ISAI 32:18 - Pathien Lekhabu Inthieng (BSI)

¹⁸ Chuongchun, ka mihai chu râl- muonga umnaahai le in dettakhaia le châwlna hmun muongumtakhaia chun um tâng an tih.

ISAI 32:18 ပူးပေါင်းရင်းမြစ်များ

INPÂKNA HLABU 107:7

Mihriem umna khuoa an fe theina dingin, Lampui tlûntakah a ṭhuoi tah a.

FESUOKNA 9:26

Israel thlahai umna Gosen rama bak chun riel chu a tla ve nawh a.

THUVARHAI 24:15

Aw mi rilopa, mi fel chêngna chu inchân naw rawh, A châwlna hmun khawm chu sukse naw rawh.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 14:3

Chun, i lungngainaa inthawk dâm, i buoinaa inthawk dâm, sinthaw intaktak an inthawtirna chea inthawk dâma LALPAIN ân châwltir nia che chun hieng ang hi nîng a tih,

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw nih a, indo dân khawm inchûk ta bawk naw ni hai.

ISAI 26:12

LALPA, nangin inremna mi ruotpêk i ta; nangin kan sin po po khawm i mi thawpêk sih a.

ISAI 26:3

I chunga lungril innghattu chu nang a ring che leiin, lungmuongtaka um dingin vêng i tih.

ISAI 28:12

“Hi hi a nih châwlna chu, sâwl- hai chu inchâwltir ro; hi hi a nih insukharna chu,” a tihai chu: nisien- lakhawm, an ngai nuom si nawh.

ISAI 30:15

Lalpa PATHIEN, Israelhai Mi Inthieng chun hieng ang hin a hril ta sih a, “Kîr nâwka châwla umin san- damin um in ta; muongtaka umnaa le ringtaka umnaa hin in hrâtna um a tih,” tiin, nisienlakhawm, in nuom si nawh.

ISAI 33:6

I dam sûng chun um nghetna um a ta, sandamna dâm, varna dâm, hrietna dâm um ṭeu a tih; LALPA ṭîna chu a ro a nih.

ISAI 65:21

Chun, inhai bâwl an ta, chuong- a chun um zing bawk an tih; grêp huonhai siem an ta, a ra fa bawk an tih.

ISAI 65:9

Chun, Jakoba inthawkin chi pa- khat suksuok ka ta, Judaa inthawkin ka tlânghai hluotu ding chu suksuok bawk ka tih; chuongchun, ka mi thlanghai chun chu chu hluong an ta, ka siehlawhai chu chutaka chun um an tih.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘LALPA chu ei felna a nih,’ ti hi koa a umna ding hming chu ni ta bawk a tih.

EZEKIEL 34:28

Chun, khawhri be mihai ifâk zoin um ta ngai naw ni hai a, hnuoia ramsahai khawma anni chu fa zo bawk naw ni hai; amiruokchu, him- takin chêng an ta, tukhawma anni chu sukṭi ta naw ni hai.

ZEKARIA 2:5

A vêlin kei a mei kul bang nîng ka ta, a sûnga chun kei chu a ropuina ka ni ding a ni sih a, LALPA chun a tih,” a ta.

ZEKARIA 2:8

LALPA chun hieng hin a ti sih a: A ropuina ding ang peiin ama chun nangni suksetu cheu hnamhai kuom- a chun a mi tir a; nangni tâwktu cheu chun ama mit nautê a tâwk a ni sih a:

ZEKARIA 3:10

Chu nia chun, theichang kûng le grêphrui hnuoia chun nangni mi tin chun mâni tuolbâwmhai chu ko tâng in tih,” sipaihai LALPA chun a tih.

HEBRAIHAI 4:9

Chuongchun, Pathien mihai ta ding chun Châwlnia châwlna a la um ta rawp a.

1 JOHAN 4:16

Pathienin einia hmangaina a inei chu ei hriet a, ei awi bawk a nih. Pathien chu hmangaina a nih, hmangainaa um zing chu Pathienah a um zing a, Pathien khawm amaah a um zing a nih.