ISAI 41:22 - Pathien Lekhabu Inthieng (BSI)

²² Chuong chu inlangtir sienla, thil la hung tlung ding chu kan kuom- ah hril raw se; kan ngaituo theina ding le kan hriet theina dingin, kha hmaa thilhai chu ieng am a ni hril ta u; annawleh, thil la hung tlung dinghai chu mîn hriettir ro,

ISAI 41:22 ပူးပေါင်းရင်းမြစ်များ

ISAI 41:26

Ka hriet theina dingin tuin am a tira inthawk khan a hril hlak a? “Ama hi ân dik ie,” kan ti theina dingin tuin am a hrillâwk hlak a? Anih, a hril hrim hrim an um nawh, anih, inhriettir hrim hrim an um nawh, anih, in thuhrilhai hi a hrie hrim hrim an um nawh.

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

ISAI 44:7

Tienlaia mihai ka siem china inthawk tah keima thaw angin tuin am ko a ta, tuin am chuong chu hril a ta? Tlung dinghai le la hung um dinghai chu hril raw se.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei LALPA hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni sih a, a dang hrim hrim an um nawh.

ISAI 46:10

keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka tih a,

ISAI 48:14

Nangni rawi po pohai, inkhâwm unla, ngai ro; anni lai chun tuin am hieng thil hi a hril hlak a? LALPA chun ama chu a hmangai a, ama chun Babulon chunga chun a dit zâwng thâwng a ta, a bân chu Kaldaihai chungah inletin um a tih.

ISAI 48:3

Kha hma thilhai chu tiena tlângah ka lo hril tah a, anih, ka baua inthawkin a suok a, kân hriettir a; kârloin ka muolsuo thut a, a hung tlung tah a.

JOHAN 13:19

Hi hi a hung tlung hmain tuhin ka hril cheu hi, a hung tlung phaleh, kei kha ka nih ti in ring theina dingin.

JOHAN 16:14

Ama chun kei mi chawimawi a tih, ka taa mi lâng a ta, in kuomah ân hriettir ding cheu a ni sih a.