ISAI 26:8 - Pathien Lekhabu Inthieng (BSI)

⁸ Anih, Aw LALPA, i rorêlna lam- puia chun kan nghâk zing cheh a, kan hringna dit zâwng chu i hming tieng le i hriet zingna tieng hi a nih.

ISAI 26:8 ပူးပေါင်းရင်းမြစ်များ

2 SAMUEL 23:5

Ei sûngkuo chu Pathien kuoma inthawk a ni naw am a nih? Chatuon thuthlung ka kuomah a thlung a; Iengkim fel le suknghet tlatin; Ka sandamna kim le duthusâm kim, Ân der suoktir naw ding maw?

INPÂKNA HLABU 106:3

Rorêlna vawng ṭhahai chu an hamṭha ie, Ieng lai khawma feltaka thawtu leh.

INPÂKNA HLABU 130:5

LALPA chu ka nghâk zing a, ka hringna hin a nghâk zing a, A thu khawm ka beisei a nih.

INPÂKNA HLABU 18:23

Ama kuoma chun demkailo ka lo na, Ka khawhlonaa inthawk chun kân siekieng hlak.

INPÂKNA HLABU 42:2

Ka hringna hi, Pathien châkin, Pathien hring châkin a dangchâr a nih: Iengtik am Pathien hma tlung ka ta, inlang ka tih aw?

INPÂKNA HLABU 65:6

Thilthawtheinaa tâia inkhita, Mâni hrâtnaa tlânghai sukhnîng hlaktu chu i nih;

INPÂKNA HLABU 73:25

Vâna khin nang naw chu tu am ka nei a? Hnuoia khawm hin nang naw chu ka dit tukhawm an um nawh.

INPÂKNA HLABU 84:2

Ka hringna hin LALPA biekin inhuonna sûng tuollai chu a ngai êm êm a, anih, a chau pha hiel a. Ka lungril le ka taksa hi Pathien hring kuoma chun hlimin a khêk suok a.

FESUOKNA 3:15

Chu naw khawm chu Pathienin Mosie kuomah “Israel thlahai kuoma chun, ‘In thlatuhai Pathien, Abraham Pathien, Isak Pathien le Jakob Pathien Jehova chun in kuomah a mi hung tir a nih,’ tîng i tih: hi hi kumkhuoha ka hming a nih, hi hi ṭhang po po mi hriet dân ding chu a nih.

HLAHAI HLA 5:8

Aw Jerusalem naunuhai, ka ngên cheu, ka hmangaitak kha in hmu chun, Hmangainain ka na a nih, ti ama chu hril ro.

ISAI 12:4

Chu nia chun hieng ang hin la hril in tih, “LALPA kuoma chun lâwmthu hril unla, a thilthawhai chu mi tin kuomah inhriettir unla, a hming chu chawimawiin a um ti hril ro.

ISAI 24:15

Chu chu lei chun LALPA chu khawsaktieng chun chawimawi ro, LALPA Israelhai Pathien hming ngei chu tuisuoriet thlierkârahai chun chawimawi ro.

ISAI 25:1

Aw LALPA, nang chu ka Pathien i na; chawimawi ka ti cheh a, i hming inpâk ka tih; thil maktak, inhmaa remruothai chu, ringumtak le thutakin i thaw sih a.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi LALPA chu a ni hi; ama hi ei nghâk zing a, a san- damnaa chun hlimin lâwm ei tih,” tîng an tih.

ISAI 26:13

Aw LALPA kan Pathien, nang chau ni loin, lal dang khawma kan chungah thu an nei ta hlak a, nisien- lakhawm, nangma ṭhangpui ngeiin i hming hi lam tâng kan tih.

ISAI 30:18

Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 33:2

Aw LALPA, mi lunginsiet la; kan nghâk zing che hi: tûk tin kan bân hung ni la, lunginzîng huna chun a mi sandamtu hung ni bawk rawh.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti cheh a; i kea pilvut chu liek an tih; chuongchun, kei hi LALPA ka ni hung hre el i tih; a mi nghâktuhai chu muolphoin um naw ni hai.

ISAI 51:4

Aw ka mihai, ka thu hi lo ngai unla; aw ka hnamhai, ka thua hin na lo sit ta u; keimaa inthawkin dân thu a hung suok ding a ni sih a, mi tin enna dingin ka rorêlna chu inchâwltir ka tih.

ISAI 56:1

LALPA chun hieng ang hin a tih, “Rorêl zâwm unla, feltakin thaw ro, ka sandamna chu a hung tlung vâng vângin, ka felna chu a hung inlang ṭêp ta sih a.

MIKA 4:5

Chi tin mâni pathien hming sengin um an ta, eini khawm LALPA ei Pathien hmingin kumkhuoin um ei tih.

MIKA 7:7

Kei ruok chun chu LALPA en ka ta; ka sandamna Pathien chu nghâk ka tih; ka Pathien chun a mi ngai ding a nih.

MALAKI 4:4

“Israelhai po po ta dinga Horeba ka ipêk, rorêlna le thuruothai, ka siehlaw Mosie dân chu hre zing ro.

NAMBAR 36:13

Hieng hi LALPAIN Mosie hmanga Jeriko zâwn Jordan râl Moab phaia Israel thlahai a pêk, thupêkhai le rorêl dânhai chu a nih.

LUKA 1:6

An pahni chun Pathien mit- hmuah feltakin an um a, sawisêlboin Lalpa thupêk le a dân po po zâwmin an um hlak.

THILTHAWHAI 1:4

Chun, an umkhâwm dâm a pâwl veh a, “Jerusalem fe san naw ro, Pathien thiltiem ka hril in hriet kha lo nghâk ro,” a ti tlat a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:25

Ei hmu naw chu ei beisei chun ei nghâk fan fan hlak a nih.

2 THESSALONIKA 3:5

Chun, Lalpa chun in lungril- hai chu Pathien hmangainaa le, Krista selnaa chun ṭhuoi lût raw se.