ISAI 29:5 - Pathien Lekhabu Inthieng (BSI)

⁵ Nisienlakhawm, nanga dotu mipuihai chu pilvut inditak angin um an ta, mi ṭiumhai mipuihai chu busi bohmang hlak ang hin um bawk an tih; anih, chu chu mitkhapkâr loin um thut a tih.

ISAI 29:5 ပူးပေါင်းရင်းမြစ်များ

JOB LEKHABU (THE BOOK OF JOB) 21:18

Thli hmaa pâwl kûng ang el an na, Busi thliin a lên hmang hlak ang chu an nih.

INPÂKNA HLABU 1:4

Mi rilohai ruok chu chuong ang chu an ni nawh a, Busi thliin a lênhmang hlak ang hi an ni lem a.

INPÂKNA HLABU 35:5

LALPA vântirkoin khal peiin, Busî thli ilên angin um raw se.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawnga mingem chu sukbo ka ta, mi ṭium chapona chu sukhnuoi bawk ka tih.

ISAI 25:3

Chuleiin, mi hrâttakhai chun chawimawi an ti cheh a, hnam ṭium- tak khawpuihai chun ṭîng an ti che.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.

ISAI 25:5

Hmun ṭâwla khaw lum chu i sukre hlak ang hin ram dang mihai ri chu sukbo i tih, khaw lum chu sûm hlieha sukboa a um hlak ang hin, mi ṭiumhai hla sak chu sukboin um a tih.

ISAI 29:20

Mi ṭium chu iengkhawm ni loa siemin um tâng a ta, hmusittu chu a bo tah a, khawhlona nghâkhlatuhai po po chu sukbohmangin an um ta sih a,

ISAI 30:13

hi khawhlona hi nangni ta ding chun lung bang insângtak a se lai, chim vâng vâng, pâwng pûr, kârloa, mitkhapkârloa se rup ding ang hi a ni ding a nih.

ISAI 31:3

Aigupta mihai chu Pathien an ni nawh a; mihriem el an na; an sakawr- hai chu thlarau an ni nawh a, tisa el an na; chuongchun, LALPAIN a kut a phar pha chun a ṭhangpuitu chu pêm thlawk thlawk a ta, a ṭhangpuina khawm chu tlûng a ta, an rêng chun bohmang vawng lem an tih.

ISAI 31:8

“Chu pha chun Assuria mi chu, mihriem kâwlhnâma sukthlûk ni loin, kâwlhnâm sukthlûkin um a tih; chun, kâwlhnâm mihriemhai ta ni loin ama chu fa zo a tih; kâwlhnâma inthawk chun tlân hmang a ta, a tlangvâlhai chu sie chawitu hung ni tâng an tih.

ISAI 37:36

Chuongchun, LALPA vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni tah a.

ISAI 40:15

Ngai ta, hnam tin chu bâlṭina tui far khat ang chau an na, bûknaa thil nawi mahla kai ang chaua ngai an nih; ngai ta, ama chun thlierkârhai chu thil chiterek angin a lâk nel nel el hlak a.

ISAI 41:11

Ngai ta, in chunga lungninaw po pohai chu muolphotak le inzak- takin um an tih; nangni sêltuhai cheu chu iengkhawm ni lo ang nîng an ta, bohmang an tih.

ISAI 41:15

Ngai ta, bu chîlna khâwl thar- tak, ngeitak, ha nei miah siem ka ti cheu: tlânghai chu chîlin vaw nawi in ta, muol pâwnghai chu busi angin siem in tih.

ISAI 41:16

Zâp in ta, thliin mût lêng a tih, thlivir chun sukdar a tih; chun, nangni chu LALPAA chun lâwm in ta, Israelhai Mi Inthieng chu la suong in tih.

ISAI 47:11

Chuleiin, thil ṭha naw i chung- ah hung tlung a ta; invêng dân khawm thiem naw ti ni; vângduoina khawmin hung vur a ti cheh a, chu chu sukbo thei naw ti nih: rausanna khawm kârloin i chungah hung tlung thut a ta, chu chu hre lâwk naw ti nih.

ISAI 48:3

Kha hma thilhai chu tiena tlângah ka lo hril tah a, anih, ka baua inthawkin a suok a, kân hriettir a; kârloin ka muolsuo thut a, a hung tlung tah a.

AMOS 5:9

kul chunga bohmangna hung tlung khawpa, mi hrâthai chunga bo- hmangna intluntu chu.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârloin an chungah bohmangna hung tlung a tih, pumpel naw tawp an tih.