ISAI 38:10 - Pathien Lekhabu Inthieng (BSI)

¹⁰ “Ka dam sûng nihai inding lai tak hin thlân kawtkhârahai chun ka lût ding a na, Ka dam sûng kum la bâk dinghai chu lâkpêkin ka um tah,” ka tih a.

ISAI 38:10 ပူးပေါင်းရင်းမြစ်များ

JOB LEKHABU (THE BOOK OF JOB) 6:11

Ka hrâtna chu ieng am a na, ka la nghâk phawt ding chu? Ka tâwpna khawm chu ieng am a na, ka tuor ṭâl ṭâlna ding chu?

JOB LEKHABU (THE BOOK OF JOB) 7:7

Aw, ka hringna hi thli el a nih ti hre zing la, Ka mit hin thil ṭha hmu nâwk ta naw nih.

INPÂKNA HLABU 102:24

“Aw ka Pathien, ka vânglai nihaia hin mi la hmang naw la, Nanga kumhai chu suon um sûng po po um a tih,” ka tih a.

INPÂKNA HLABU 102:25

Leihnuoi innghatsan chu tiena i phûm tah a na, Vânhai khawm i kutsuok an nih.

INPÂKNA HLABU 107:18

An hringna chun fâk ding tinrêng hi a tirdak hlak a, Thina kul kawtkhârhai chu an hnai hlak a.

INPÂKNA HLABU 31:23

Aw a mi inthieng po pohai, LALPA chu hmangai ro: LALPA chun mi ringum chu a humhim a, Chapotaka thawtu chu nasatakin a thung hlak.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna ama- nih, sinthawna amanih a um ta si nawh a.

ISAI 38:1

Chuong lai chun Hezekia chu thi ngamin a nah a; Chun, Amoz naupa zâwlnei Isai chu a kuomah a hung a, a kuomah, “LALPA chun hieng ang hin a tih, ‘I sûnghai khawsak dân ding rêlpêk rawh; dam suok loin, i thi ngei ding a ni sih a,’ tiin,” a ta.

ISAI 38:9

Juda lal Hezekia damnaw, a dam nâwk hnunga a lekha ziek chu:

JONA 2:6

Tlâng bul tâwp rêthaia chun ka zu feh a, Hnuoi chun kumkhaw ta dingin a kalnahai chun a mi khâr khum a; Amiruokchu, nangin aw LALPA ka Pathien, khursûnga inthawk chun ka hringna chu i lâk suok a nih.

2 KORINTH 1:9

Anih, keinia chun thi chau hmabâk tah angah kan inhriet a, chu chu mâni inring loa Pathien, mithi keithotu chu, kan ring lemna ding a lo nih.