ISAI 40:3 - Pathien Lekhabu Inthieng (BSI)

³ Mi khêk râwl chun, “Thlalêrah LALPA lampui buotsai unla, ram ṭâwla chun ei Pathien ta dingin lamlien sukruol ro.

ISAI 40:3 ပူးပေါင်းရင်းမြစ်များ

INPÂKNA HLABU 68:4

Pathien chawimawiin hla sak unla, a hming inpâkin sak ro; Tawlailîr thlalêrhai fethleng ding ta ding chun lamlien ding sung pâwng unla, A hming chu JAH a nih, a hmaa chun hlim ro.

ISAI 35:8

Chun, chutaka chun lamlien um a tih; lampui leh, chu chu, “In- thiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 40:4

Ruom tin suksâng ni vawng a ta, tlâng tin, muol tin sukhnuoi ni bawk a tih; lampui kâwihai chu suktlûn nîng an ta, ân ṭum nawna laihai chu sukruol ni bawk a tih;

ISAI 43:19

Ngai ta u, thil thar ka thaw ding a nih; tuta inthawk hin mâwng a tih; chu chu in hriet naw ding am a nih? Thlalêra meu khawm lampui siem ka ta, ram ṭâwla chun vadunghai siem bawk ka tih.

ISAI 49:11

Chuongchun, ka tlâng po po chu lampuiah siem ka ta, ka lamlienhai chu suksângin um bawk a tih.

ISAI 57:14

Chun, ama chun, “Sung pâwng ro, sung pâwng ro, lampui buotsai ro, ka mihai lampuia an tlûkna ding chu pei ro,” tîng a tih.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, LALPA in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai LALPA chun a tih.

JOHAN 1:23

Ama chun, “ ‘Lalpa lampui suk- ruol ro,’ tia thlalêra khêktu râwl chu ka nih; zâwlnei Isai hril ang khan,” a ta.