ISAI 30:27 - Pathien Lekhabu Inthieng (BSI)

²⁷ Ngai ta, LALPA hming chu, a lunginsennaa chawk hlut hlut meikhu sâmup intung lui lui lai chun, hlataka inthawkin a hung ie; a hmûr- hai chu lungninawnain a sip a, a lei chu thil kânghmang mei ang a na;

ISAI 30:27 ပူးပေါင်းရင်းမြစ်များ

INPÂKNA HLABU 79:5

Aw LALPA, ieng chen am i lunginsen kumkhuo ding a na? I thîkna chu mei angin a chawk ding am a nih?

ISAI 10:5

Hung ta, Assuria mi, ka lungin- senna hembâwk, ka lungninawna chawitu hmawl!

ISAI 13:5

Annirawi, LALPA le a lung- ninawna hriemhreihai chu, ram hla- taka inthawk, kâwlkawdawng tâwp rêta inthawkin, ram po po hi sukse dingin an hung a ni chu.

ISAI 33:12

Mi tinrênghai chu chinai lung raw ang, hlohlingnei vât hnung meia an pei ang chu nîng an tih,” a ta.

ISAI 33:14

Ziona mi suol umhai chun an ṭih a; Pathien inza naw mihai chu inthin- nain a man tah a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 34:9

A vadung tuihai chu lawng hnaia inchangtirin um a ta, a pilvut chu kâta inchangtirin um bawk a tih, a ram chu lawng hnai kâng hlut hlutah inchang a tih.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

ISAI 59:19

Chuongchun, LALPA hming chu thlangtienga inthawkin ṭîng an ta, a ropuina chu nisa suoknaa inthawkin ṭi bawk an tih; ama chu tui lien thut, LALPA thuoka mût luong vut vut angin a hung ding a ni sih a.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, LALPA kut chu a siehlawhai tieng a um ti hrieng an ta, a hmêlmahai chunga chun lungni naw ni.

ISAI 66:15

Ngai ta u, a lunginsenna chu hrîkthla ding le, a kâwkna chu mei- chawkhaia hrîkthla dingin, LALPA chu mei leh a hung ding a ni sih a, a tawlailîrhai chu thlivir ang el nîng a tih.

ISAI 9:5

Sa mur mura mi râlthuoma ân thuomna po po le, silfên thisen le inchiepawl niei nuoi po po chu, rawa meia ti ding el chau a ni sih a.

JEREMIA 4:4

LALPA kuoma chun ser intan unla, in lungril ser chu tan ro, nangni Jerusalema mihai le, Juda rama mi- hai; chuong naw chun ka lunginsenna chu mei angin fe suok a ta, i thilthaw- hai rîtlona lei chun; tukhawm iṭhel ruol loin kâng a tih.

EZEKIEL 22:31

Chuleiin, ka lunginsenna chu an chunga chun ka bunthlâk a, ka lunginsenna mei chun anni chu ka kâng hmang tah a; an lampuihai chu anni lu chunga ngei chun ka hung intlungtir tah a, Lalpa PATHIEN chun a tih,” tiin.

DANIEL 7:10

Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um tah a.

DANIEL 7:9

Ka en zing a. Lalṭhungphahai dâwin a um a, Tienlai mi pakhat hi a hung ṭhung tah a, A silfên chu vûr angin a vâr a, A lua sam chu sahmul inthiengtak ang a nih. A lalṭhungpha chu meichawk ṭiumtak a na, A kekuolhai chu meichawklai a nih.

ZEPHANIA 3:8

LALPA chun, “Chuleichun, kei mi nghâk unla, sase se dinga ka tho ni hmakhat chun, ka thiltum chu, ka lunginsenna ṭium tak le ka lungin- thak nasatak chu bun khum dinga ramhai ka kei khâwm theina dingin hnamhai kei khâwm chu a ni sih a; leihnuoi hluo po po chu ka îtthîkna mei chun a kâng hmang ding a ni sih a.

MALAKI 1:11

Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.

DÂN PAHNINA 32:22

Ka lunginsen a chawk a, Seol mawng chenin a kâng a, Leihnuoi, a rasuok pumin a kâng zo, Tlâng innghatna dâm a kâng a.

DÂN PAHNINA 33:2

“Sinaia inthawkin LALPA chu a hung a, Seira inthawkin an kuomah a tho a, Paran tlânga inthawkin a var a suok a; Mi inthieng sângsâwm laia inthawkin a hung; A kut changtieng chun an ta dingin dân chawk thei a um a.

DÂN PAHNINA 4:24

LALPA in Pathien chu kâng bohmang mei, thîkthusetak Pathien a ni sih a.

2 THESSALONIKA 2:8

Lâk hmang a ni pha chun Dân Bawsepa chu hung inlang nghâl tâng a tih. Lalpa Isun ama chu a baua thuokin sukhlum a ta, a hunga inlârnain sukbohmang a tih.

HEBRAIHAI 12:29

ei Pathien hi mi kâng bohmang mei a ni sih a.