ISAI 28:16 - Pathien Lekhabu Inthieng (BSI)

¹⁶ chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lung- phûm dingin ka rem hi; ama ringtu chu inhmaw naw nih.

ISAI 28:16 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw nih a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INṬANNA 49:24

Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.)

2 CHANCHIN SUINA 20:20

Chun, zîngkâr inhmatakin an tho a, Tekoa thlalêra chun an hang feh a, chun, chuonga an fe suok lai chun Jehosaphat chu a ngîr a, “Aw Juda le Jerusalema chêngtuhai, mi lo ngai ta u; LALPA in Pathien chu ring unla, chuongchun, sukdetin um in tih; a zâwlneihai chu ring unla, chuongchun, hlawtling in tih,” a ta.

INPÂKNA HLABU 118:22

In bâwltuhai lung dit naw kha, A kila lung ṭhangkaitak a lo ni tah.

INPÂKNA HLABU 87:1

A lungphûm chu tlâng inthiengahai chun a um a.

ISAI 14:32

Philistin hnam palaihai chu iengtin am dawn ei ta le? “LALPAIN Zion chu ân ngîr a, a mihai laia rimsihai chu amaa chun tlulût an tih,” tiin nîng a tih.

ISAI 30:18

Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 54:11

Aw nang sukrimsik, tuifâwn vawr vawra um, lungmuongna nei lo, ngai ta, i lunghai chu zie mawitak- haiin rem ka ta, i lungphûmhai chu sapphir lunghaiin rem bawk ka tih.

DANIEL 2:45

Chun, tlânga inthawka lung chu kuthai ṭhang lova sât thlâka uma, thîr dâm, dârsen dâm, pil dâm, tangkaruo dâm le rângkachak dâm chu a nâwia a sukkawi i hmu ta ang khan, Pathien ropuitak chun hi hnunga thil hung um ding lal kuoma chun a hung inhriettir a ni hi; mang chu indik ngei a ta, a umzie khawm chu indik bawk a tih,” a ta.

ZEKARIA 10:4

Amaa inthawkin a kiha lung dâm, amaa inthawkin a kilna dâm, amaa inthawkin indona thalngul dâm, amaa inthawkin rorêltu dâm an hung suok tlâng vawng ding a ni sih a.

ZEKARIA 3:9

En ta u, Josua hmaa chun lung pakhat sîr sari nei ka sie a; ngai ta u, chutaka chun thil ziek ker ka ta, sipaihai LALPA chun a tih, chun, ni khat sûngin chu ram suolna chu sawn hmang ka tih.

MATTHAI 21:42

Isu chun an kuomah, “Pathien lekhaa, ‘In bâwltuhai lung dit naw kha, Chu ngei chu a kia lung ṭhangkai tak a hung ni tah. Chu chu Lalpa thaw a na, Ei mithmua hin a mak a nih,’ ti hi in tiem ngai naw am a nih?

MARKA 12:10

Hi Pathien Lekha Thu hi in tiem naw am a nih? ‘In bâwltuhai lung dit naw kha, Chu ngei chu a kia lung ṭhangkaitak a lo ni tah.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:11

Pathien Lekha Thuin, “Tû- khawm ama ring taphawt chu muolpho naw ni hai,” a ti a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:33

“Ngai ta, Ziona chun Tlûkna lung le, Dangna lungpui ka sie a; Tûkhawm ama ring taphawt chu Muolpho naw ni,” tia ziek ang khan.

1 KORINTH 3:11

Lungphûm rem tasa naw chu tûkhawma lungphûm dang an rem thei si naw a, chu lungphûm chu Isu Krista chu a nih.

EPHESI 2:20

Isu Krista ngei chu a kia lung pawimawtak niin, tirkohai le zâwlneihai lungphûm chunga bâwl in nih.

2 TIMOTHE 2:19

Nisienlakhawm, Pathien lung- phûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.