ISAI 40:31 - Pathien Lekhabu Inthieng (BSI)

³¹ LALPA nghâktuhai ruok chun an hrâtna chu siem ṭha nâwk an ta, mupuihai angin thlain hang vuong an ta, sâwl loin tlân an ta; châu loin kein fêng an tih.

ISAI 40:31 ပူးပေါင်းရင်းမြစ်များ

JOB LEKHABU (THE BOOK OF JOB) 17:9

Mi fel chun a lampui chu chel zing a ta, Kut faihai neitu chu hung hrât deu deu a tih.

INPÂKNA HLABU 103:5

I bau chu thil ṭhain a sukkhawp hlak a; chuongchun, i tleirâwlna chu mupui anga siemtharin a um nâwk hlak.

INPÂKNA HLABU 123:2

Ngai ta, siehlawhai mitin an pu kut tieng a en hlak ang le, Siehlawnu mitin a pi kut tieng a en hlak angin, Keini mit khawma LALPA kan Pathien kuom tieng a en zing a nih, Keini a mi lunginsiet hmakhat chun.

INPÂKNA HLABU 138:3

Ka ko ni che khan nangin i mi dawn a, Ka hringna sukhrâtin i mîn fui a,

INPÂKNA HLABU 20:9

LALPA, sandam rawh, Kan ko pha chun Laltak chun mi dawn raw se.

INPÂKNA HLABU 25:21

Lungril ṭhatna le indiknain mi vawng ṭha zing raw se. Ka nghâk zing si cheh a.

INPÂKNA HLABU 25:3

Anih, nangma nghâktu hrim hrim chu tukhawm muolphoin um naw ni hai, A san um loa vervêktaka thawtuhai ruok chu muolphoin um an tih.

INPÂKNA HLABU 25:5

I thutaka chun mi ṭhuoi la, mîn chûktir rawh, Nang chu a mi sandamtu Pathien i ni sih a; Sûnnithlâkin ka nghâk zing che hi.

INPÂKNA HLABU 37:34

LALPA chu nghâk la, a lampui chu hraw rawh, Chuongchun, ram chu hluo dingin chawimawi a ti che. Mi rilohai sukbohmanga an um lai chu la hmûng i tih.

INPÂKNA HLABU 40:1

LALPA chu ka nghâk fan fan a, Chuongchun, ama chu ka kuom tieng a hung thleh a, Ka ko chu a ngai tah a.

INPÂKNA HLABU 84:7

Hrâtnaa inthawkin, hrât nâwk zuolnaah an fe hlak a, Ziona Pathien hmaa chun an inlang seng hlak.

INPÂKNA HLABU 84:8

Aw LALPA, sipaihai Pathien, ka ṭawngṭaina hi mi lo ngaipêk la, Aw Jakob Pathien, na lo sit rawh.

INPÂKNA HLABU 92:1

LALPA kuoma lâwmthu hril le, Aw Achunghnungtak, i hming inpâkna hla sak hi thil ṭhatak a nih;

INPÂKNA HLABU 92:13

LALPA ina phunhai chu, Ei Pathien biekin inhuonna tuol sûnga chun inno hlut hlut an tih.

FESUOKNA 19:4

Aigupta mihai chunga ka thil- thaw tah le, mupui thlahai chunga phur cheua ka kuoma ngei ka ṭhuoizie cheu kha in hmu tah a.

THUVARHAI 30:19

Boruoka muvânlai lampui chu; Lungpui chunga rûlpui lampui chu; Tuisuoriet laia lawng lampui chu; Chun, pasal le nunghâk lampui le chun.

HLAHAI HLA 8:5

Thlalêra inthawka a hmangaitak ringsana Hungnu saw tu am a na? Nunghâk Apple thing hnuoia chun ka keiṭhang cheh a, Chutaka chun i nu chu nanga leia nauhase nat chun a um a, Chutaka chun nanga neitu che chu nauhase nat tuorin a um tah.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi LALPA chu a ni hi; ama hi ei nghâk zing a, a san- damnaa chun hlimin lâwm ei tih,” tîng an tih.

ISAI 30:15

Lalpa PATHIEN, Israelhai Mi Inthieng chun hieng ang hin a hril ta sih a, “Kîr nâwka châwla umin san- damin um in ta; muongtaka umnaa le ringtaka umnaa hin in hrâtna um a tih,” tiin, nisienlakhawm, in nuom si nawh.

ISAI 30:18

Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 41:1

Aw thlierkârhai, ka hmaa chun to ṭhiep ro; mi tin chun an hrâtna sukthar nâwk hai sienla, hung hnâi tâwl raw hai se; chu hnunga chun hril raw hai se; rorêl dingin inhnai tâwl ei tiu khai.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si nawh a, nain an hriet ngai nawh a, mit khawma an hmu ngai bawk nawh.

ISAI 8:17

Kei chun Jakob sûnghai laia a hmai thuptu LALPA chu nghâk ka ta, ama chu thlîr zing ka tih.

JEREMIA 48:15

Moab chu suksietin a um a, a khawpuihai hlak chu meiin a khuh a, a tlangvâlhai hlak chu that thlâk zo an ni tah a, Laltak, a hming sipaihai LALPA chun a tih.

ZEKARIA 10:12

Chun, anni chu LALPAA chun sukhrât ka ta, chun, ama hmingin a suk a tungin fe tâng an tih, LALPA chun a tih.

LUKA 18:1

Chun, beidawng loin an ṭawngṭai rawp ding a nih ti, inhriettirna dingin an kuomah tekhithu a hril a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:25

Ei hmu naw chu ei beisei chun ei nghâk fan fan hlak a nih.

2 KORINTH 4:1

Chuleichun, lunginsietna kan hmu ang peia hi rawngbâwlna hi kan nei leiin kan dawl nawh a;

2 KORINTH 4:16

Chuleichun, kan dawl nawh a, kan puotieng mihriem hi hung awngrawp tieu tieu sien khawm kan sûng tieng mihriem chu ni tin siem thar peiin a um lem a nih.

GALATI 6:9

Chuongchun, thil ṭha thaw chu nghawk nâwng ei tiu, ei inhlêmsan naw chun a hun taka chun ei sîk ngei ding a nih.

DÂN PAHNINA 32:11

Mupuiin a bua a te a chawk- tho a, A te chungah thla a zâp a, A thlahai a zâr a, a lâk a, A thlaa a dawm hlak angin,

DÂN PAHNINA 33:25

I kalnahai chu thîr le dârsen nîng a ta, I dam sûng poin i hrâtna khawm um zing a tih,” a ta.

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

HEBRAIHAI 12:1

Chuongchun, chuong ang lâwma tam, mi thlîrtuhai in- huol vêla ei um leiin, a mi sukhnawk taphawt le suol einia kawp tlat chu sie thla vêng ei ta, ei hmaa intlânsiekna uma hin seltakin tlân pei ei tiu.

HEBRAIHAI 12:3

In hung sâwl a, in thlarau tieng in hung chau nawna dingin, misuol- hai theidana nasatak tuormuolsuotu ngei chu ngaituo ro.

JOSUA 14:11

Chuong sa khawm chun tu chen hin Mosien a mi tir lai ang el khan ka la hrât zing a, inhmaa indona ding le suok invâkna dinga thahrui ka nei ang khan tu khawm hin ka la nei zing i sawnnaw.

THUPUONGSUO 12:14

Chuongchun, thlalêra a hmuna chun a vuong lût theina dingin nuhmei chu mupui lientak thla khing hni an pêk a, chutaka chun rûlpui hmu phâk nawah hun khat le hunhai le hun chenve sûng po châwm an tih.

THUPUONGSUO 2:3

Selna i nei bawk a, ka hming leiin i tuor tah a, i châu si nawh a.

THUPUONGSUO 4:7

Thilhring pakhatna chu sakei- baknei ang a na, thilhring pahnina chu sebâwngte ang a na, thilhring pathumna chun mihriem hmêl ang a put a, thilhring palina chu mupui vuong lai ang a nih.

RORELTUHAI 16:28

Chun, Samson chun LALPA a ko a, “Aw Lalpa PATHIEN, ka hni che hi, mi hung hre zing la, ka hni che hi, tuta ṭuma chau bêk hin mi hung sukhrât la, aw Pathien, ka mit khing hni phuba hi Philistin mihai chunga hin hang la vak ka tih,” a tih a.