ISAI 38:3 - Pathien Lekhabu Inthieng (BSI)

³ “Aw LALPA, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha, ka hni che hi hre zing rawh aw,” a ta. Chun, Hezekia chu a ṭap a ṭap tah a.

ISAI 38:3 ပူးပေါင်းရင်းမြစ်များ

INṬANNA 17:1

Chun, Abram chu kum sawm- kuo pakuo mi a niin LALPA chu Abram kuomah a hung inlâr a, a kuomah, “Kei Pathien Iengkim- thawthei ka nih, ka hmaah um la, ṭha famkimin um rawh.

INṬANNA 6:9

Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

1 LALHAI 15:14

Bâwlhmunhai ruok chu a sukbo nawh a, nisienlakhawm, Asa lungril chu a dam sûng po chun LALPA tieng chun a ṭha famkim a nih.

1 LALHAI 2:4

LALPAIN ka chungchâng thua, ‘I thlahaiin an lungril tak le, an lungvar taka ka mithmua thutaka um dinga an umdân an fîmkhur chun Israelhai lalṭhungphaa ṭhung ding tlasam naw ti ni,’ tiha a hril kha a sukdet ding a nih.

2 LALHAI 18:3

Chun, a pu David thilthaw ang po thaw vein, LALPA mithmua thil ṭhatak a thaw hlak a.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

1 CHANCHIN SUINA 29:19

ka naupa Solomon kuoma khawm, i thupêkhai le, i thu inhriet- tirhai le, i thuruothai chu zâwm dingin le, hieng thilhai po po hi thawh a, a châkkhai ka lo sielâwk tahai chun lalin bâwl dingin lungril ṭha famkim pe bawk rawh,” a ta.

1 CHANCHIN SUINA 29:9

Chun, mipuihai chu phaltaka an inhlân lei chun an hlim a, lung- ril tluongtaka LALPA kuoma an inhlân lei chun; chun, lal David ngei khawm chu namênin a lâwm nawh a.

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin LALPA mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw tah a, chuleiin, tuta chin chu indonahai khawm nei zing tâng i tih,” a ta.

2 CHANCHIN SUINA 25:2

LALPA mithmuah thil indik chu a thawh a; amiruokchu, lungril ṭha famkim leh ni loin.

EZRA 10:1

Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el sih a.

NEHEMIA 1:4

Chuong thu chu ka hriet chun ka ṭhung chawt a, ka ṭap a; ni ieng zât amani chu lungngaiin ka um a; chun, bu ka nghei a, vân Pathien hmaa chun ka ṭawngṭai a;

NEHEMIA 13:14

Aw ka Pathien, hi thua hin mi hre zing la, ka Pathien in le a rawng- bâwlna dinga ka thil thaw ṭhathai chu thaihmang lul naw rawh.

NEHEMIA 13:22

Chun, Levi mihai chu inthien faia, châwlni sukthiengna dinga kul kawtkhâr hung vêng dingin thu ka pêk a. Aw ka Pathien, hi thua khawm hin mi hre zing la, i lunginsietna nasatzie ang peiin mi hla rawh.

NEHEMIA 13:31

a hun ruot senga thing inhlân ding le thlai thar hmasa tak ta ding dâmin. Aw ka Pathien, a ṭha tiengin mi hre zing rawh khai.

NEHEMIA 5:19

Aw ka Pathien, hieng mihai ta dinga ka thilthawhai po po hi ka ṭhatna dingin hre zing rawh aw.

INPÂKNA HLABU 101:2

Kawng ṭha famkima chun vartakin um ka ta, Aw iengtik âm ka kuomah hung i ta? Ka in sûngah lungril ṭha famkim putin um ka tih.

INPÂKNA HLABU 102:9

Vut hi bu angin ka fâk a, Ka dâwn ding chu mitthli leh ka pawl ta sih a.

INPÂKNA HLABU 119:80

Ka muolpho nawna dingin, Ka lungril hi i thuruothaia chun ṭha famkimin um raw se.

INPÂKNA HLABU 16:8

LALPA chu ka hmaah kân umtir rawp hlak a, Ka changtieng a um leiin inhnîng naw ning.

INPÂKNA HLABU 26:3

I ngilneizie chu ka hmaah a um sih a, I thutaka chun ka um rawp bawk a.

INPÂKNA HLABU 32:2

Mi LALPAIN rîtlona neia a ruot naw, A thlaraua hlêmna hrim hrim um naw chu, a hamṭha.

INPÂKNA HLABU 6:6

Kân rûmnain ka châu tah, Zân tin ka zâlna chu tuiah ka suklâng a; Ka khum chu ka mitthliin ka sukhu hlak.

INPÂKNA HLABU 6:8

Nangni thil suol thawtuhai po po, mi mâksan vawng ro. LALPA chun ka ṭap ri chu a hriet ta sih a.

ISAI 38:2

Chuongchun, Hezekia chu bang tieng ngha chun ân let a, LALPA kuomah a ṭawngṭai a.

ISAI 38:4

Chuongchun, LALPA thu chu Isai kuoma chun a hung tlung a,

HOSEA 12:4

Anih, vântirko a thawh a, a hne tah, A ṭap a, ditsakna a ngên a, Bethel hmuna chun ama a hmu tah a, Chutaka chun a kuomah thu a hril a;

JOHAN 1:47

Isûn Nathanael a kuoma hung ding chu a hmuh a, a chanchin a lo hril a, “En ta u, Israel mi tak, rîtlona hrim hrim nei lo saw,” a ta.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni loin, Pathien lungin- sietna lemin, khawvêla hin kan châng kha, nangni tiengah kan châng ṭha nâwk zuol a.

DÂN PAHNINA 6:18

LALPA mithmua indik le ṭha chu in thaw ding a nih; in tluongtlung theina ding le LALPAIN in pi le puhai kuoma inkhâma a lo tiem tah ram ṭhatak chu in va hluo theina dinga,

HEBRAIHAI 5:7

Ama chun a tisa put lai nihaia khan thinaa inthawka ama sandam theitu kuoma khan nasataka khêk le mitthli tla puma ṭawngṭainahai le hninahai ân hlân a, a ṭi dêk leiin ngaiin a um a,

HEBRAIHAI 6:10

In sin thaw le a hming leia hmangaina in inlangtir, mi inthieng- hai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si nawh a.