ISAI 26:9 - Pathien Lekhabu Inthieng (BSI)

⁹ Ka hringna hin zâna chun a ngai cheh a; anih, ka sûnga thlarau um hin zîngkâr chun ka zawng che; i rorêl- nahai chu hnuoiah a um po leh khawvêla umhai chun felna chu an inchûk hlak sih a.

ISAI 26:9 ပူးပေါင်းရင်းမြစ်များ

1 CHANCHIN SUINA 16:14

Ama chu LALPA ei Pathien chu a nih, A rorêlhai chu hnuoi chung po poa hin a um.

INPÂKNA HLABU 105:7

Ama chu LALPA ei Pathien chu a nih, A rorêlhai chu hnuoi chung po poa hin a um.

INPÂKNA HLABU 119:55

Aw LALPA, zâna chun i hming ka hriet zing hlak a, I dân khawm ka zâwm hlak.

INPÂKNA HLABU 119:62

Zânrila chun lâwmthu hril ding chein tho ka ta, I rorêl felhai lei chun.

INPÂKNA HLABU 130:6

Vêngtuhaiin khawvar an thlîr nêka nasain, Anih, vêngtuhaiin khawvar an thlîr nêka nasa hmanin, Ka hringna hin LALPA chu a thlîr zing hlak a nih.

INPÂKNA HLABU 58:11

Chuongchun, mihaiin, “Mi fel ta ding chun lâwmman a lo um tak tak a; Hnuoia hin rorêltu Pathien a lo um tak tak a ni hi,” tîng an tih.

INPÂKNA HLABU 63:1

Aw Pathien, nang chu ka Pathien i na, zîngkâr zawng ka ti che; Ram ṭâwl chautak, tui um nawna hmuna hin, Ka hringna hi nangma ngaiin a dangchâr a, ka tisa hin a ngai che a nih.

INPÂKNA HLABU 63:5

Ka hringna hi thlin le thâua khawp angin khawp a ta, Ka bau hin hlim hmûr putin inpâk bawk a ti che.

INPÂKNA HLABU 64:9

Chuongchun, mi po poin ṭîng an ta, Pathien sinthaw chu hril an tih; A thilthaw khawm chu vartakin ngaituong an tih.

INPÂKNA HLABU 78:34

Anni a that poleh ama chu an zawng hlak a, An kîr nâwk a, zîngkâr Pathien an zawng hlak.

INPÂKNA HLABU 83:18

Nangma chau hi JEHOVAH hming put, Hnuoi chung po poa Achung- hnungtak i nih ti an hriet theina dingin.

THUVARHAI 8:17

A mi hmangaituhai chu ka hmangai veh a, Chun, nguntaka a mi zawngtuhai chun mi hmu suok bawk an tih.

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin mâichâm lung po po chu tlak lung suknawi rem rum ang elin an siem hi.

ISAI 50:10

Nangni laia LALPA chu ṭih a, a siehlaw thuawi chu, tu am a na? Inthima lênga var hrim hrim nei naw chun LALPA hming chu ring sienla, a PATHIEN chungah innghat raw se.

ISAI 55:6

Hmu awla a um lai hin LALPA chu zawng unla, a hnâi lai hin ko ro;

ṬAP HLA 2:19

Tho la, vêng ṭantirna huna chun, zânah khêk rawh; LALPA hmaihmaa chun i lung- ril chu tui angin bunthla la, I nau le têhai hringna dingin ama tienga chun i kuthai phar rawh, Chuong kawtthlêr tâwp tina phîngṭâma châuhai ta ding chun.

ṬAP HLA 3:25

Lungrila ama zawngtuhai le, ama nghâktuhai kuoma chun LALPA chu a ṭha a.

EZEKIEL 5:15

Chuongchun, vauna ṭiumhai le, lunginthak le lunginsennaa rorêlna- hai ka hung suktlung pha chun, i vêla hnam umhai ta ding chun makti ding le, inchûkna ding le, hrânghla le, invaunaa hmang la nîng a tih, kei LALPA hin ka hril tah a nih:

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

MARKA 1:35

Chun, zîngkâr inhmatakin, khawvar hma daiin a tho a, a suok a, hmun fienrielah a va feh a, chutaka chun a ṭawngṭai a.

LUKA 6:12

Chun, chuong lai chun a suok a, ṭawngṭai dingin tlângah a feh a, Pathien kuomah a ṭawngṭai zân- khuoh a.

THUPUONGSUO 11:13

Chun, chu lai tak chun sim- khawleihnuoi nasatakin a hung inhnîng a, khuo chu hmun sâwma ṭhea hmun khat a chim tah a, simkhawleihnuoi inhnînga chun mi sâng sari an thih a; a danghai chun an ṭih a, vân Pathien chu an chawimawi tah a.