ISAI 31:9 - Pathien Lekhabu Inthieng (BSI)

⁹ Chun, a lungpui chu thil râp- thlâktak leiin bohmang a ta, a mi lienhai chu inchikna leiin lunginzîng tâng an tih,” tiin; LALPA, a mei Ziona um le, a rawtuina mei Jerusalema um chun a tih.

ISAI 31:9 ပူးပေါင်းရင်းမြစ်များ

ISAI 10:16

Chuleiin, LALPA, sipaihai LAL- PA chun, a mi thauhai laia chun chêrna tir a ta, a ropuina hnuoia chun meichawk lai zing ang hin mei sêmin um a tih.

ISAI 10:17

Chun, Israelhai êntu chu mei dingin nîng a ta, an Mi Inthieng chu meichawk dingin ni bawk a tih: chu chun ni khat thilah a hlohlingneihai le a buorhai chu sukkângin sukbo- hmang a tih, hmawlin thing ni lo mihriem ân let lem ang elin maw!

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 13:2

Mi lienhai kawtkhârahai chun an lût theina dingin tlâng kawl ruoua chun inchikna târ suok unla, inring- takin anni chu ko unla, kutin hui ro.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

ISAI 18:3

Khawvêla um po po le leihnuoi hluohai, tlângahai inchikna an târ suok phaleh en ro; tawtawrâwt an mût pha chun ngai ro.

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 27:7

Ama vawtuhai a vuok ang takin ama chu a vuok vêm a nih? annawleh, ama thathai that ang takin ama chu thatin a um vêm a nih?

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai LALPA hremin um a tih.

ISAI 30:33

Topheth pakhat chu inhma daia lo buotsai tah a ni sih a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; LALPA thuok, kât vadung luong ang chun a sukkâng dur dur a.

ISAI 37:37

Chuongchun, Assuria lal Sen- nakerib chu a suok a, a feh a, a kîr nâwk ta pei a. Ninevi khuoa chun a um ta zing a.

ISAI 4:4

LALPAIN rorêlna thlarau le kângna thlaraua Zion naunuhai in- thieng nawna chu a sâwpfai hnung le Jerusalem thisen chu a sûnga inthawka a sâwpfai hnunga chun.

ISAI 5:26

Hnam tin hlataka mihai ta dingin inchikna târ suok a ta, kâwl- kawdawnga inthawka ko dingin fai- fûk a tih; chuongchun, ngai ta, anni chu inhmâwtakin hung vak an tih.

ISAI 66:15

Ngai ta u, a lunginsenna chu hrîkthla ding le, a kâwkna chu mei- chawkhaia hrîkthla dingin, LALPA chu mei leh a hung ding a ni sih a, a tawlailîrhai chu thlivir ang el nîng a tih.

LEVI DÂN 6:13

Mâichâma chun mei chu hring zing a ta, a thi ding a ni nawh.

ZEKARIA 2:5

A vêlin kei a mei kul bang nîng ka ta, a sûnga chun kei chu a ropuina ka ni ding a ni sih a, LALPA chun a tih,” a ta.

MALAKI 4:1

Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.

DÂN PAHNINA 32:31

An Lungpui chu ei Lungpui ang a ni nawh a, Ei hmêlmahai ngei ngaidân khawma.

DÂN PAHNINA 32:37

Hieng ang hin tîng a tih, ‘Khâwlai am an pathien, An ring lungpui chu,