ISAI 40:15 - Pathien Lekhabu Inthieng (BSI)

¹⁵ Ngai ta, hnam tin chu bâlṭina tui far khat ang chau an na, bûknaa thil nawi mahla kai ang chaua ngai an nih; ngai ta, ama chun thlierkârhai chu thil chiterek angin a lâk nel nel el hlak a.

ISAI 40:15 ပူးပေါင်းရင်းမြစ်များ

INṬANNA 10:5

Chuonghaia inthawk chun a nih tuipui kama hnamhai chu anni ram ramah an indar ta chu: anni ṭawng ang pei le, anni hnam ang peiin, anni chihai laia seng chun.

INPÂKNA HLABU 62:10

Nêksâwrna hi ring naw unla, Inrûkhmang hi sawngah nei bawk naw unla, Hausakna hung pung sien khawm, a chunga chun in lungril innghat bawk naw ro.

INPÂKNA HLABU 62:9

Mi inhnuoihai hi iengkhawm an ni nawh a, mi insânghai khawm hi khêl an nih; Bûknaa chun an inkâng dai a, Iengkhawm ni lo nêk khawmin an zâng lem a nih.

ISAI 11:11

Chun, chu nia chun LALPA chun a mihai, a thi mahla la um sun, Assuria rama inthawk dâmin, Aigup- ta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

ISAI 2:22

An hnâr chaua thuok um, mihriem ring hi bânsan ta ro, ieng kawng âm ring tlâk an ni hrim leh?

ISAI 29:5

Nisienlakhawm, nanga dotu mipuihai chu pilvut inditak angin um an ta, mi ṭiumhai mipuihai chu busi bohmang hlak ang hin um bawk an tih; anih, chu chu mitkhapkâr loin um thut a tih.

ISAI 40:22

Ama chu leihnuoi inkuolkhum- na chunga ṭhung chu a nih; a mit- hmua chun hnuoi chunga umhai chu khâuhai ang chau an nih, ama chu vân khi puon in chung anga keiphar a, puon in umna ding hmuna zâr a;

ISAI 41:5

Thlierkârhai chun an hmuh a, an ṭih a; kâwlkawdawnghai chu an in- thin a, an hung hnâi a, an hung a.

ISAI 59:18

An thilthawhai angin, an thil- thawhai ang ngeiin, ama chun thung a tih, ama dotuhai chu lunginsen- nain, a hmêlmahai chu thungnain thung a tih; thlierkârhai chu thung- nain thung a tih.

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah--Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lo a ka ropuina la hmu ngai lohai kuoma chun -- tir ka tih; chuongchun, hnam tin lai chun ka ropuina thu hril an tih.

JEREMIA 10:10

Amiruokchu, LALPA chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

DANIEL 11:18

Hi hnunga hin, thlierkâr tienga chun nghâng a ta; tamtak chu lâng a tih; nisienlakhawm, sipai hotu chun zilna amain a pêk chu suktâwp a ta, anih, chu naw khawm chu, a zilna chu ama chungah inumtir bawk a tih.

DANIEL 4:32

Chun, mihriemhai laia in- thawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mi- hriemhai ram chunga hin Achung- hnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung tih a.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thawh a, Tukhawmin a kut chu an chel thei nawh a. “Nangin ieng am i thaw an leh?” an ti thei bawk nawh.

ZEPHANIA 2:11

An chunga chun LALPA chu ṭiumtak nîng a ta; hnuoi chunga pathienhai po po chu a sukbohmang ding a ni sih a; chuongchun, mihriem- hai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkâr- haia inthawk chun.