ISAI 28:10 - Pathien Lekhabu Inthieng (BSI)

¹⁰ Thununna thu chunga thu- nunna thu inchuon a, thununna thu chunga thununna thu inchuon a, dân chunga dân inchuon a, dân chunga dân inchuon a; hitakah tlâwmte, sawtakah tlâwmte, ti ruok a ni sih a.

ISAI 28:10 ပူးပေါင်းရင်းမြစ်များ

ISAI 28:13

Chuleiin, an feh a, an thala an tlûk a, an kawinawi a, chânga an âwk a, mana an um theina dingin, LALPA thu chu annirawi ta ding chun, thu- nunna thu chunga thununna inchuon a, thununna thu chunga thununna inchuon a, dân chunga dân inchuon a, dân chunga dân inchuon a; sawtakah tlawmte, hitakah tlâwmte ti ruok ni el a tih.

ISAI 5:4

Ka grêp huona hin ka thaw ta ang bâk khan chu a chungah ieng am thaw nâwk chuong ding a la um ta rawp a? Grêp raa ra dinga ka beisei vei le khan ieng leia grêp suoka a hung ra el am a ni aw?

JEREMIA 11:7

Aigupta rama inthawka anni ka hung ṭhuoi suok nia inthawk tah vawisûn ni chen khawm hin. “Ka râwl chu awi ro,” tia hrila, inhmataka thoa, anni chu inhriettirin, in thlatu- hai chu ṭhahnemngaitakin ka lo inhriettir tah a.

PHILIPPI 3:1

A tâwp taka chun, unauhai, Lalpaa chun lâwm ro. Thu pângngai in kuoma ziek rawp hi keia ta ding chun nghawkum a ni nawh, nangni ta dingin a ṭhahnem bawk sih a.

2 TIMOTHE 3:7

chuong ang nuhmeihai chu châk- na tinrênga ṭhuoi hmang, inchûk rawp sia thutak hre phâk ngai naw an nih.

HEBRAIHAI 5:12

A hun ngaituo chun inchûktirtu ni rau ta âwm in nia chu, Pathien thu inchûktirna bulhai chu inchûktir in ngai nâwk tah a; bu rum ni loa, nênetui la ngai mi ang in hung ni nâwk ta hi.