ISAI 29:11 - Pathien Lekhabu Inthieng (BSI)

¹¹ Chuongchun, inlârna hrim hrim in ta dingin lekhabu châr tlata thu ang a ni tah a, chu chu mihaiin lekha thiem mi kuomah, “Lunginsiettakin hi hi tiem rawh,” tiin an pêk hlak a; chun, ama chun, “Ka tiem thei nawh, châr tlat a ni hi,” a ti hlak;

ISAI 29:11 ပူးပေါင်းရင်းမြစ်များ

ISAI 28:7

Nisienlakhawm, chuonghai khawm chu uoin leiin an thle an thle a, zu leiin an pêm an pêm a, thiempuhai le zâwlneihai chu zu leiin an thle a, uoin lem zoin an um a, zu leiin an pêm an pêm a; inlârna thuah an thle an thle hlak a, rorêlna thuah an pêm an pêm hlak.

ISAI 29:12

chun, lekhabu chu lekha thiem naw mi kuomah, “Lunginsiettakin hi hi tiem rawh,” tiin a pêk hlak a; chun, ama chun, “Lekha ka thiem nawh,” a ti hlak.

ISAI 29:18

Chu nia chun nasêthai chun lekhabu thu chu nain hre tâng an ta, mitdelhai mithai chun inthim hnuoi le inthim laia inthawkin hmu tâng an tih.

ISAI 8:16

Inhriettirna thu ziel hi khuop la, dân thu hi ka inchûktirhai lai namin inchik rawh.

DANIEL 12:4

Nisienlakhawm, nang aw Daniel, hun tâwp chena dingin thuhai chu khâr la, lekhabu chu châr tlat rawh: mi tamtak chu hnungtieng hmatieng tlân an ta, hrietna chu a pung ding a ni sih a,” tiin.

DANIEL 12:9

Ama chun, “Daniel, fe el rawh, hun tâwp chena dingin hieng thuhai hi khârkhum tlat le chârde tlat an ni sih a.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i phuong lei hin kân pâk che.

MATTHAI 13:11

Chun, ama chun a dawn a, an kuomah, “Vân ram thurûk chu nangni ihriet chu phal a nih, anni ihriet ruok chu phal a ni nawh.

MATTHAI 16:17

Chun, Isûn a kuomah, “Simon Bar-Jona, i hamṭha ie; tisa le thisenin ân hriettir che a ni si nawh a, ka Pa vâna mîn ân hriettir lem che a nih.

THUPUONGSUO 6:1

Chun, Berâmte chun inchikna pasari laia pakhat chu a sût lai ka hmuh a; chun, thilhring palihai laia pakhat chun, vâninrûm ang elin, “Hung rawh,” a ti ka hriet a,