ISAI 4:6 - Pathien Lekhabu Inthieng (BSI)

⁶ Sûna chun nisa sat hlietu ding le thlipui le ruopuia inthawka inhum- himna le inbîkhmangna ding hmun dinga bâwktê nîng a tih.

ISAI 4:6 ပူးပေါင်းရင်းမြစ်များ

INPÂKNA HLABU 27:5

Lunginzîng ni chun a bûktêah a mi sie hmang âwm sih a, A humhimna puon ina chun mi thuphmang a tih; Lungpui chungah mi dawm kai a tih.

INPÂKNA HLABU 55:8

Thli hrâttak le, thlipui hi, Inbîkna hmunah ka mâksan vak ding bah,” ka tih a.

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

THUVARHAI 18:10

LALPA hming chu kulbîng dettak a na, Mi fel chu chutaka chun a tlân lût a, a him hlak.

ISAI 14:32

Philistin hnam palaihai chu iengtin am dawn ei ta le? “LALPAIN Zion chu ân ngîr a, a mihai laia rimsihai chu amaa chun tlulût an tih,” tiin nîng a tih.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.

ISAI 30:30

Chun, LALPA chun a râwl ro- puitak chu inhriettir tâng a ta, a lunginsenna nasatak le thil kâng- hmang meichawkin, thlipui le ruopui le rielin, a kut thlâk dân chu inentir tâng a tih.

ISAI 32:1

Ngai ta, lal pakhat chu feltak- in lalah ṭhung a ta, mi lienhai chun rorêlna felin ro rêl an tih.

ISAI 32:2

Mi pakhat chu thlipuia inthawka inbîkna hmun ang le, ruopuia in- thawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 8:14

Chun, ama chu hmun inthieng nîng a ta. Israel sûng hnihai ta ding ruok chun tlûkna lung le dangna lungpui ni lem a tih. Jerusalema umhai ta ding chun châng le bil ni bawk a tih.

EZEKIEL 11:16

chuleiin, hril la, Lalpa PATHIEN chun hieng hin a tih; ‘Hnamhai laia inthawka hlataka chun ka lo sawn ta deh a, ramhai laia chun anni chu ka lo sukdar ta deha chu, an va fena ramhaia chun hun sâwt nawtê sûnga ding chun an ta dingin hmun inthieng la ni ta fan ka tih’ tiin.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir tah a, ringna leia felna um ro chu hluotu a lo ni tah a.

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai in- fuina nasatak ei nei theina dingin.

THUPUONGSUO 7:16

An phîng ṭâm ta naw nih a, dangchâr ta bawk naw ni hai; nisain em naw nih a, lum hrim hrim khawm- in sukrinum ta bawk naw nih.