ISAI 40:28 - Pathien Lekhabu Inthieng (BSI)

²⁸ In lungrilin in hriet zing hlak nâwm a nih? In nain in hriet ngai nâwm a nih? Kumkhaw Pathien, LALPA, kâwlkawdawng chen Siemtu chu, a châu ngai nawh a, a sâwl ngai bawk nawzie hi; a hrietthiemzie chu zawng suok ruol a ni nawh.

ISAI 40:28 ပူးပေါင်းရင်းမြစ်များ

INṬANNA 21:33

Abraham chun Beer-sebaa chun tamarisk thing a phun a, chutaka chun LALPA Chatuon Pathien hming chu a lam a.

JOB LEKHABU (THE BOOK OF JOB) 38:18

Hnuoi khang lienzie chu i hriet ta hlak am? Hril rawh khai, a rênga i hriet vawng chun.

INPÂKNA HLABU 138:8

LALPA chun ka chungchânga a thaw ding chu hlen a tih, Aw LALPA, i ngilneina chu kumkhawtluongin um a ta, Nangma kut thilthawhai hi bânsan naw rawh.

INPÂKNA HLABU 139:6

Chuong ang lâwma hrietna chu ka ta dingin a mak taluoh a, Ân sâng bêk a, ka phâk naw a nih.

INPÂKNA HLABU 145:3

LALPA chu a ropui a, nasataka inpâk ding a nih, A ropuizie chu suisuok ruol a ni nawh.

INPÂKNA HLABU 147:5

Ei LALPA chu a ropui a, thilthawthei tienga khawm hrâttak a nih, A varna chun tâwpintai a nei nawh.

INPÂKNA HLABU 90:2

Tlânghai insieng hmaha, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

ISAI 37:26

Keimain inhmaa inthawka chuong chu ka thaw a na, tienlaia chuong chu ka siem an nih ti i hriet nâwm a nih? Khuo kulpui neihai kha in chim khâwm el anga suksetu i ni theina dingin tuhin kân tlungtir a ni ta hi.

ISAI 40:21

In lungrilin in hriet ngai naw am a nih? In nain in hriet ngai naw am a nih? A tira inthawk khan an hril naw cheu am a nih? Leihnuoi insieng tira inthawk khan in hrietthiem naw am a nih?

ISAI 42:4

Hnuoia hin rorêlna ân umtir hmakhat chun ama chu châu naw nih a, beidawng bawk naw nih; chun, thlierkârhai chun a dân thu chu nghâk zing an tih.

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni sih a, a dang hrim hrim an um nawh.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 59:1

Ngai ta u, LALPA kut chu san- dam theilo dingin suktawiin a um nawh a, a na chu hre theilo dingin, a sêt bawk nawh:

ISAI 66:9

Pieng hun intlungtir siin kân nei- tir naw ding a ni? LALPAIN a tih; kei inneitir hlaktu hin nau kân neitir phal naw ding am a nih? i Pathienin a tih.

JEREMIA 10:10

Amiruokchu, LALPA chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 32:17

‘Aw LALPA Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um nawh a;

JEREMIA 4:22

“Ka mihai an invêt a, an mi hriet si nawh a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

MARKA 16:14

Chun, chu hnung nâwka chun buthlêng an awt laiin sâwm le pakhat hai kuom ngeiah ân lâr nâwk a, a thonâwk hnunga a hmutuhai thu chu an awi naw leiin an awi nawna le an lungril ngar kawnga chun a kâwk tâwl a.

MARKA 9:19

Chun, ama chun an kuomah, “Ruolthar ringna nei nawhai, ieng chen am in kuomah um ka ta? Ieng chen am ngai thei ka ti cheu a? Ama chu ka kuomah hung ṭhuoi ro,” tiin a dawn a.

LUKA 24:25

Chun, ama chun an kuomah, “Mi invêthai, zâwlneihai thu hril po po awi kawnga ngawnghai!

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

JOHAN 5:17

Nisienlakhawm, Isûn anni chu a biek a, an kuomah, “Ka Pain tu chen khawmin sin a thaw hlak, kei khawmin ka thaw hlak,” a ta.

THILTHAWHAI 13:47

Chuong ang chun Lalpain thu a mi pêk a nih. ‘Jentailhai sukvartuah ka ruot che, Kâwlkawdawng chena sandamna in tlun theina dingin,’ ti ziek ang khan,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:26

Chu thurûk chu kumkhuo Pathien thupêk angin zâwlneihai le- khathuin hnam tin kuomah inhriettir a ni tah a, mi tinin an ringa an zâwm theina dingin.

1 KORINTH 2:16

Tûin am Lalpa lungril hre taa ama inchûktir thei ding? Eini ruok chun Krista lungril ei put a nih.

1 KORINTH 6:16

Anleh, nawchizawr zawmpui chu ama leh pumkhat an nih ti in hriet naw am a nih? “An pahniin tisa pumkhat hung ni tâng an tih” ti ziek a ni sih a.

1 KORINTH 6:19

Anleh, in taksa chu in sûnga um Pathien kuoma inthawka in hmu Thlarau Inthieng in a ni ti in hriet naw am a nih? Mâni ta khawm in ni nawh a,

1 KORINTH 6:9

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih,

DÂN PAHNINA 33:27

Chatuon Pathien chu în humhimna a na, Hnuoi tienga chun chatuon bân a um, Hmêlmahai chu a vaikiengpêk hlak cheh a, ‘Sukbohmang rawh,’ a tih a.

PHILIPPI 1:6

Nangnia thilṭha thaw phuttu khan Isu Krista ni chen chun a thaw famkim pei ding a nih; chu ngei chu ka ring tlat sih a.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

HEBRAIHAI 9:14

Krista, chatuona Thlarau hmêl- hem loa Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

1 SAMUEL 2:10

LALPA insuolpuihai chu kawinawiin um an ta, Vâna inthawka vâninrûmin do a ta; LALPA chun kâwlkawdawng chenin rorêl a tih; A lal chu hrâtna pêng a ta, A hrieknâl ki chu chawimawi a tih,” a ta.