ISAI 28:27 - Pathien Lekhabu Inthieng (BSI)

²⁷ Mohuri chu bu chîlna khâwl ngeiin an chil ngai si nawh a, zira chungahai chun tawlailîr kehai chu an inhlumtir ngai bawk nawh; mohu- ri chu hmawlin an vuok lem hlak.

ISAI 28:27 ပူးပေါင်းရင်းမြစ်များ

2 LALHAI 13:7

Jehoahaz chu a mihai laia sakawr chung chuong mi sâwmnga le tawlailîr sâwm le, sipai sîng khat ti naw chu nei a phalpêk si nawh a, Suria lal chun a sukbohmang vawng a, pilvut childip ang elin a siem a nih.

THUVARHAI 20:26

Lal var chun mi khawhlohai chu a hnawt dar a, Bu chîlna tawlailîr kekuol chu an chungah a hung lâk.

ISAI 28:26

A Pathien chun ama chu feltak- in a thununin ân chûktir hlak sih a.

ISAI 28:28

Beiphit bu chu râwtnawiin a um hlak, kumkhuoin a vuok zing âwm si nawh a, tawlailîr ke le a sakawr chun sukdar sienla khawm, ân râwt- nawitir ngai nawh.

ISAI 41:15

Ngai ta, bu chîlna khâwl thar- tak, ngeitak, ha nei miah siem ka ti cheu: tlânghai chu chîlin vaw nawi in ta, muol pâwnghai chu busi angin siem in tih.

JEREMIA 10:24

Aw LALPA, mi sukdik la, ami- ruokchu, rorêlnain, i lunginsennain ni loin, chuong naw chun iengkhawm ni loin mi siem rawi i tih.

JEREMIA 46:28

Aw ka siehlaw Jakob, ṭi naw rawh, LALPA chun a tih; i kuomah ka um sih a, nang ka hnawt hmangna che tienga hnamhai po po chu suk- tâwp vawng ka ta, nang ruok chu suktâwp letdêr naw ning cheh a; rorêlnain sukdik lem ka ti cheh a, ieng kawnga khawm hrem loin mâksan naw ning che,” tiin.

AMOS 1:3

LALPAIN hieng ang hin a tih, “Damaska khaw bawsietna pathum leiin, anih, pali leiin, a hremna sukbo naw ning: Gilead ram chu bu râwtna thîrhai chun an râwt leiin;

MATTHAI 23:23

“Nangni Dân inchûktirtu le Pharisai vervêkhai, in chung a rik! pudina dâm, mohuri dâm, zira dâm chu sâwma pakhat in pêk hlak a, dân thu pawimaw lem felna dâm, lunginsietna dâm, ringumna dâm chu in ngaitha si hlak; nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong loin.