ISAI 37:19 - Pathien Lekhabu Inthieng (BSI)

¹⁹ an pathienhai chu meiah an pei bawk a; chuonghai chu Pathien an ni naw hrim a nih; mihriem kuta siem, thing le lung an ni lem; chuleichun, an sukbohmang a nih.

ISAI 37:19 ပူးပေါင်းရင်းမြစ်များ

2 SAMUEL 5:21

Chutaka chun Philistin mihai chun an milimhai an mâksan a, David le a mihai chun an lâk a.

FESUOKNA 32:20

Bâwngte lim an siem chu a lâk a, meiah a rawh a, a rawt nâwi a, tuiah a phul a, Israel thlahai chu ân dâwntir tah a.

ISAI 10:7

Nisienlakhawm, ama chun chu chuong ang chu a tum a ni nawh a, chuong ang chu a lungril khawma a ngaituo bawk nawh; hnam tam namêna tam lo suksiet le sukbo- hmang a nih a lungril lem chu.

ISAI 17:8

Mâichâm anni kut suok tieng chu en ta naw nih a, anni kuta siem Asera amanih, nisa limhai amani khawm inza ta naw ni hai.

ISAI 2:8

An ram chu milimin a sip a, anni kuta thaw suok, anni kutpârhaia siem chu an biek hlak.

ISAI 26:14

Anni chu an thi tah a, hring nâwk ta naw ni hai, an bo tah a, tho nâwk ta naw ni hai; chuleiin, nangin anni chu hremin i suksiet a, an hriet zingna po po khawm i sukbohmang tah.

ISAI 41:24

Ngai ta u, iengkhawm in lo ni naw hi, in thil thaw khawm ieng- khawm a ni bawk nawh, nangni thlangtuhai cheu chu mi tirdakum- tak an ni hi.

ISAI 41:29

En ta u, an rêngin, an sinthaw- hai chu iengkhawm ni lo a na, thil umlo el a nih, an milim sunghai khawm chu thli le boruok el a nih.

ISAI 41:7

Chuongchun, a chârna tieng thua chun, “A ṭha ie,” tiin themthiem mi chun rângkachak sut mi ân fui a, tubaua sutnâm mi chun dolunga sut mi chu ân fui bawk a; chun, ân hnîng nawna dingin kilnahaiin a kil tlat a.

ISAI 44:17

A mahla chu pathienah a siem a, a siem fâwm milim ngeia chun; chu chu bawkkhupa chibai bûkin a biek a, a kuomah a ṭawngṭai a, “Mi sanhim rawh, ka pathien i ni sih a,” a ti hlak.

JEREMIA 1:16

Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik rawh a, an kut sinthawhai ngei chu chibai an lo bûk ta leiin.

JEREMIA 10:11

Hieng hin an kuoma chun hril i tih: hnuoi le vânhai siemtu ni lo pathienhai chu, chuonghai chu vân- khuphnuoia inthawk le leihnuoia inthawk chun bohmang an tih.

JEREMIA 16:20

Mihriem chun ama ta dingin pathienhai ni si lo, pathienhai chu ân siempêk ding am a nih?

JEREMIA 2:11

Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.

DANIEL 11:8

an pathienhai le, an milim sunga sunghai le, an tangkaruo le rângka- chak bûrlebêl ṭhatak takhai chu râllâkin Aigupta rama chun phur hmang bawk a tih; chun, kum tam lem sûng chu hmârtieng lal nêkin inlal a tih.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn tah a; chun, tangka dâm, rângkachak dâm, dârsen dâm, thîr dâm, thing dâm, lung dâm pathien- hai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po umna chu i chawi- mawi nawh a,

HOSEA 8:6

Israela inthawk chun hi hi a ni sih a, Sinthawtu siem a na, Pathien a ni nawh; Anih, Samaria sebâwngte lim chu suknâwi vawng nîng a tih.

GALATI 4:8

Nisienlakhawm, khânga Pathien in hriet naw lai khan, an piengzie hrim khawma Pathien ni dêrlohai suok in na.