ISAI 28:19 - Pathien Lekhabu Inthieng (BSI)

¹⁹ A luong tlang po leh la pei a ti cheu a; tûk tin tûk tinin, a sûn a zânin, a luong tlang âwm sih a; thu incha umze hriet chu thil râpthlâk ruok nîng a tih,” tiin.

ISAI 28:19 ပူးပေါင်းရင်းမြစ်များ

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

2 LALHAI 18:13

Chun, lal Hezekia kum sâwm le kum li ân lal kumin Assuria ram lal Sennakerib chu Judai rama khuo kulpui nei po pohai chu thaw dingin a hang feh a; a lâk tah a.

2 LALHAI 21:12

LALPA, Israelhai Pathienin hieng ang hin a tih, ‘Ngai ta u, Jerusalem le Juda chunga hin a hre taphawthai na khing hni ṭhâwng khawp thil ṭha naw ka hung in- tlungtir ding a nih.

2 LALHAI 24:2

Chun, LALPAIN Kaldai pâwlhai, Suria pâwlhai, Moab pâwlhai, Ammon thla pâwlhai ama thaw dingin a tir suok tah a; a siehlaw zâwlneihai hmanga a hril LALPA thu anga Juda ram chu insuksiettir dingin.

JOB LEKHABU (THE BOOK OF JOB) 18:11

Kil tina chun ṭitumnahai chun ama sukṭîng a ta. A kekhawnghai sir peiin hnawt a tih.

JOB LEKHABU (THE BOOK OF JOB) 24:17

Zîngkâr chu an rênga ta ding chun thîna hlim ang a na, Thina hlim ṭitumnahai chu an nêl sih a.

JOB LEKHABU (THE BOOK OF JOB) 41:9

Ngai ta, ama hne în zuomna chu a thlâwn el a na, Ama hei hmu ngawt khawmin mi chu a beidawng nghâl el a nih.

JOB LEKHABU (THE BOOK OF JOB) 6:4

Iengkimthawthei thalhai chu keimaa hin a um a, Chutaka a tûr chu ka thlarau hin a dâwn sih a; Pathien ṭiumnahai chu kei mi epin an intlar a.

INPÂKNA HLABU 55:4

Ka sûnga hin ka lungril a na êm êm a, Thina ṭiumhai chun an mi del a.

INPÂKNA HLABU 88:15

Ka naupangtea inthawk rinum tuor le, thi vâng vângin ka um hlak a, I thil râpthlâktakhai ka tuorin ka thaah a mi man hlak.

ISAI 33:7

Ngai ta, an pasalṭhahai chu tuol- tieng an khêk a, inremna palaihai chu an ṭap an ṭap a.

ISAI 36:22

Chuongchun, lal sûnghai chunga hotua um Hilkia naupa Eliakim hai, lekhaziektu Sebna hai, chanchin ziektu Asaph naupa Joa hai chu silfên keithlêr inbelin Hezekia kuoma chun an hung tlung a, Rabsake thuhrilhai chu an hril tah a.

ISAI 37:3

Anni chun a kuomah, “Hezekia chun hieng ang hin a tih, ‘Vawisûn ni hi lunginzîngna ni le hmingsietna ni a nih, nauhai chu an pieng a hun ta sih a; anni chu nei dingin hrâtna a um ta si nawh,

ISAI 50:4

Mi sâwltak chu thua ka suksâwl- dam theina dingin LALPA Pathien chun inchûktirhai lei a mi pêk a; ama chun tûk tinin a keihar a, inchûk- tirhaiin an hriet anga hre dingin ka na hi a keihar hlak.

JEREMIA 19:3

Hieng hin ti la. Nangni Juda ram lalhai le, Jerusalem hluotuhai, LALPA thu chu lo ngai ta u; sipaihai LALPA Israel Pathien chun hieng hin a tih: Ngai ta u, hi hmuna hin thil ṭha naw kân tlungtir ding a nih; a hre taphawt chu an nahai chu khel a tih.

JEREMIA 4:5

Juda rama chun hrilfie unla, Jerusalema chun phuong ro, “Rama chun tawtawrâwt chu mût unla, khêk inring unla, hieng hin ti ro: Hung inkhâwm tâwl unla, khawpui kul- neiahai chun fêng ei tiu,” tiin.

JEREMIA 4:9

Chuong nia chun LALPA chun a tih: Lal lungril chu bohmang a ta, rorêltuhai le thiempuhai lungril chun maktîng a tih; zâwlneihai khawma maktîng an tih.

JEREMIA 6:24

Chu thuthang chu kan lo hriet a; kan kuthai chu a hung châu a, lungzîngna chun keini a mi man a, nuhmei nauhase nat tuor ang el chun keini chu a mi chip a nih.

ṬAP HLA 2:22

Inkhâwmpui hunbi neihai nia angin, “Ka lunginsenna chu kil tinah,” tiin nang chu i khêk a, LALPA lunginsenna nia chun a pumpel amanih, a um zing amanih tukhawm an um nawh: Ka tâwm a, ka dawn tleihai chu ka hmêlma chun a sukbohmang zo tah a.

DANIEL 7:28

“Hi hi thu tâwpna chu a nih a; kei Daniel ta ding chun ka ngai- tuonahai chun a mi sukbuoi hleh a, ka hmêlputziehai chu a hung dang- lam a; nisienlakhawm, chu thil chu ka lungrilah ka vawng zing a,” tiin.

DANIEL 8:27

Chun, kei Daniel chu ka châu a, ni iengzât amani chu ka damnawh a; chun, ka tho a, lal sin chu ka thaw tah a: nisienlakhawm, thilhmulâwka chun mak ka ti êm êm a, tukhawma an hriet thiem si nawh a.

HABAKKUK 3:16

Ka hriet a, ka phîngsûng chuân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

1 SAMUEL 3:11

Chun, LALPA chun Samuel kuoma chun, “Ngai ta, Israel rama hin a hre taphawthai na chu a khing hni hnia a ṭhâwng zâwngtakin thil ka thaw ding a nih.