ISAI 27:12 - Pathien Lekhabu Inthieng (BSI)

¹² Chu nia chun LALPA chun Vadung a kuong sipa luong dûl dûla inthawkin, Aigupta vadungtê chenin a ra vaw thlâng a ta; chuongchun, aw Israel thlahai, a khât khâta rûtin um in tih.

ISAI 27:12 ပူးပေါင်းရင်းမြစ်များ

INṬANNA 15:18

Chu ni chun LALPA chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

1 LALHAI 8:65

Chuongchun, chu ṭum chun Solomon le Israelhai po po, mipui pungkhâwmhai tamtak, Hamath khaw lûtnaa inthawka Aigupta ram vadung chena mihai chu LALPA ei Pathien hmaa chun ni sari sûng rau ruoi an ṭheh a.

NEHEMIA 1:9

amiruokchu, keia tieng in hung ngha nâwk a, ka thupêkhai in pawm a, in zâwm chun, nangni laia mi kâwlkawdawng chena hnawt suoka um khawm um hai sienla, chutaka inthawk khawm chun kei khâwm nâwk ka ti cheu a, ka hming ka înumtirna ding hmuna ka ruota chun ṭhuoi nâwk ka tih,’ tiha thu i pêk kha lunginsiettakin hre zing rawh.

INPÂKNA HLABU 68:22

LALPAIN, “Basan rama inthawkin ṭhuoi nâwk ka ta, Tuisuoriet mawng inthûktaka inthawk chu ṭhuoi nâwk ka tih.

INPÂKNA HLABU 72:8

Ama chun tuisuorieta inthawka tuisuoriet dang chenin ramawp nei a ta, Vadungpuia inthawka kâwlkawdawng chen khawmin.

ISAI 17:6

Nisienlakhawm, oliv thing vuok hnunga a zikpui insângtak lêra ra pahni pathum amanih, thing ratak zâr seitaka hai pali panga amanih a um hlak ang hin chutaka chun hmu ṭhel rût ding la um a tih, LALPA Israelhai Pathien chun a tih.

ISAI 49:5

Tuhin chu LALPA, Jakobhai a kuoma ṭhuoi nâwkna ding le, Israel- hai a kuoma ṭhuoi khâwma an umna dingin siehlawa um dinga sula inthawka mi thlangtu chun a hril a, (LALPA mithmu chun mi inzaum ka ni sih a, ka Pathien chu ka hrâtna a ni ta bawk a) anih,

ISAI 56:8

LALPA Pathien, Israelhai hnawt suoka umhai ṭhuoi khâwmtu chun, “Ama ta ṭhuoi khâwma umhai naw khawm hnam danghai a kuomah la ṭhuoi khâwm ka tih,” a ta.

JEREMIA 3:14

Hung kîr ro, hnungtawl thlahai, LALPA chun a tih; in pasal ka ni sih a, chun, khawpuia pakhat le, pa- hnama pahni lâng ka ti cheu a, Ziona chun hung ṭhuoi ka ti cheu;

JEREMIA 44:28

Chuong kâwlhnâma inthawka suokthlenghai, mi tlâwmte chau chu Aigupta rama inthawk chun Juda rama chun hung kîr nâwk an tih; chuongchun, va mikhuol dinga Aigupta rama Juda la um sun va fehai po po khan, keia thu am a ni, anni thu a ieng am a dingchang lema ti hre tâng an tih.

EZEKIEL 20:34

hnam danghai laia inthawkin la suok ka ti cheu a, sukdara in umna ramhaia inthawk khan kut tha hrât le, bân phar le lunginsenna bunthla hielin kei khâwm ka ti cheu;

EZEKIEL 20:41

Hnamhai laia inthawka ka hung ṭhuoi suok pha cheu a, sukdara in umna ramhaia inthawka ka kei khâwm pha cheu chun riminhnik angin lâwm tâng ka ti cheu a, hnam- hai mithmua ngei chun nangni chu sukthieng tâng ka ti cheu.

EZEKIEL 39:25

“Chuleiin, Lalpa PATHIEN chun hieng hin a tih; Tuhin Jakob sal intângna chu hung la kîr ka ta; Israel sûngkuo pumpui ta ding chun zângaina nei ka tih; chun, ka hming inthieng khawm humhal bawk ka tih.

EZEKIEL 47:19

Chun, simtienga sim khâw zâwnga chun, Tamara inthawka Meriboth-kades tuihai chen le, Aigupta vadungtê hrawin, tuisuoriet lienah. Hi hi sim tienga, sim khâw zâwng chu a nih.

AMOS 9:9

“Ngai ta u, thu ka pêk ding a ni sih a, chun, sihria bu an rel angin, Israel sûngkuohai chu hnam po po lai chun rel ka tih; nisienlakhawm, a mal chîn tak khawm hnuoi chungah tla naw ni.

ZEKARIA 8:7

Sipaihai LALPA chun hieng hin a tih, “Ngai ta, ka mihai chu saktieng ram le thlangtieng rama inthawkin sandam ka ta;

LUKA 15:4

“Nangni lai tûkhawmin berâm za nei sienla, an laia pakhat inhmang ang sienla, thlalêrah sâwmkuo le pakuohai chu mâksanin ân hmang chu a hmu nâwk hmakhat tûin am zawng nâwng a ta?

JOHAN 10:16

Chun, hi berâm huona mi naw khawm hi, berâm dang ka nei; anni khawm ka la hung ṭhuoi ding a nih, ka râwl khawm hrieng an tih, chuongchun, pâwl khatin um an ta, a vêngtu pakhat leh.

JOHAN 6:37

Pain a mi pêkhai po po ka kuomah hung vawng an tih; tûkhawm ka kuoma hung chu hnawt suok naw tawp ka tih.

JOSUA 15:4

Chun, Azmonah a fe pei a, Aigupta vadungah a suok a; chun, tuisuorietah ramri chu a tâwp a. Chu chu simtieng panga in ramri ding chu nîng a tih.