ISAI 30:18 - Pathien Lekhabu Inthieng (BSI)

¹⁸ Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 30:18 ပူးပေါင်းရင်းမြစ်များ

JOB LEKHABU (THE BOOK OF JOB) 35:14

Nangin ama chu ka hmu nawh i ti lem hin chu a ni naw âwm nasa de! Rorêlna chu ama hmaa um a ni sih a, ama chu ring el rawh.

INPÂKNA HLABU 2:12

Naupa chu fâwp ro, chuong naw chun lunginsen a ta, lam kârah bohmang rawi in tih: A lungsen chu a hung inthawk phut ding a ni sih a. Amaa an ringna innghattuhai po po chu an hamṭha.

INPÂKNA HLABU 27:14

LALPA chu nghâk zing rawh, Hrâttakin um la, i lungril chu insukhuoi raw se; Anih, LALPA chu nghâk zing rawh.

INPÂKNA HLABU 34:8

Aw LALPA ṭhatzie chu intem sin hrim ta u: Amaa ringna innghattu chu a hamṭha.

INPÂKNA HLABU 84:12

Aw sipaihai LALPA, Nangma ring mi chu a hamṭha ie.

INPÂKNA HLABU 99:4

Laltak hrâtna chun rorêlna a ngainah a, Nang chun thlierbîk nei nawna i sukdet hlak a, Nang chun Jakobrawihai chungah ro i rêl a, feltakin i thaw hlak a.

FESUOKNA 34:6

LALPA chun a hmatieng a lekhêl a, “LALPA chu, LALPA chu Pathien, lainatnaa sip, mi lunginsietthei, lunginsen intak, zângaina le thutak hau,

THUVARHAI 16:20

Thu pawisatu chun thil ṭha hmûng a ta, LALPA ringtu chu, ama chu a hlim a nih.

ISAI 18:4

LALPA chun ka kuomah hieng ang hin a hril a nih, “Um ṭawk ṭawk ka ta, ka umnaa hin thlîr zing ka tih; nisa sat laia khaw lum inthieng vel vul ang le, bu sîk khaw lum laia daidaw sûmhu ang hin,” tiin.

ISAI 2:11

Mihriem inditnahai chu suk- tlâwmin um a ta, mihai chapona chu sukhnuoiin um a tih; chu nia chun LALPA chau chu chawisângin um a tih.

ISAI 2:17

Mihriem inditnahai chu suk- hnuoiin um a ta, mihai chapona chu suktlâwmin um bawk a tih; chu nia chun LALPA chau chu chawisângin um a tih.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi LALPA chu a ni hi; ama hi ei nghâk zing a, a san- damnaa chun hlimin lâwm ei tih,” tîng an tih.

ISAI 28:17

Rorêlna fel chu a suktlûnna hruiin hmang ka ta, felna chu a dârmûmkhaiah hmang ka tih, riel chun inhumhimna khêl thuhai chu dêng hmang vawng a ta, tuihai chun inbîkhmangna chu chîm tlum a tih.

ISAI 33:2

Aw LALPA, mi lunginsiet la; kan nghâk zing che hi: tûk tin kan bân hung ni la, lunginzîng huna chun a mi sandamtu hung ni bawk rawh.

ISAI 33:5

LALPA chu chawisângin a um tah; chungtienga khin a um sih a; ama chun Zion chu rorêl felna le felnain a suksip tah.

ISAI 40:31

LALPA nghâktuhai ruok chun an hrâtna chu siem ṭha nâwk an ta, mupuihai angin thlain hang vuong an ta, sâwl loin tlân an ta; châu loin kein fêng an tih.

ISAI 42:14

Sâwttak ka to zing tah a; ka um ṭawk ṭawkin kân sûm hrâm hram hlak; tu ruok hin chu nuhmei nau- hase angin khêk tuor tuor ka ta; inthuok huom huomin inthuok hlawp hlawp bawk ka tih.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 48:9

Ka sukbohmang nawna ding cheuin, ka hming leiin ka lunginsen chu khêk hrîng ka ta, inpâk ka hlawna dingin in chungah insûm ka tih.

ISAI 5:16

sipaihai LALPA ruok chu rorêl- naa chawisângin a um ta lem a, Pathien, Mi Inthieng chu felnaa suk- thiengin a um tah a.

ISAI 55:8

Ka ngaituohai hi i ngaituohai a ni si nawh a, i um dânhai chu ka um dân a ni bawk nawh, LALPAIN a tih.

ISAI 57:16

Kumkhuoin ka do âwm si nawh a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

ISAI 61:8

Kei LALPA hin rorêlna fel ka ngaina hlak sih a, khawhlotaka inram el hi ka theida hlak a, chuong- chun, anni ka thungna chu titak- meuin an kuomah pêng ka tih, an kuomah kumkhaw thu thlung bawk ka tih.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si nawh a, nain an hriet ngai nawh a, mit khawma an hmu ngai bawk nawh.

ISAI 8:17

Kei chun Jakob sûnghai laia a hmai thuptu LALPA chu nghâk ka ta, ama chu thlîr zing ka tih.

JEREMIA 17:7

Mi LALPA ringtu le LALPA beiseitu chu a hamṭha.

JEREMIA 42:7

Chun, ni sâwm hnunga chun, LALPA thu chu Jeremia kuoma chun a hung tlung tah a.

DANIEL 12:12

Inring zinga, ni sâng khat za thum sâwmthum pangaa lût chu a hamṭha.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amaniha anni sandam loin, LALPA an Pathien chun sandam ka tih,” a ta.

HOSEA 2:14

Chuleiin, ngai ta, thlêm ka ta, thlalêrah ṭhuoi ka ta, Bau ṭhatakin ama chu bieng ka ta,

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

MALAKI 2:17

In thuhai chun LALPA chu in suksâwl a. Anachu, “Khâwlai am ama chu kan suksâwl a?” in ta. Chutaka bawk chun, “Mi tukhawm thil suol thaw chu LALPA mithmua chun ṭha a na, anni chunga chun a lâwm a; amanih, rorêlna Pathien chu khâwlai am a um a?” in ti bawk a.

LUKA 15:20

“Chuongchun, a tho a, a pa kuomah a fe tah a. Chuongchun, hlataka a la um laiin a pain a lo hmuh a, a lunginsiet bêk bêk a, a tlân a, a kuoh a, a fâwp ta ngâwi ngâwi a.

LUKA 2:25

Chun, ngai ta, Jerusalema chun mi pakhat a hming Simeon a um a; ama chu mi feltak le Pathien ngaisaktak a na; Israel thlamuongtu ding chu a nghâk zing a, a chungah Thlarau Inthieng a um a.

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insim- tir ding le ngaidam dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:20

Chun, bawsietna chu ân lang nawk zuol theina dingin Dân a hung um nâwk nghâl a. Nisienlakhawm, suol a pungna poah lunginsietna chu a pung zuol pei hlak;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:22

Lunginsenna bêl bohmang tlâkhai chunga chun, Pathienin a lunginsenna le a thilthawtheina inlangtir nuom sien khawm, a daw hrâm hrâm chun ieng am pawi a ta?

EPHESI 1:6

a lunginsietna ropuizie chu Dittaka a thlâwna a mi pêk chu inpâk dingin.

EPHESI 1:8

Chu lunginsietna chu amain vartak le remhretakin a mi vur a nih:

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

JAKOB 5:11

Ngai ta u! tuortuhai chu hamṭha ei tih a, Job selzie chu in hriet a, Lalpain a tâwpa a thaw zie khawm kha in hmu bawk a; Lalpa chu lunginsietnain a sipzie le za a ngai theizie khawm kha.

2 PETER 3:15

Chun, ei Lalpa dawtheizie chu sandamnaa ruot ro; ei unaupa dittak Paula khawmin, a kuoma varna pêk ang peia in kuoma a ziek ang khan.

2 PETER 3:9

Mi ṭhenkhatin muonga an ruot angin, Lalpa chu a thutiem kawnga chu a muong nawh; tukhawm bo- hmang loa mi po po sim ditpuiin, nangni tiengah a dâwthei a ni lem.

1 SAMUEL 2:3

Chuong ang taka chapo chun thu hril ta naw unla, In baua inthawkin ṭawng chapo hrim hrim suok naw raw se; LALPA chu varna Pathien a ni sih a, Ama chun thilthawhai chu a bûk fie hlak.