ISAI 31:8 - Pathien Lekhabu Inthieng (BSI)

⁸ “Chu pha chun Assuria mi chu, mihriem kâwlhnâma sukthlûk ni loin, kâwlhnâm sukthlûkin um a tih; chun, kâwlhnâm mihriemhai ta ni loin ama chu fa zo a tih; kâwlhnâma inthawk chun tlân hmang a ta, a tlangvâlhai chu sie chawitu hung ni tâng an tih.

ISAI 31:8 ပူးပေါင်းရင်းမြစ်များ

INṬANNA 49:15

Châwlna chu ṭhain a hriet a, Ram chu inhawiin a hriet bawk a. Chuongchun, iengkhat put dingin a liengko chu a sukhnuoi a, Kuli sinthawin siehlawah a hung um tah a.

2 CHANCHIN SUINA 32:21

Chun, LALPA chun vântirko a hung tir a, ama chun Assuria lal riebûka mi hrât khawkhênghai po po le ṭhuoituhai le hotuhai po po chu a sukhlum a. Chuongchun, hmai thûm- takin a ramah a kîr nâwk tah a. Chun, ama chu a pathien ina a hung lût laiin ama rîla rasuokhai ngei chun chutaka chun kâwlhnâmin an that tah a.

ISAI 10:12

Chu lei chun Lalpa chun, Zion tlâng le Jerusalem chunga sinthaw ding po po a thaw zo pha chun, Assuria lal a lungril chapo ra le a mit chapo ropuina chu la hrem ka tih.

ISAI 10:25

Sâwt nawtêa chun lungni- nawna chu hrîkthlâkin um tâng a ta, ka lunginsenna khawm anni sukbo- hmangnain hrîkthlâkin um tâng a tih.

ISAI 14:2

Chun, chi tin chun anni ṭhuoi an ta, an hmun ding chu intlun an tih; chuongchun, Israel sûnghai chun LALPA rama chun anni chu suokpa- ahai le suoknuahai la nei an tih; anni sala mantuhai chu salah la man an ta, anni suknawmnatuhai chunga chun ro la rêl an tih.

ISAI 14:25

ka ruot ang tak hin um bawk a tih: ka rama chun Assuria mi chu suksieng ka ta, ka tlângahai chun chîl hrep ka tih, ti ang hin; chu hnunga chun a rîngkawl inbâttir chu annia inthawk chun bo tâng a ta, an rik inphurtir chu anni liengkoa inthawk chun bo bawk tâng a tih.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

ISAI 21:15

Kâwlhnâmhaia inthawkin, kâwlhnâm phawisahaia inthawkin le, thalngul kuoisaa inthawk le indona nasataka inthawka tlân hmang an ni sih a.

ISAI 27:7

Ama vawtuhai a vuok ang takin ama chu a vuok vêm a nih? annawleh, ama thathai that ang takin ama chu thatin a um vêm a nih?

ISAI 29:5

Nisienlakhawm, nanga dotu mipuihai chu pilvut inditak angin um an ta, mi ṭiumhai mipuihai chu busi bohmang hlak ang hin um bawk an tih; anih, chu chu mitkhapkâr loin um thut a tih.

ISAI 33:1

Nang rawk tuok ngai si loa, rawktu, vervêktaka thaw tuok ngai si loa, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêk- takin thâwng an tih.

ISAI 37:7

Ngai ta, a phîng sûnga chun thlarau inumtir ka ta, chuongchun, thuthang lo hrieng a ta, ama ramah fe nâwk el a tih; chuongchun, ama ram ngeia chun kâwlhnâma sukthlûkin inumtir ka tih, a tih a,’ tiin,” a ta.

ISAI 66:16

Meiin a nih LALPAIN a ngaituo ding chu, a kâwlhnâmin a nih mi po po a ngaituo ding chu; chuongchun, LALPA isukhlumhai chu tamtak nîng an tih.

JEREMIA 46:10

Chu ni chu LALPA, sipaihai LALPA ni, a hmêlmahai chunga phuba a lâk theina dinga, phuba lâkna ni a ni sih a; kâwlhnâm chun fazo a ta, tlai a tih; chun, an thisen chu a khawp tâwkin dawn bawk a tih; LALPA sipaihai LALPA chun hmâr- tieng ramah Euphrates vadungpui panga chun inthâwina chu a nei sih a.

EZEKIEL 21:28

“Chun, nang mihriem naupa, thu hril la, Ammon thlahai le anni vaulâwkna, chungthua chun Lalpa PATHIEN chun hieng hin a tih, ti rawh: Kâwlhnâm, kâwlhnâm chu thatna dingin phawi a nih a, kâwlin- lep ang ela tle zawr zawr dinga nâwt tlêt a nih.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amaniha anni sandam loin, LALPA an Pathien chun sandam ka tih,” a ta.