ISAI 37:32 - Pathien Lekhabu Inthieng (BSI)

³² Jerusalema inthawkin a la um sunhai chu suok an ta, Zion tlânga inthawkin a la dam dinghai chu suok bawk an tih; sipaihai LALPA ṭha- hnemngaina chun chuong chu thâwng a tih.

ISAI 37:32 ပူးပေါင်းရင်းမြစ်များ

2 LALHAI 19:31

Jerusalema inthawkin a la um sunhai, Zion tlânga inthawkin a la damhai chu an suok ding a nih: LALPA ṭhahnemngaina chun chuong chu thâwng a tih.

ISAI 10:20

Chun, chu ni chun, Israelhai hlabîkhai le Jakob sûnghai laia a la dam sunhai chun anni thattu chu ring nâwk ta naw ni hai a; LALPA Israelhai Mi Inthieng chu, titakzetin ring lem tâng an tih.

ISAI 26:11

“LALPA, i kut chu pharin a um a, nisienlakhawm, an hmu si nawh; amiruokchu, mihai ta dinga i ṭha- hnemngaina chu hmûng an ta, inzak tâng an tih; anih, nangma dotuhai chu meiin kâng hmang a tih.

ISAI 37:20

Chuleiin, aw LALPA kan Pathien, nang hi, nang chau hi, LALPA i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 37:4

Rabsake, a pu Assuria lalin Pathien hring hrilse dinga a itirpa thuhrilhai chu LALPA i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a tih a,” an ta.

ISAI 4:2

Chu ni chun LALPA kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawi- takin um a tih.

ISAI 42:13

LALPA chu mi hrâttak angin suok a ta, indo mi angin lunginsenna chawktho a tih, khêk a ta, anih, inringtakin khêk a tih; ama dotuhai chunga chun hrâttakin châng a tih.

ISAI 59:17

Chun, felna chu âwmphawah a hâk a, sandamna lukhum a khum a, chun, inthuomnaa chun phubalâkna silfênhai chu ân bel a, zakawfuola chun ṭhahnemngaina a hâk a.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnem- ngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tung- ding dingin. Sipaihai LALPA ṭha- hnemngaina chun chuong chu thâwng a tih.

JOEL 2:18

LALPA chun a ram chu a thîk a, a mihai chu a lunginsiet a.

ZEKARIA 1:14

Chuongchun, vântirko a mi betu chun ka kuomah, ‘Hieng ang hin khêk rawh: Sipaihai LALPA chun hieng hin a tih: Jerusalem le Zion chu nasatakin ka thîk a nih.