ISAI 41:20 - Pathien Lekhabu Inthieng (BSI)

²⁰ LALPA kut chun chuong chu a thaw a nih ti le Israelhai Mi Inthieng chun a siem a ni ti an hmuh a, an hriet a, an ngaituoh a, an hrietthiem sengna dingin.

ISAI 41:20 ပူးပေါင်းရင်းမြစ်များ

JOB LEKHABU (THE BOOK OF JOB) 12:9

Hienghai po poa hin, Lalpa kut chun hi hi a thaw a nih ti hre naw tu am um an ta?

INPÂKNA HLABU 109:27

Chu chu i kut a nih ti an hriet thei a, LALPA, nangin i thaw a nih ti an hriet theina dingin.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rik- phurna hnuoia inthawka la suoktu cheu, in Pathien LALPA ka nih ti hre tâng in tih.

FESUOKNA 9:16

nisienlakhawm, hi thilthaw kawng ngeihaia hin ka thilthawthei- nahai chu nangmaa inentir a ni theina ding le khawvêl po poa ka hming chu phuongdar a ni theina dingin ka la dawmngir zing che a ni hi.

ISAI 28:29

Chuong khawm chu sipaihai LALPA, inrâwnna kawnga mi mak- tak le, varna kawnga mi ṭhatak kuoma chu a suok a nih.

ISAI 29:24

Thlaraua invâkhmanghai khawm chun hrethiem tâng an ta, mi chierhai chun thuinchûktir chu in- chûktir tâng an tih,” tiin.

ISAI 40:5

chun, LALPA ropuina chu suk- lang nîng a ta, mi po poin chu chu hmu seng an tih; LALPA bau chun a hril ta sih a,” a ta.

ISAI 41:4

A tira inthawkin suon po po koin, tuin am thawh a, thaw zo? Kei LALPA, a hmasa tak le a nuhnung tak kuoma um hi, a thawtu chu ka nih.

ISAI 43:15

Kei hi LALPA, in Mi Inthieng, Israelhai Siemtu, in Lal chu ka nih,” tiin.

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ISAI 44:23

Aw vânhai, hlimtakin hla sak ro, LALPAIN chu chu a thaw ta sih a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: LALPA chun Jakobhai chu ân tlan tah a, Israelhaia chun ân chawimawi ding a ni sih a.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti cheh a; i kea pilvut chu liek an tih; chuongchun, kei hi LALPA ka ni hung hre el i tih; a mi nghâktuhai chu muolphoin um naw ni hai.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, LALPA kut chu a siehlawhai tieng a um ti hrieng an ta, a hmêlmahai chunga chun lungni naw ni.

ISAI 66:18

An thilthawhai le an ngaituohai chu ka hriet sih a; hnam tinrêng le ṭawng tinrêng ka ṭhuoi khâwm hun a la hung tlung ding a nih; chuongchun, hung an ta, ka ropuina hmûng an tih.

ISAI 66:2

Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LALPAIN a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

NAMBAR 23:23

Jakobrawi chungah dawi invêtna a um nawh a. Israelhai chungah dawi invêtna a um bawk nawh. Jakobrawi le Israelhai chunga Pathien thilthaw chu suklang pei a nih.

2 THESSALONIKA 1:10

chu ni, a mi inthienghaia chun chawimawia um ding le, ringtuhai po poa chun (kan thu inhriettir cheu kha in awi sih a) makti dinga a hung nia chun.