ISAI 32:3 - Pathien Lekhabu Inthieng (BSI)

³ Chuongchun, hmutuhai mit chu fie naw naw nih a, hretuhai na chun ngai a tih.

ISAI 32:3 ပူးပေါင်းရင်းမြစ်များ

ISAI 29:18

Chu nia chun nasêthai chun lekhabu thu chu nain hre tâng an ta, mitdelhai mithai chun inthim hnuoi le inthim laia inthawkin hmu tâng an tih.

ISAI 29:24

Thlaraua invâkhmanghai khawm chun hrethiem tâng an ta, mi chierhai chun thuinchûktir chu in- chûktir tâng an tih,” tiin.

ISAI 30:26

Chu naw khawm chu, LALPA chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 54:13

I nauhai po po chu LALPA in- chûktirin um an ta, i nauhai lung- muongna chu nasatak nîng a tih.

JEREMIA 31:34

chun, mi tinin mâni tuol- bâwmhai chu inchûktir ta naw ni hai a, mâni unauhai seng leh; “LALPA chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, LALPA chun a tih: an bawsietnahai chu ngaidam ka ta, an suolna khawm hre zing ta naw ning.

MATTHAI 13:11

Chun, ama chun a dawn a, an kuomah, “Vân ram thurûk chu nangni ihriet chu phal a nih, anni ihriet ruok chu phal a ni nawh.

MARKA 7:37

“Ama chun iengkim ṭhatakin a thawh a; nasêt dâm a sukvarpêk a, ṭawng thei naw dâm khawm ân ṭawngtir hlak,” an ta, mak an ti nasa bêk bêk a.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta sih a.