ISAI 27:11 - Pathien Lekhabu Inthieng (BSI)

¹¹ A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni sih a; chuleiin, anni siemtu chun anni chu lunginsiet naw nih a, anni inngîrtu chun anni chu a ditin ditsak hrim hrim bawk naw nih.

ISAI 27:11 ပူးပေါင်းရင်းမြစ်များ

INPÂKNA HLABU 106:40

Chuleiin, LALPA lung chu a mihai chungah ân thawk a, A rochan chu a tirdak tah a.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si nawh a; ka mihai chun an ngaituo naw a nih,” tiin.

ISAI 18:5

Grêp lo hun hmaa, a pâr a rêm a, a pâr chu grêp puoma a hung inchang pha chun, a kauhai tê chu theikûng ât bawngnain a ât bawng ding a ni sih a; a kau inzâm darhai chu la hmangin ât bawng bawk a tih.

ISAI 43:1

Tu ruok hin chu aw Jakob rawihai, LALPA nangni siemtu le, aw Israel rawihai, nangni inngîr- tirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 43:7

ka hming puthai po le ka ropuina dinga ka isiemhai po chu; anni chu kân ngîr an nih, anni chu ka siem an nih.

ISAI 44:2

LALPA nangni siemtu, sula in- thawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 44:24

LALPA, nangni intlantu, sula inthawka nangni inngîrtu cheu chun hieng hin a tih, “Kei hi LALPA, thil po po siemtu, mâni chaua vân keiphar- tu, hnuoi suklientu chu ka nih; tu am ka kuomah a um a?

ISAI 5:13

Chuleiin, ka mihai chu, hrietna an nei naw leiin, sala ṭhuoiin an um tah a; an mi inzâumhai chu an phîng a ṭâm a, an mipuihai chu dangchârin an dang ân hil zo tah a.

ISAI 9:17

Chuleiin, LALPA chu an tlang- vâlhai chungah lâwm naw nih a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng sih a. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

JEREMIA 11:16

LALPA chun i hming a sak a, Oliv thing hring, ra ṭhatak le mawi a ti che a, buoina nasatak ri chun a chunga chun mei a sem a, a kauhai chu a tliek tah a.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, LALPA chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

JEREMIA 16:5

LALPA chun hieng hin a ti sih a: Lusûn ina chun lût naw unla, ṭa dingin fe bawk naw unla, anni chu sûn bawk naw ro; hi hnama inthawk hin ka thlamuongna chu ka lâk hmang ta sih a, LALPA chun a tih, lunginsietna le zângaina innêmtak el chu.

JEREMIA 25:37

Chun, LALPA lunginsenna ṭiumna lei chun ran in muongum- takhai dâm chu an to ṭawk ṭawk a.

JEREMIA 4:22

“Ka mihai an invêt a, an mi hriet si nawh a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 8:7

Anih, chunga vakâwl chun ama hun ruot chu a hriet a; vaṭhuhai, pelêuhai, vangalsânghai an hunah an hung tlung a, ka mihai ruok chun LALPA thupêk an hriet nawh.

EZEKIEL 19:12

Nisienlakhawm, lunginsenna hmalthlakin a um a, Hnuoia pei thlâkin a um a, Sak thliin a sukṭâwl a, a ra a mût ṭil a, A kâu ngartak khawm chu suktliek a hung na, A vuoi tah a, meiin a kâng hmang tah a.

EZEKIEL 20:47

chun, Sim rampui kuoma chun, ‘LALPA thu hi lo ngai la, Lalpa PATHIEN chun hieng hin a ti a nih: Ngai ta, i sûnga hin mei sêm ka ta, i sûnga thing hring tinrênghai chu kâng hmang a tih, thing ṭâwl tinhai le chun, chun, meichawk lai mei chu rêm el naw nih a, simtienga inthawka hmârtieng pang po po kâng a tih.

EZEKIEL 9:10

Chuongchun, keia ta ding khawma, ka mitin hla naw nih a, lunginsietna nei bawk naw ning, ami- ruokchu, an suol man chu an lu chungah innghat lem ka tih,” a ta.

HOSEA 4:14

In naunuhmeihaiin nawchi an zawr a, In mohaiin uiret an chîng khawma hrem naw ning, Anni ngei khawm nawchi- zawrhai leh an fe pêt a, Nawchizawrhai leh an inthâwi hmunkhat sih a; Hrethiem lo mipuihai chu tlu sieng an tih.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

MATTHAI 13:15

Hi chihai lungril hi a lo ngawng tah a, An nahai a lo sêt tah a, An mit an insîm bawk a. Chuong naw chun an mitin hmûng an ta, An nain hrieng an ta, An lungrilin hre bawk an ta, Ngha kîr nâwk an ta, Keiin anni sukdam hlau rawi ka tih,’ a ti kha.

MATTHAI 13:19

Tukhawmin ram thu chu naa a lo hriet a, a ngaina a hriet si naw chun, mi suol chu a hung a, a lungrila the sa chu a lâkpêk hlak. Chu chu lampui sîra the chu a nih.

MATTHAI 3:10

Tuta inthawk el khawmin thing bul tinah hreipui an sie tah; chuong- chun, thing tin ra ṭhaa ra naw phawt chu an phûr a, meiah an pei hlak.

JOHAN 15:6

Mi keimaah a um zing naw chun kâu anga peihâwnin a um a, a vuoi hlak; chun, an inkhâwm a, meiah an pei a, a kâng hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan tah a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:31

hrietthiemna bo, thu tiem bawsietuhai, piengpui lunginsietna nei naw mihai, lunginsietna nei naw mihai an lo ni tah a;

DÂN PAHNINA 4:6

Chuongchun, pawm unla zâwm ro; chu tak chu, hieng dân po po hi hre a, ‘Hi hnam ropuitak hi mi vartak le thil hre mi tak an ni phawt el,’ titu hnamhai mithmua chun in varna le thil hre mi in nina nîng a tih.

1 THESSALONIKA 2:16

sandam an ni theina dinga Jentailhai laia thu hril an mi khap hlak sih a, chuong anga an suol inkhi- na suksip rawp dingin, nisienla- khawm, lunginsenna chu an chungah a tâwp khâwk râwtin a hung tlung tah.

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.