ISAI 32:4 - Pathien Lekhabu Inthieng (BSI)

⁴ Thaw thut hmanghai lungril chun hrietna thu chu hrefieng a ta, danginâwkhai lei chu fietakin ṭawng thei a tih.

ISAI 32:4 ပူးပေါင်းရင်းမြစ်များ

FESUOKNA 4:11

LALPA chun a kuomah, “Mihriem bau chu tuin am a siem a? Tuin am mi chu ṭawngtheilo, nasêt, mitvar le mitdelin a siem? Kei, LALPA hin ni lo am a nih?

HLAHAI HLA 7:9

Chun, i bau chu uoin ṭhatak, Ka hmangaitak ta dinga luong thla ziei ziei a, Mi a inhai hmûra luong lût pei ang chu a nih.

ISAI 29:24

Thlaraua invâkhmanghai khawm chun hrethiem tâng an ta, mi chierhai chun thuinchûktir chu in- chûktir tâng an tih,” tiin.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 35:5

Chu pha chun mitdelhai mit chu sukmengin um a ta, nasêthai na chu sukvarin um a tih.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i phuong lei hin kân pâk che.

MATTHAI 16:17

Chun, Isûn a kuomah, “Simon Bar-Jona, i hamṭha ie; tisa le thisenin ân hriettir che a ni si nawh a, ka Pa vâna mîn ân hriettir lem che a nih.

THILTHAWHAI 4:13

Chun, Peter le Johan huoizie chu an hmu chun lekha thiemnaw le mi narân el an nih ti an hrietin, mak an ti hleh a; Isu kuomah an um tah ti an hriet tah a.

THILTHAWHAI 6:7

Chun, Pathien thu chu a hung indar a; Jerusalema inchûktirhai an pung ta bêk bêk a; thiempu laia khawm mi tamtak chu ringna awi mi an ni tah a.

GALATI 1:23

“Inhmaa a mi suknawmnatu khan, inhmaa ringna thu a suk- khawhlo hlak kha tuhin a hril ta lem a nih,” ti mi hril chau an hriet a.