ISAI 41:27 - Pathien Lekhabu Inthieng (BSI)

²⁷ Keiin Zion kuoma chun, “En ta, anni saw en ta,” ti hmasâng ka ta; Jerusalem kuoma chun chanchin ṭha hung intluntu pakhat pêng ka tih.

ISAI 41:27 ပူးပေါင်းရင်းမြစ်များ

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 41:4

A tira inthawkin suon po po koin, tuin am thawh a, thaw zo? Kei LALPA, a hmasa tak le a nuhnung tak kuoma um hi, a thawtu chu ka nih.

ISAI 43:10

“In mi hriet a, in mi ring a, ama chu ka nih ti in mi hriet theina dingin nangni hi a mi hrietpuituhai in nih; ka siehlaw ka ithlang khawm chu,” LALPAIN a tih, “Ka um hma chun pathien hrim hrim inngîr an um nawh a, ka um hnunga khawm um bawk naw ni hai.

ISAI 44:28

Kura chungchâng thua, ‘Ama chu ka berâm vêngtu a nih, Jeru- salem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

ISAI 44:6

LALPA Israelhai Lal, an intlantu sipaihai LALPA chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

ISAI 46:9

Kha hmaa tienlai thilhai kha hre zing ro; kei hi Pathien ka na, a dang hrim an um si nawh, kei hi Pathien ka nih; keima ang hrim hrim an um nawh:

ISAI 48:12

Aw Jakobhai le ka ko Israelhai, ka thu hi ngai ro; kei hi ama chu ka nih; a hmasa tak chu ka na, a nu- hnung tak khawm ka nih.

ISAI 48:3

Kha hma thilhai chu tiena tlângah ka lo hril tah a, anih, ka baua inthawkin a suok a, kân hriettir a; kârloin ka muolsuo thut a, a hung tlung tah a.

ISAI 52:7

Tlângahai chanchin ṭha intluna, inremna thu khêkpuia, thil ṭha chanchin ṭha intluna, sandamna thu khêkpuia, Zion kuomah, “I Pathien chu lalah a ṭhung,” tituhai ke chu a va mawi de!

NAHUM 1:15

Tlânghaia chanchin ṭha in- tluna, inremna thu tlânginsampui- tuhai ke chu en ta! Aw Juda, i ruoi- ṭhenahai chu inser la, i thutiemhai chu sukpuitling rawh; mi rilo chun a pal thleng nâwk ta âwm si naw cheh a, sukbohmang dêr a ni tah a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:15

Tir an ni naw chun iengtin am thu hril an ta? “Thil ṭha chanchin lâwmum intluntuhai ke chu a va mawi de!” tia ziek ang khan.

THUPUONGSUO 2:8

“Chun, Smurnaa kohran tirko kuoma chun hieng hin ziek rawh:— “ ‘Hmasatak le Nuhnungtak, thia hung hring nâwk ta khan, hieng thu hi a hril a nih: