ISAI 31:1 - Pathien Lekhabu Inthieng (BSI)

¹ Aigupta rama ṭhangpuina zawnga zu feh a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israel- hai Mi Inthieng tieng en si loa, LALPA khawm râwn si lohai chu an chung a rik ie!

ISAI 31:1 ပူးပေါင်းရင်းမြစ်များ

INṬANNA 47:17

Chuongchun, an ranhai chu Josef kuomah an hung ṭhuoi a; Josef chun chuong sakawrhai, berâm ruolhai, bâwng ruolhai le sabeng- tunghai mana chun fâk ding a pêk pei a: chu kum chun an ran po po manah fâk ding a pêk a, a châwm tâwl tah a.

2 CHANCHIN SUINA 16:7

Chu hun lai chun zâwlnei Hanani chu Juda ram lal Asa kuoma chun a hung a, a kuomah, “LALPA i Pathien chu ring loin Suria lal chu i ring a, chuleiin, Suria lal sipaihai chu i kuta chun an suokthleng ding a nih.

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin LALPA mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw tah a, chuleiin, tuta chin chu indonahai khawm nei zing tâng i tih,” a ta.

JOB LEKHABU (THE BOOK OF JOB) 39:11

A hrâtna chu a nasa leiin, ama chu i ring ding maw? Annawleh, ama kuoma chun i sininrimna chu în nghat ding am a nih?

INPÂKNA HLABU 20:7

Ṭhenkhatin tawlailîrhai an ring a, ṭhenkhatin sakawrhai an ring a, Keini ruok chun LALPA kan Pathien hming chu lam lem kan tih.

ISAI 10:17

Chun, Israelhai êntu chu mei dingin nîng a ta, an Mi Inthieng chu meichawk dingin ni bawk a tih: chu chun ni khat thilah a hlohlingneihai le a buorhai chu sukkângin sukbo- hmang a tih, hmawlin thing ni lo mihriem ân let lem ang elin maw!

ISAI 2:7

An ram chu tangka le râng- kachakin a sip a, an sumhai chu tiem sêng ruol a ni bawk nawh; an ram chu sakawrin a sip a, an tawlailîr- hai chu tiem sêng ruol an ni bawk nawh.

ISAI 20:5

Chuongchun, an beisei tak Ethiopia le an ropuina tak Aigupta mihai lei chun lunginzîngtak le muolphotakin um tâng an tih.

ISAI 22:11

Dîl hlui tui umna dingin kulpui pahni inkâra chun tui intling khâwm- na in siem a; nisienlakhawm, chuong thawtu tieng chu in en si nawh a, inhmaa lo siemtu chu in ngaisak bawk nawh.

ISAI 30:16

“Ni lo, sakawr chunga chuongin tlân dur dur kan tih,” in ti lem sih a; chuleiin, tlân dur dur ngei in tih; “Thil hrâttak chungah chuong kan tih” in tih a; chuleiin, a hnawttu dinghai cheu chu hrâttak nîng an tih.

ISAI 36:6

Ngai ta, hi luong hmawl pawr, Aigupta hi, i ring a ni hi, chu chu miin a ringsan chun a kutah sunlût ngei a tih; Aigupta lal Pharao chu ama ringtuhai po po chunga chun chuong ang chu a ni hlak.

ISAI 36:9

Iengtin am tawlailîrhai le sa- kawr chung chuong mihai tieng thuah Aigupta chunga i ringna in- nghatin, ka pu siehlaw chîn takhai laia hotu pakhat khawm hi i dang zo ding am a nih?

ISAI 43:15

Kei hi LALPA, in Mi Inthieng, Israelhai Siemtu, in Lal chu ka nih,” tiin.

ISAI 5:12

Ṭingṭang le perkhuonghai, khuongtê le theihlehai, uoin leh an ruoiṭhenaahai chun a um hlak a, nisienlakhawm, LALPA sinthaw chu an ngaisâng ngai nawh a, a kut thil- thaw chu an ngaituo ngai bawk nawh.

ISAI 57:9

Chun, hriek leh lal kuomah i feh a, i riminhnikhai chu i thaw nasa zuol a, i palaihai chu hlatakah i tir a, Seol tlung rakin în sukhnuoi kha.

ISAI 64:7

Chuongchun, i hming lama, nangma chel dinga mâni insukhar tukhawm an um dêr nawh a, keini kuoma hin i hmai i thup ta sih a; kan khawhlonahai hmangin i mi sukbo- hmang tah a nih.

ISAI 9:12

Saktieng Suria mihai, thlang- tieng Philistin mihai chun bau kain Israelhai chu fa zo an tih. Chuong ang lâwma a thaw khawm chun a lunginsen chu a la bo chuong si nawh a; a kut chu a lân let ta rawp a.

ISAI 9:13

Nisienlakhawm, mihai chun anni vawtu tieng chu an ngha chuong si nawh a, sipaihai LALPA chu an zawng chuong bawk nawh.

JEREMIA 17:5

LALPA chun hieng hin a tih: Mi mihriem ringa, mihriem bân hrâtna ringsana, a lungril khawm LALPAA inthawka hran ta chu a chung a rik!

JEREMIA 2:13

Ka mihai chun thil ṭha naw pahni chu an thaw ta sih a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 37:7

“LALPA Israel Pathien chun hieng hin a tih: Ka kuoma thu indawn dinga nang ka kuoma tirtu che, Juda ram lal kuoma chun hieng hin hril rawh: Ngai ta, Pharao sipaihai nang- ma ṭhangpui dinga hunghai chu, an ramah Aiguptaa bawk chun kîr nâwk an tih.

JEREMIA 42:14

‘Ni lo, Aigupta ramah fe lem ei ta, chutaka chun indona hlak hmu nâwng ei ta, tawtawrâwt ri hlak hre nâwng ei ta, bei tlâksam hlak hre bawk nâwng ei ta, chutaka chun chêng ei tiu,’ ti in ni chun;

EZEKIEL 17:15

Amiruokchu, mi tamtak le sakawrhai an pêk theina dingin, ama aiawtu chu Aigupta rama tirin, ama chunga chun a hel tah a. A hlawtling ding am a nih? Chuong ang thil- thawtu chun a pumpel ding am a nih? Thuthlung chu bawse siin a pumpel ding am a nih?

EZEKIEL 29:16

Anni chu enkawl dinga an hung kîr pha, suolna chu hriet zing dinga siemin, Israel sûngkuoa chun ringumna hrim um ta naw nih a; chun, Lalpa PATHIEN chu ka ni ti mi hre tâng an tih,” tiin.

DANIEL 9:13

Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin LALPA kan Pathien ditsakna chu kan hni chuong nawh a.

HOSEA 11:5

Aigupta rama chun kîr nâwk ta naw ni; Nisienlakhawm, hnungkîr an nuom naw leiin, Assuria chu a lal nîng a tih.

HOSEA 11:9

Ka lunginsen nasatak chu hlen naw ning a, Ephraim chu sukbohmang tum nâwk ta naw ning. Kei chu mihriem ni loin, Pathien ka ni sih a, Nangmaa um Mi Inthieng chu, Khawpui chu hung lûtkhum naw ning.

HOSEA 14:3

Assuria chun mi sandam naw nih a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni sih a,” tiin.

HOSEA 7:7

Thuk ang elin an sa vawng a, an rorêltuhai an sukbohmang a; An laltak taphawthai chu an tluh a, Anni lai tukhawm a mi ko an um nawh.

HABAKKUK 1:12

Aw LALPA ka Pathien, ka Mi Inthieng, Nang chu chatuona inthawk tah i ni nâwm a nih? Thi nâwng kan tih. Aw LALPA, ama chu rorêlna dingin i ruot a, Aw lungpui, nangin ama chu sukdikna dingin în ngîr a ni kha.

HABAKKUK 3:3

Pathien chu Temana inthawkina hung a. Mi Inthieng chu Paran tlânga inthawkin. A ropuina chun vânhai chu ân khum a, Leihnuoi chu ân pâknain a sip a nih.

ZEKARIA 10:5

Chun, indona chun an hmêlma- hai chu kawtthlêra chirhak chîl anga chîlin mi thilthawtheitakhai hung nîng an ta, LALPA chu an kuomah a um zing leiin, anni chu do an tih; chun, sakawr chunga chuong mihai khawm chu sukhamhaiin um an tih.

DÂN PAHNINA 17:16

Amiruokchu, sakawr a hau ding a ni nawh, sakawr a hau theina dingin Aigupta mihai le chun inthu- ruol ding a ni bawk nawh. LALPA chun, ‘Tuta chen chu, chu tienga chun in kîr nâwk ding a ni ta nawh,’ a ti tlat sih a.

DÂN PAHNINA 20:1

“In hmêlmahai do dinga in suoka sakawrhai le tawlailîr- hai dâm, mipuihai dâm, nangni nêka tam in hmuin, anni chu in ṭi ding a ni nawh; Aigupta rama inthawka ṭhuoi suoktu cheu LALPA in Pathien chu in kuomah a um sih a.