ISAI 33:18 - Pathien Lekhabu Inthieng (BSI)

¹⁸ “A tiemtu kha khâw lai am a um tah a? siechawi bûktu kha khâw lai am a um ta a? Râl vêng in insânghai tiemtu kha khâw lai am a um tah a?” tiin; i lungrilin thil râpthlâktak kha ngaituong a tih.

ISAI 33:18 ပူးပေါင်းရင်းမြစ်များ

INṬANNA 23:16

Abraham chun Ephron thu chu a zâwm tah a; Heth thlahai hrietah, tangka a ihril zât, chu hun laia sumdâwnghaiin an ibûk hlak anga, tangka sekel za li, Ephron ta dingin a bûk tah a.

2 LALHAI 15:19

Assuria lal Pula chun an ram chu a hung thawh a; ram chu a nei nghetpui theina dingin Menahem chun Pula chu tangka talent sâng a pêk a.

2 LALHAI 18:14

Chun, Juda lal Hezekia chun Lakis khuoa Assuria lal kuoma chun, “Thil ka lo suksuol tah a nih, mîn kiensan nâwk el rawh,” tiin thu a thawn a.

2 LALHAI 18:31

Hezekia thu chu pawm naw ro, Assuria lal chun hieng ang hin a ti a nih: Mîn rempui unla, ka kuomah hung thla ro, mi tinin mâni grêp hruia mi le, mâni theichang kûnga mi fa seng unla, mi tinin mâni tuikhur tui tlân seng ro:

INPÂKNA HLABU 31:22

Kei hlak chun, ka lunginzing- in, “I mithmuah inthawka pei hmangin ka um tah,” ka lo tih a. Nisienlakhawm, ka ko che khan, lunginsiet ka hnina râwlhai kha i lo hriet sih a.

INPÂKNA HLABU 71:20

Nang, lungzîngna tamtak le nasatak mîn hmutirtu chun, Mi sukhring nâwk i ta, hnuoi inthûktaka inthawkin mi ṭhuoisuok nâwk i tih.

ISAI 17:14

Zântieng chun ngai ta, thil râp- thlâktak a um a nih; chun, khaw var hmain an um ta nawh. Chu chu râl- lâka mi lâkpêktuhai chan a na, a mîn rûkpêktuhai puol chu a ni bawk a.

ISAI 54:14

Felnaa sukdetin um i ta, nêk- sâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

1 KORINTH 1:20

Mi var chu khâwlai am a um a? Dân hre mi khawm chu khâwlai am a um a? Hi khawvêla sêltu chu khâwlai am a um a? Pathienin khawvêl varna hi invêtthlâk a nih ti ân hriettir naw am a nih?

2 TIMOTHE 3:11

mi mi suknawmnatna dâm, ka tuorna dâm leh; Antiokeia dâm, Ikonioma dâm, Lustraa dâm ka chunga thil hung tlunghai le suk- nawmnat ka tuorna kha, chuong po poa chun Lalpa chun a mi sandam ta sih a.

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienla- khawm, David chu a Pathien LALPAA chun ân sukhrât a.