ISAI 33:16 - Pathien Lekhabu Inthieng (BSI)

¹⁶ ama chu chungtieng chun um a ta, a kulbîng insânghai chu lungpui kulbînghai chu nîng a tih: bu chu a kuoma pêk nîng a ta, a tuihai chu um ngei ngei a tih.

ISAI 33:16 ပူးပေါင်းရင်းမြစ်များ

1 LALHAI 19:6

Chun, a hei en vêl a, ngai ta, a luthluona chun beiphêk lungsaa em hmin diem le tuiûm hi a lo um a. Chuongchun, a fâk a, a dâwn a, a zâl nâwk tah a.

INPÂKNA HLABU 107:41

Nisienlakhawm, rimsihai chu rinumnaa inthawkin hmun insângah a dawm kai hlak a, Ran ruol angin sûnghai a siempêk hlak.

INPÂKNA HLABU 111:5

Ama ṭituhai kuoma chun fâk ding a pêk a, A thuthlung chu kumkhuoin hre zing a tih.

INPÂKNA HLABU 15:1

LALPA, i puon ina chun tu am hung mikhuol a ta? I tlâng inthienga chun tu am hung um a ta?

INPÂKNA HLABU 18:33

Ama chun ka ke hi sazukpui ke angin a siem a, Ka hmun insângtakahai a min umtir hlak a.

INPÂKNA HLABU 33:18

Ngai ta, LALPA mit chu ama ṭîtuhai chunga chun a fu zing hlak a, A ngilneina beiseituhai chunga chun.

INPÂKNA HLABU 34:10

Sakeibaknei vânglaihai chu an tlasamin an phîng a ṭâm hlak a: LALPA zawngtuhai ruok chun thil ṭha hrim hrim tlasam naw ni hai.

INPÂKNA HLABU 37:3

LALPA chu ring la, thil ṭha thaw rawh, Hi rama hin um la, ringumna chu hnawt pei rawh.

INPÂKNA HLABU 62:7

Pathien kuomah ka sandamna le ka ropuina a um a, Ka hrâtna lungpui le kân humhimna chu Pathienah a um a.

INPÂKNA HLABU 90:1

LALPA nang chu suon po po chena kan umna i ni hlak,

INPÂKNA HLABU 91:14

Ka chungah a hmangaina ân nghat tlat leiin sanhim ka ta, Ka hming a hriet leiin hmun insângah dawm kai ka tih.

THUVARHAI 1:33

Amiruokchu, tukhawm keia thu ngai chu himtakin chêng a ta, Rîtlona ṭi dêr loin um ṭawk ṭawk a tih.

THUVARHAI 10:9

Mi tluongtaka fe chu ngamtakin a feh a, A lampuihai pêtsantu ruok chu hriet nîng a tih.

THUVARHAI 18:10

LALPA hming chu kulbîng dettak a na, Mi fel chu chutaka chun a tlân lût a, a him hlak.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.

ISAI 30:20

Lalpa chun lunginzîngna bu le rinumna tui pe sienla cheu khawm, in inchûktirtuhai chu inbihmangin um ta naw ni hai a, in mitin in inchûk- tirtuhai chu hmu lem tâng a tih;

ISAI 32:18

Chuongchun, ka mihai chu râl- muonga umnaahai le in dettakhaia le châwlna hmun muongumtakhaia chun um tâng an tih.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni sih a; tuihnâr kâwl- ahai ngei chun a ṭhuoi ding a nih.

ISAI 58:14

LALPA chunga chun lâwm i ta, leihnuoi hmun insângahai chun inchuongtir ka ti cheh a; i pu Jakob rohluo thilin châwm ka ti che; LALPA bau chun chu chu a hril tah a nih.”

JEREMIA 37:21

Chun, lal Zedekia chun thu a pêk a; Jeremia chu vêngtuhai kula chun an sieh a, khawpui sûnga bei po po chu hmang vawng a ni chenin bei siemtuhai kawtthlêra inthawkin ni tin bei an pêk a. Chuongchun, Jere- mia chu vêngtuhai kula chun a um zing tah a.

JOEL 3:16

“Chun, LALPA chu Zion tlânga inthawkin inrûm dur dur a ta, Jerusalema inthawkin a râwl in- suong a ta; vân le hnuoi inhnîng an ta; nisienlakhawm, LALPA chu a mihai ta dingin inhumhimna nîng a tih, Israel thlahai ta dingin kulbîng nîng a tih.

HABAKKUK 3:19

Lalpa, Jehova chu ka hrâtna a na, Ka kehai chu sazukpui kehai angin a siem a, Ama chun ka bâwlhmunhaia chun mîn fetir a tih.

MATTHAI 6:11

Vawisûn hin kan fâkkhawpin bu mi pe la,

DÂN PAHNINA 33:29

I hamṭha de, aw Israel, Nang ang hrim tu am an um a, LALPA sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.