ISAI 36:2 - Pathien Lekhabu Inthieng (BSI)

² Chun, Assuria lal chun Rabsake chu sipaihai tamtak ṭhuoiin Lakis khuoa inthawkin Jerusalema lal Hezekia kuoma chun a tir a. Chun, dîl sakhnung lem tuilâkna kâwla puon sâwptu phûl lamliena chun a ngîr a.

ISAI 36:2 ပူးပေါင်းရင်းမြစ်များ

1 LALHAI 20:2

Israel lal Ahab kuoma chun khawpui sûngah mi a tir a, a kuomah, “Benhadad chun hieng ang hin a tih,

2 LALHAI 18:11

Chun, Assuria lal chun Israel- hai chu Assuria ramah a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir tah a;

ISAI 36:8

Chuongchun, ka hni che hi, ka pu Assuria lal kuoma chun thu tiem rawh, chuongchun, keiin sakawr sâng hni pêng ka ti che, nangin a chunga chuongtu dinghai i ngaituo thei ding phawt chun.

ISAI 7:3

Chuongchun, LALPA chun Isai kuomah, “Nang le i naupa Sear-jasub chu, dîl sakhnung lem tuilâkna tâwpah, puon sâwptu phûl lamliena chun, Ahaz chu tuok dingin fe suok unla;

JEREMIA 34:7

chuong lai chun Babulon lal sipaihai chun Jerusalem dâm, Juda rama khawpui mâksana la umhai po po dâm, Lakis le Azeka dâm chu an hung rûn mêk a; hieng khawpuihai chau hi Juda rama chun khawpui kul neia um sun chu an ta sih a.

MIKA 1:13

Aw Lakis mi, tawlailîr chu sakawr hrâta chun bel rawh; ama hi Zion naunu suolna bul a nih, Israel- hai bawsietnahai chu nangmaa hin a um a lo ni sih a.

MIKA 1:9

A hliemnahai chu sukdam thei a ni nawh; Juda ram a tlung ta hiel sih a; ka mihai kawtkhâr, Jerusalem meu khawm a tlung a nih.