ISAI 35:8 - Pathien Lekhabu Inthieng (BSI)

⁸ Chun, chutaka chun lamlien um a tih; lampui leh, chu chu, “In- thiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 35:8 ပူးပေါင်းရင်းမြစ်များ

INPÂKNA HLABU 118:20

Hi hi LALPA kawtkhâr a nih. Mi felhai chu lût an tih.

INPÂKNA HLABU 119:130

I thu hrilfie hin mihai a sukvar a, Mi mâwlhai chu ân hrietthiem- tir hlak.

INPÂKNA HLABU 19:7

LALPA dân chu a ṭha famkim a, hringna a siemṭha hlak, LALPA thu inhriettir chu ring a um a, mi mâwl a sukvar hlak.

INPÂKNA HLABU 23:4

Anih, thina hlim varuom hraw lang khawm, Thil ṭha naw hrim hrim ṭi naw ningah, nang ka kuomah i um sih a: I hembâwk le i hmawlin a mi thlamuon hlak a nih.

THUVARHAI 16:17

Mi tluong lamtluongpui chu rîtlonaa inthawka fe hmang hi a na; Mi a lampui vêng ṭhatu chun a lungril chu a vawng ṭha.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

THUVARHAI 8:20

Felna lampuia chun ka feh a, Rorêlna lampuitakhaia chun.

THUVARHAI 9:4

“Tukhawm mi mâwl chu hi tieng hin hung raw se,” tiin. Hrietthiemna boa um ta ding chun, a kuomah a hril a,

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 19:23

Chu nia chun Aigupta rama inthawkin Assuria ram chenin lam- lien um a ta; chuongchun, Assuria mihai chu Aigupta ramah fêng an ta, Aigupta mihai chu Assuria ramah fe bawk an tih; Aigupta mihai chun Assuria mihai leh Pathien chu chibai bûk hmunkhat tâng an tih.

ISAI 30:21

chun, changtienga kal in chawi- in amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

ISAI 33:8

Lamlienhai chu a ṭhing ṭhiep ṭhuop a, mi inzin inlawn chu an um ta nawh a, ama chun thuthlunghai chu a bawsiet a, khuohai chu a hmusit a, mihriem a ngaisak ta nawh.

ISAI 4:3

Chun, Ziona la um le, Jerusalem- a la umhai chu inthieng ti ni tâng an tih, Jerusalema a la damhai laia hming ziekhai po po chu:

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 43:19

Ngai ta u, thil thar ka thaw ding a nih; tuta inthawk hin mâwng a tih; chu chu in hriet naw ding am a nih? Thlalêra meu khawm lampui siem ka ta, ram ṭâwla chun vadunghai siem bawk ka tih.

ISAI 51:10

Nang hi tuisuoriet, tui inthûk lientak tui sukkangtu, tuisuoriet mawng inthûk chu intlanhai kaina dinga lampuia siempêktu i ni nâwm a nih?

ISAI 52:1

Aw Zion, har la, har la, i hrâtna inbel rawh; aw Jeru- salem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si nawh a.

ISAI 52:11

Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; LALPA bûr le bêl chawituhai, inthiengtakin um ro.

ISAI 57:14

Chun, ama chun, “Sung pâwng ro, sung pâwng ro, lampui buotsai ro, ka mihai lampuia an tlûkna ding chu pei ro,” tîng a tih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

ISAI 62:12

Chuongchun, anni chu Mi Inthienghai, LALPA intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a tih a.

JEREMIA 31:21

Lampui inchiknahai siem la, zui ding hmawlphunhai siem rawh, tlânglam tiengah, i fena lampui chu ngaituo la, kîr nâwk rawh. Aw nu- nghâk inthieng Israel, hieng i khaw- puihai tienga hin kîr nâwk rawh.

EZEKIEL 43:12

Hi hi in dân chu nîng a tih; tlâng sîp chunga a huop chin chin chu hmun inthiengtak nîng a ta; Ngai ta, hi hi in dân chu nîng a tih.

EZEKIEL 44:9

“Lalpa PATHIEN chun hieng hin a ti a nih: Mi hmêlmak, lungrila ser- tan lo, tisa khawma sertan lo mi hmêlmak ieng ang khawm Israel thlahai laia lo um ta khawm chu, ka hmun inthienga chun a lût ding a ni nawh a.

JOEL 3:17

Chuongchun, LALPA in Pathien ka tlâng inthieng Ziona chêng ka nih ti hrieng in tih; chuongchun, Jerusa- lem khuo chu inthieng a ta, mikhuol tukhawm fethleng nâwk ta dêr naw ni hai.

LEVI DÂN 26:6

Hi ram hi râlmuongtakin inumtir ka ta, zâl ṭawk ṭawk in ta, tukhawma sukṭi naw nihai cheu a, ramsa suolhai chu hi rama inthawk hin hnawt hmang ka ta, kawlhnâmin in ram fe thleng naw bawk a tih.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 7:17

Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni sih a, chu thil ṭha thaw chu ei umna dingin Pathienin a buotsai lâwk a nih.

1 THESSALONIKA 4:7

Pathienin inthieng naw dingin a mi ko si nawh a, inthieng dingin a mi ko lem a nih.

2 TIMOTHE 1:9

Ama chun ei thilthawhai ang ni loin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

HEBRAIHAI 12:14

Mi po po le inremna le inthieng- na hnawt ro, chu inthiengna naw chun tukhawmin Lalpa hmu naw ni hai.

1 PETER 1:16

“Nangni in inthieng ding a nih, kei kân thieng sih a,” ti ziek ang khan.

2 PETER 3:13

Nisienlakhawm, a thutiem ang chun vân tharhai le hnuoi thar, a sûnga felna umhai chu ei beisei a nih.

1 JOHAN 2:20

Mi Inthieng kuoma inthawkin hriek nâlna in chang a, iengkim in hriet a nih.

1 JOHAN 2:27

Nangni chu ama kuoma in- thawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.

THUPUONGSUO 21:27

Nisienlakhawm, thil inthieng- naw hrim lût dêr naw nih a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.