ISAI 27:6 - Pathien Lekhabu Inthieng (BSI)

⁶ Hun la hung tlung dinga chun Jakobhai chun zung kei an ta; Israelhai chu kumûmin pâr an tih; chuongchun, hnuoi chung hi rain suksip an tih.

ISAI 27:6 ပူးပေါင်းရင်းမြစ်များ

JOB LEKHABU (THE BOOK OF JOB) 37:12

Chun, a ṭhuoinain ân let vêl a, Thu a pêk taphawt an thaw theina dingin; Khawvêl hluo theia um chung po poa chun.

ISAI 35:1

Thlalêr le ram inril chu lâwm a ta; ram ṭâwl chu hlimin phûlpâr pâr angin pâr a tih.

ISAI 35:2

Pâr vul chûk a ta, hlasak le lâwmin hlim a tih; Lebanon ropuina chu a kuoma pêk nîng a ta, Karmel le Saron mawina leh; LALPA ropuina hmûng an ta, ei Pathien mawina leh.

ISAI 37:31

Chun, Juda sûnghai laia a la dam sunhai chu a suktienga zung- keia, a tungzâwnga rain um nâwk a tih.

ISAI 4:2

Chu ni chun LALPA kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawi- takin um a tih.

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienla- khawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 60:22

Mi chîn chu sâng khat ni tâng a ta, mi chiterek khawm hnam hrâttak ni tâng a tih; kei LALPA hin a hun pha chun intlungtir vak ka tih.

JEREMIA 30:19

Annia inthawk chun lâwmthu hrilnahai siem a ta, hlimna siem- tuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

EZEKIEL 36:10

chun, nangniah mihai, Israel sûngkuo po po chu, an rêng elin, sukpung ka ta, khawpuihai chu hluoin um an ta, hmun suksieta um tahai khawm chu siem nîng an tih;

EZEKIEL 36:8

Nisienlakhawm, nangni, Aw Israel tlânghai, in kauhai chu in- zâmdawktir in ta, in rahai chu ka mi Israelhai in pêk ding a nih; hung nghâl el ding an ni sih a.

HOSEA 2:23

Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

ZEKARIA 2:11

Chun, chu nia chun hnam tamtakhai chu LALPA tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai LALPA chun i kuomah a mi hung tir a nih ti hre tâng i tih.

GALATI 3:29

Chun, Krista ta in ni chun, Abraham thla, thutiem anga ro- hluotu dinghai in nih.

PHILIPPI 3:3

Eini Pathien Thlarau zâra Pa- thien bie le, Krista Isu suong le, taksa chunga ringna innghat nawhai hi, Sertanhai ei ni lem sih a.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.