, tuipui le an sûnga um po po le chun a siem zo vawng a, a ni sari ni chun a châwl sih a; chuongchun, LALPAIN châwlni chu mal a sâwm a, ân ser tah a.

ISAI 11:11

Chun, chu nia chun LALPA chun a mihai, a thi mahla la um sun, Assuria rama inthawk dâmin, Aigup- ta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 12:5

LALPA chawimawiin hla sak unla, ama chun thil ṭhatakhai chu a lo thaw ta sih a; chu chu hnuoi chunga um po pohaia hin hrietin um raw se.

ISAI 42:4

Hnuoia hin rorêlna ân umtir hmakhat chun ama chu châu naw nih a, beidawng bawk naw nih; chun, thlierkârhai chun a dân thu chu nghâk zing an tih.

ISAI 44:23

Aw vânhai, hlimtakin hla sak ro, LALPAIN chu chu a thaw ta sih a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: LALPA chun Jakobhai chu ân tlan tah a, Israelhaia chun ân chawimawi ding a ni sih a.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “LALPA chun a siehlaw Jakobhai chu ân tlan tah,” ti ro.

ISAI 49:13

Aw vânhai, hlimtakin hla sak ro; aw leihnuoi, hlimtakin um rawh; aw tlânghai, hla sak suok phut ro; LALPA chun a mihai chu a thlamuon sih a, a mi rinum tuorhai khawm chu a lunginsiet ding a ni sih a.

ISAI 49:6

ama chun, “Jakobhai hnam tung- dingna ding le Israelhai laia hum- hima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwl- kawdawng chena ka sandamna chu a tlung theina dingin,” a ta.

ISAI 51:5

Ka felna chu a hnai a, ka san- damna chu a suok tah a, ka bânhai hin mi tin ro rêlpêk a tih, thlierkârhai chun mi nghâk an ta, ka bân hi ring an tih.

ISAI 60:6

Sanghâwngsei tamtak el chun tuom dûl dûl an ti che, Midian le Epha rama sanghâwngsei tuoihai chun: chuong po pohai chu Seba rama inthawkin hung an tih; rângkachak le beraw hung phur an ta, LALPA inpâkna thu inhriettir an tih.

ISAI 60:9

Ama chun a chawimawi che leiin LALPA i Pathien hming ta ding le Israelhai Mi Inthieng ta ding chun i naupasalhai an tangka le rângka- chak leh hlataka inthawka ṭhuoi dingin matheiloin thlierkârhai chun mi nghâk an ta. Tarsis lawng lienhai chun hmasak inchûng an tih.

ISAI 62:11

Ngai ta u, LALPAIN leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

ISAI 65:14

ngai ta u, ka siehlawhai chu lungrila an lâwm leiin hlimtakin hla sak an ta, nangni ruok chu lungrila in lungngai leiin ṭap in tih, thla- raua in lungngai leiin khêk rak rak in tih.

ZEPHANIA 2:11

An chunga chun LALPA chu ṭiumtak nîng a ta; hnuoi chunga pathienhai po po chu a sukbohmang ding a ni sih a; chuongchun, mihriem- hai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkâr- haia inthawk chun.

THUPUONGSUO 14:3

lalṭhungpha hmaa le, thilhring pali le upahai hmaa chun hla thar ni âwmtak hi an sak a; chun, hnuoia inthawka intlan tah, mi nuoi khat le sîng li le sâng li chau naw khan chu, tûkhawmin chu hla chu an inchûk thei nawh.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um tah a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,