ISAI 35:7 - Pathien Lekhabu Inthieng (BSI)

⁷ Chuongchun, ṭieuphit lumtak hmun chu dîlah inchang a ta, hnuoi dangchârtak chu tuihnârhaiah in- chang a tih: sihalhai chêngna, an zâlnaa chun hlobet, phairuong le thielkuong um a tih.

ISAI 35:7 ပူးပေါင်းရင်းမြစ်များ

INPÂKNA HLABU 107:35

Thlalêr chu dîlah ân changtir hlak a, Ram ṭâwl chu tuihnârahai ân changtir bawk hlak.

ISAI 13:22

Satenehai chu an kulbîngahai chun inhrâm an ta, sihalhai khawm an lal in inhawitakahai chun inhrâm bawk an tih; chun, a hrem hun ding chu a tlung ding a ni tah a, a nihai khawm sukseiin um naw nih.

ISAI 19:6

Vadunghai chu hung rimsieng a ta; Aigupta ram tui luonghai chu hung kang deu deu a ta, kang intan el a tih: phairuonghai le tuihnârhai chu ṭâwl zo a tih.

ISAI 29:17

Sâwt nawte hnungah ni lo am a ni, Lebanon chu hnuoi ṭhatak hmuna inchangtira uma, hnuoi ṭhatak hmun chu ramhnuoia ngaia a um ding chu?

ISAI 30:25

Chun, inthatna nasatak nia râl vêng inhai chu a chim ni chun, tlâng insâng tina le muol pâwng insâng tina chun vadungpuihai le vadungtê tui luonghai hung um a tih.

ISAI 34:13

An lal inahai chun hlohlingnei- hai ṭo a ta, an kulpui sûngahai chun zakthlai le buorhai ṭo a ta, sihalhai umna ding le vate rîngseihai ta ding- in in inhuon sûng tuollai nîng a tih.

ISAI 41:18

Tlâng insâng kawl vel vula chun vadunghai inluong suoktir ka ta, ruom laiahai chun tuihnârhai insuok- tir bawk ka tih; thlalêr chu dîlah siem ka ta, ram ṭâwl chu tuihnârah siem bawk ka tih.

ISAI 43:20

Ka mi, ka ithlanghai chu dâwn ding ka pêk theina dingin thlalêra chun tuihai kân umtir leiin ramsahai chun mi chawimawi an ta, sihalhai le vate rîngsei chen khawmin;

ISAI 48:21

Thlalêrahai chun a ṭhuoi lai khan an dang a châr nawh a; lung- puia inthawk chun an ta dingin tuihai ân luong suoktir a; lungpui chu a sukkawi a, chuongchun, tuihai chu a hung suok ta zur zur a.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni sih a; tuihnâr kâwl- ahai ngei chun a ṭhuoi ding a nih.

EZEKIEL 47:8

Chun, ama chun ka kuomah, “Hieng tuihai hi saktieng rama in- thawka hung suok an na, Arabaa chun fe thlâng an ta; chun, tuisuoriet tieng fe pei an ta, tuipui tui al chu tui inthiengah inchangtir an tih.

MATTHAI 21:43

“Chuleichun, ‘Pathien ram chu in kuoma inthawkin lâk hmang nîng a ta, ra insuo ding hnam kuomah pêk nîng a tih,’ ti ka hril cheu hi.

LUKA 13:29

Chun, sak le thlang, sim le hmâra inthawkin hung an ta, Pathien ramah hung ṭhung an tih.

JOHAN 4:14

tûkhawm an kuoma ka pêk ding tui dâwn taphawt ruok chu, kum- khuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 7:38

Tûkhawm a mi ring chu Pathien Lekha hril angin, tui hring vadunghai a phînga inthawkin hung luong suok a tih,” a ta.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

THUPUONGSUO 18:2

Chun, ama chun rawl inring- takin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tin- rêng kulbîng le, vate inthiengnaw le tirdakum tinrêng kulbîng a hung ni tah.

RORELTUHAI 6:38

Chuong ang chu a hung ni ngei a, a zînga zingkâr inhmataka a tho a, berâm hmul chu a hmetsâwr chun, berâm hmula mi chu dâidaw berbu khat zet a sâwr suok el tah a.