ISAI 30:1 - Pathien Lekhabu Inthieng (BSI)

¹ LALPA chun, “Nau helhmang- hai chu an chung a rik ie! chuonghai chun mi an râwn a, kei ruok chu an mi râwn si nawh a, an suol chunga suol an belsana dingin inkhumnain an inkhum a, ka thlarau thu ruok chun an inkhum si nawh a;

ISAI 30:1 ပူးပေါင်းရင်းမြစ်များ

2 LALHAI 18:21

Ngai ta, hi luong hmawl pawr Aigupta hi i ring a ni âwm a; chu chu miin a ringsan chun a kutah sun a tih, Aigupta lal Pharao chu ama ringtuhai po po chunga chun chuong ang chu a ni hlak a nih.

2 LALHAI 18:24

Iengtin am tawlailîr le sakawr chung chuong mihai thua Aiguptahai chunga i ringna innghatin, ka pu mihai laia chîntak hotu pakhat khawm hi i dangkîr zo hrim ding am a nih?

INPÂKNA HLABU 61:4

I puon ina chun kumkhuoin um ka ta, I thla hnuoi inbîkna hmuna chun tlulût ka tih.

ISAI 1:2

Aw vânhai, ngai unla, aw lei- hnuoi, na sit rawh, LALPA chun thu a hril ie: “Nauhai chu ka châwm puitling a, ka chungah an hel ta sih a.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai nawh a, hmeithai thu hlak an kuom a tlung ngai nawh.

ISAI 1:4

A! hnam suol, khawhlona riktak phur mihai, chithla thil ṭha naw thaw- tuhai, nau rilotaka khawsa hlakhai an nih. LALPA chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 1:5

Iengdinga hel zuol deu deu a, vuoka la um rawp ding am in nih a? Lu chu a pumin a nah a, lungril khawm chu a pumin a châu tah.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhim- na dingin kan hmang a, khêl hnuoi- ah kan inbihmang ta sih a,” in ti leiin;

ISAI 28:20

Khum chu inthluongna dingin a tawi ta law sih a; puonthuo chu inkhumna dingin a chîn talaw bawk si.

ISAI 29:15

An remruot chu LALPA kuoma thup dinga inthûktaka zawngtuhai chu an chung a rik ie! an thilthawhai chu inthim hnuoiah a um a, “Tuin am mi hmûng a ta? Tuin am hriet khawm mi hrieng a ta?” an ta.

ISAI 30:9

Chuonghai chu mi hel hmang dâm, nau khêlhlip dâm, nau, LALPA dân ngai nuom lohai an ni sih a;

ISAI 31:1

Aigupta rama ṭhangpuina zawnga zu feh a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israel- hai Mi Inthieng tieng en si loa, LALPA khawm râwn si lohai chu an chung a rik ie!

ISAI 32:2

Mi pakhat chu thlipuia inthawka inbîkna hmun ang le, ruopuia in- thawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 4:5

Chun, LALPAIN Zion tlânga um- na po po chunga le a inkhâwmpuihai chunga chun sûnah sûm le meikhu, zânah meichawk var siempêk a tih: ropuina po po chunga chun iengkhat zar a um ding a ni sih a.

ISAI 5:18

Iengkhawm ni lo hruihruola khawhlona kei a, tawlailîr hruihruola kei ang suolna kei hlaktuhai chu an chung a rik ie!

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw tah a.

ISAI 65:2

Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,

ISAI 8:11

LALPA chun kut hrâttakin hieng ang hin ka kuomah a hril a, hi chihai lampuia hin ka fe ve nawna dingin a mi thunun a ni hi:

ISAI 8:12

“Hi chihai hin, ‘Phier an nei,’ an ti nazawng chu, ‘Phier an nei,’ ti ve naw ro; an ṭi khawm chu ṭi ve loin, ṭi ve naw ro.

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

JEREMIA 17:5

LALPA chun hieng hin a tih: Mi mihriem ringa, mihriem bân hrâtna ringsana, a lungril khawm LALPAA inthawka hran ta chu a chung a rik!

JEREMIA 2:18

Chuongchun, tuhin, Aigupta fena lampuia chun Sihor tuihai chu dâwn dingin ieng am thâwng i ta? Annawleh, Assuria fêna lampuia Vadungpui tuihai chu dâwn dingin ieng am thâwng i ta?

JEREMIA 37:7

“LALPA Israel Pathien chun hieng hin a tih: Ka kuoma thu indawn dinga nang ka kuoma tirtu che, Juda ram lal kuoma chun hieng hin hril rawh: Ngai ta, Pharao sipaihai nang- ma ṭhangpui dinga hunghai chu, an ramah Aiguptaa bawk chun kîr nâwk an tih.

JEREMIA 4:17

Lo vêngtuhai ang elin, a vêlin an umnghah a; keia chungah a lo hel ta leiin, LALPA chun a tih.

JEREMIA 42:19

Aw Juda la um sunhai, nangni chungthuah LALPA chun thu a hril a nih: Aiguptaa chu fe dêr naw ro: vawisûn hin in kuomah ka hrilfie ta a nih ti hi hre ngei ngei ro.

JEREMIA 5:23

Amiruokchu, hi hnam hin lungril hel le, lungril inher an nei a, an hel a, an fe tah a.

EZEKIEL 11:2

Chun, ama chun ka kuomah, “Mi- hriem naupa, hi khawpuia thurâwn rilo pea, suolna suksuoktuhai chu hieng mihai hi an nih.

EZEKIEL 2:3

Ka kuoma chun, “Mihriem naupa, Israel thlahai, hnam helhai, keima chunga helhai kuoma chun tir ka ti che; vawisûn ni chen hin, anni le an thlatuhai khawmin ka chungah an bawsiet a nih.

EZEKIEL 24:3

Chun, sûngkaw hel hmanghai kuoma chun tekhithu hril la, an kuoma chun, ‘Lalpa PATHIEN chun hieng ang hin a tih: Sumbepui inchuon unla, inchuon unla, A sûnga chun tui buok unla;

EZEKIEL 29:16

Anni chu enkawl dinga an hung kîr pha, suolna chu hriet zing dinga siemin, Israel sûngkuoa chun ringumna hrim um ta naw nih a; chun, Lalpa PATHIEN chu ka ni ti mi hre tâng an tih,” tiin.

EZEKIEL 3:9

Lungrâl chu meitâwklung nêka a chang lem angin, i chal ka siem tah a; anni chu ṭi dêr naw rawh, anni hei hmua chun beidawng bawk naw la, sûngkaw hel hmangtak ni hai sien- khawm” tiin.

HOSEA 11:6

A khawpuihaia chun kâwlhnâm inletin um a ta, A kulhai chu sukbohmang a tih, Anni thu lo râwn ang ngeiin sukbohmang a tih.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântuhai taphawt chun Bâwngtê chu fâwp raw se, an ti hlak.

HOSEA 7:13

An chung a rik ie; ka kuoma inthawkin an fe hmang ta sih a! Bohmangna an chungah a tlung ie, ka chungah an hel ta sih a! Kei chun anni sandam ka nuom a, Anni ruok chun khêl an mi hril khum a,

ZEKARIA 4:6

Ama chun ka kuomah, “Hi hi Zerubbabel kuoma LALPA thu, ‘Sipai- in ni loin, thilthawtheina khawma ni loin, amiruokchu, ka thlarauin,’ tiha sipaihai LALPAIN a hril chu a nih,” a ta.

NAMBAR 32:14

Chun, ngai ta u, Israelhai chunga LALPA lungsenna ṭiumtak chu belsain nangni suon suolhai hin in puhai ai in aw tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

DÂN PAHNINA 29:19

Chun, chuong chu a ni chun chu, hi inkhâmna thu hi a hrietin, ‘thil ṭâwla thil hnâwng sukhlum tum ti angin, lungril kâwmâwtakin um inla khawm, lungmuongna chu ka nei hrim hrim,’ tiin a lungrilin mal insâwm fâwm khat rawi a tih.

DÂN PAHNINA 9:24

Ka hriet tîr cheua inthawk tah LALPA chunga hel hmang mi in ni hrim a.

DÂN PAHNINA 9:7

“Thlalêra LALPA lung in suksen hlakziehai dâm kha hre zing unla, theinghil naw ro. Aigupta rama inthawka in suok nia inthawka hi hmun in hung tlung chen hin LALPA chunga helhmang in na.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

JOSUA 9:14

Israel mihai chun an fâk ding hung chawi chu an lâk a, LALPA bâua thurâwn hrim an indawn nawh a.