ISAI 40:10 - Pathien Lekhabu Inthieng (BSI)

¹⁰ En ta u, Lalpa PATHIEN chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

ISAI 40:10 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin LALPA thu chu Abram kuomah mang angin a hung tlung a.

INPÂKNA HLABU 110:6

Hnam tin lai chun rorêl a ta, Hmunhai chu ruongin suksip a ta, Ram tamtaka chun lu chu sât khawi rem rum a tih.

INPÂKNA HLABU 66:3

Pathien kuomah, “I thilthawhai chu a va ropui de! I thilthawtheina nasatzie leiin nangma dotuhai chu i kuomah intuklût an tih.

ISAI 28:2

Ngai ta, LALPA chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.

ISAI 33:2

Aw LALPA, mi lunginsiet la; kan nghâk zing che hi: tûk tin kan bân hung ni la, lunginzîng huna chun a mi sandamtu hung ni bawk rawh.

ISAI 49:4

Kei ruok chun, “Athlâwn elin sin ka thaw inrim a, iengkhawm ni loa le boruok elah ka tha ka sêng a, nisien- lakhawm, matheiloin ka chunga rorêlna ding chu LALPA kuomah a nih a um chu, mi thungna ding khawm chu ka Pathien kuomah a nih a um chu,” ka tih a.

ISAI 51:5

Ka felna chu a hnai a, ka san- damna chu a suok tah a, ka bânhai hin mi tin ro rêlpêk a tih, thlierkârhai chun mi nghâk an ta, ka bân hi ring an tih.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, baw- setuhai ta ding chun a ṭawngṭaipêk a.

ISAI 59:15

Anih, thutak a um ta nawh a; thil ṭha naw bânsantu chu râllâkah ân siem hlak; LALPAIN chu chu a hmuh a, indikna hrim hrim um ta naw chun a suklungni ta nawh a.

ISAI 59:16

Chun, mi hrim hrim an um nawh ti a hriet a, hnipêktu hrim hrim an um nawh ti a hriet a, hnipêktu hrim hrim an um naw chu mak a tih a; chuleiin, ama bân ngei chun san- damna ân siempêk a, ama felna ngei chun ama le ama ân chelngîr tah a.

ISAI 59:18

An thilthawhai angin, an thil- thawhai ang ngeiin, ama chun thung a tih, ama dotuhai chu lunginsen- nain, a hmêlmahai chu thungnain thung a tih; thlierkârhai chu thung- nain thung a tih.

ISAI 62:11

Ngai ta u, LALPAIN leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

ISAI 63:5

Chuongchun, ka hei en a, ṭhangpuitu ding hrim hrim an um nawh; chel ngîrtu ding hrim hrim an um naw chu mak ka tih a; chuleiin, keima bân ngei hin sandamna a mîn tlun a; ka lunginsenna chun a mi chel ngîr tah a.

JEREMIA 31:16

LALPA chun hieng hin a tih: I râwl chu ṭapnaa inthawk le, i mithai chu mitthlihaia inthawkin insûm rawh; i sinthaw chu lâwmman pêk a ni ding a ni sih a, LALPA chun a tih; chun, anni chu hmêlma rama in- thawk chun hung kîr nâwk an tih.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, LALPA in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai LALPA chun a tih.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

JOHAN 12:13

tûm kauhai an chawi a, a tuok dingin an va suok a, “Hosanna, Lalpa hminga Israel Lal hung chu inpâkin um raw se,” tiin an khêk a.

JOHAN 12:15

“Ṭi naw, Zion naunu, En ta, i Lal chu, Sabengtungtê chunga chuongin, A hung ding a nih,” ti ziek ang khan.

HEBRAIHAI 2:14

Chuongchun, naupanghai hi tisa le thisen changtuhai an ni tâwl leiin, ama ngei khawmin chuong bawk chu a chang ve tah a; thînain thîna thuneitu (chu chu Diebol a nih), a sukbohmang theina ding le,

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol sih a, Pathien Naupa hung inlang san tak chu Diebol sin- thawhai a sukbohmang theina dingin a nih.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, ko- hai, thlanghai, ringumhai chun hne bawk an tih,” a tih a.

THUPUONGSUO 20:11

Chun, lalṭhungpha lientak vâr- tak le a chunga ṭhung chu ka hmuh a, a hmaa inthawk chun hnuoi le vân an tlân hmang a, an ta dingin hmun hrim a um ta nawh a.

THUPUONGSUO 22:12

“Ngai ta, ka hung vak ding a nih; mi tin an thilthaw ang peia pêk dingin ka lâwmman ka kuomah a um a.