ISAI 28:17 - Pathien Lekhabu Inthieng (BSI)

¹⁷ Rorêlna fel chu a suktlûnna hruiin hmang ka ta, felna chu a dârmûmkhaiah hmang ka tih, riel chun inhumhimna khêl thuhai chu dêng hmang vawng a ta, tuihai chun inbîkhmangna chu chîm tlum a tih.

ISAI 28:17 ပူးပေါင်းရင်းမြစ်များ

2 LALHAI 21:13

Samari inkhina hrui le Ahab sûngkuo dârmûmkhai chu Jerusalem chungah keimar ka tih; chun, miin thlêng a hrûk a, ân let vêl angin Jerusalem chu hrûng ka tih.

JOB LEKHABU (THE BOOK OF JOB) 22:16

Chuonghai chu an hun hmain lâk hmangin an um a, Chuonghai lungphûm chu tuihnâr anga bunthlâk a ni ta kha.

INPÂKNA HLABU 94:15

Rorêlna chu felna tieng kîr nawk a ta, Lungril indiktak put po po chun chu chu zui an tih.

ISAI 10:22

I mi Israelhai chu tuisuoriet phaiphin zâtin um hai sien khawm, a la um sunhai chau chu an kîr nâwk ding a ni sih a; felna luong liemna suksietna chu tlung dinga ruot tlat a nih.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhim- na dingin kan hmang a, khêl hnuoi- ah kan inbihmang ta sih a,” in ti leiin;

ISAI 28:2

Ngai ta, LALPA chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.

ISAI 30:18

Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 30:28

a thuok chu bohmangna leidâra hnam tin rel dingin, vadung rîng chen zet a kuong liem dûl dûl ang a nih; chun, mi tin baua chun ṭhuoi suoltir- na kei dingin hrui um a tih.

ISAI 32:2

Mi pakhat chu thlipuia inthawka inbîkna hmun ang le, ruopuia in- thawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 5:16

sipaihai LALPA ruok chu rorêl- naa chawisângin a um ta lem a, Pathien, Mi Inthieng chu felnaa suk- thiengin a um tah a.

ISAI 61:8

Kei LALPA hin rorêlna fel ka ngaina hlak sih a, khawhlotaka inram el hi ka theida hlak a, chuong- chun, anni ka thungna chu titak- meuin an kuomah pêng ka tih, an kuomah kumkhaw thu thlung bawk ka tih.

JEREMIA 19:7

Chun, hi hmuna hin Juda ram le Jerusalem thurawt chu inthlâwntir ka ta; an hringna zawngtuhai le, an hmêlmahai hmaa chun kâwlhnâmah intlûktir ka tih; chun, an ruonghai chu chunglêng vatehai le, hnuoia ramsahai ta dingin bu dingin pêng ka tih.

JEREMIA 23:19

Ngai ta u, LALPA thlipui chu, a lunginsenna chu, a fe suok a, anih, thlivir thlipui chu, mi khawhlo lu chunga chun hung nuoi a tih.

JEREMIA 7:14

chuleiin, in thlatuhai le nangni kuoma ka pêk, hmun le in ringna innghatna, ka hming chawia ko, in chunga chun, Siloa chunga ka lo thaw ta ang bawk khan ka thaw ding a nih.

JEREMIA 7:20

Chuleiin, Lalpa PATHIEN chun hieng hin a tih: Ngai ta, ka lungin- senna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thing- hai chunga le, hnuoia rahai chunga chun; chun, kâng a ta, ṭhel ni ngai naw ni.

EZEKIEL 38:22

Ama chu thisen le hripuiin do ka ta; chun, ama le a pâwlhai le ama kuoma mipui tamtak umhai chunga chun ruopui vânâwnin, ṭêk le mei le meitâwklungin sûr ka ta.

DANIEL 11:22

Ama hmaa chun tuilêt hrâtnain anni chu la hmang a ta, suksiet nîng an tih; anih, thuthlung hotu ngei khawm chu suksiet nîng a tih.

NAHUM 1:8

Amiruokchu, tui lien luong liem- na hmangin chu hmun bohmang vawngna chu intlungtir a ta, hmêl- mahai chu inthimnaah hnawt lût a tih.

MATTHAI 7:27

Ruo dâm a hung sûr a; tui dâm a hung lien a, thli dâm a hung hrâng a, chu in chu a hung nam sawk sawk a; a chim tah a; a chim chu nasatak a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:2

Chuong thil thaw hlaktuhai chunga Pathienin a sawisêlna chu thu indiktak a nih ti ei hriet sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:28

Lalpa chun inrangtakin hnuoi chunga a rorêlna chu a hlen ding a ni sih a,” a ti kha.

JOSUA 10:11

Chun, Israel mihai hmaa an tlânsie a, Beth-horona inthawka liem thlâkna hmuna an um lai chun LALPAIN vâna inthawkin riel lien- tak takin Azeka chenin a zuk indêng- tir pei a, an thi a, Israel thlahaiin kâwlhnâma an sât hlum nêk hmanin riel dêng hlum chu an tam lem a nih.

THUPUONGSUO 11:19

Chun, vâna Pathien biekin chu ân hawng a, chuongchun, biekina chun a thuthlungna bâwm chu a hung inlang tah a; chun kâwlinlep dâm, rawl dâm, vân inrûm dâm, simkhawleihnuoi inhnîng dâm, riel nasatak dâm, a hung um nghâl tah a.

THUPUONGSUO 16:21

Chun, riel lientak talent tluk raua rik seng, vâna inthawkin mihriemhai chungah a tlah a; chun, mihriemhai chun riela hremna lei chun Pathien an hrilsiet tah a; chu hremna chu a nasa bêk bêk sih a.

THUPUONGSUO 19:2

A rorêlnahai chu ân dikin a fel a nih. Ama chun nawchizawr ropuitak, a mi dit chîng leia hnuoi suk- khawhlotu chu, a ro a rêl a, a suokhai thisen insuo phuba chu a kutin a lâk ta hi, an ti ka hriet a.”

THUPUONGSUO 8:7

A hmasatak chun a hang mût a, riel le mei, thisen le inpawl, a hung um nghâl a, chu chu hnuoia pei thlâkin a um tah a; hnuoi hmun thuma ṭhea hmun khat a kâng hmang a, thinghai khawm hmun thuma ṭhea hmun khat a kâng hmang a, hlohna hring po po khawm a kâng hmang ta bawk a.