ISAI 25:4 - Pathien Lekhabu Inthieng (BSI)

⁴ Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.

ISAI 25:4 ပူးပေါင်းရင်းမြစ်များ

INPÂKNA HLABU 107:41

Nisienlakhawm, rimsihai chu rinumnaa inthawkin hmun insângah a dawm kai hlak a, Ran ruol angin sûnghai a siempêk hlak.

INPÂKNA HLABU 119:31

I thuinhriettirhai chu ka chel tlat a, Aw LALPA, mi sukmuolpho naw rawh.

INPÂKNA HLABU 12:5

LALPA chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a tih a.

INPÂKNA HLABU 121:5

LALPA chu nangma vêngtu a nih, LALPA chu i changtienga hlietu che a nih.

INPÂKNA HLABU 35:10

Ka ru po po hin, “LALPA, mi rimsi, a khing zo ruolloa inthawka sanhimtu, Anih, rimsi le pasie, ama inram hlaktua inthawka sanhimtu, Nang ang hrim tu am um?” tîng a tih.

INPÂKNA HLABU 55:8

Thli hrâttak le, thlipui hi, Inbîkna hmunah ka mâksan vak ding bah,” ka tih a.

INPÂKNA HLABU 72:13

Mi rimsi le pasiehai chu lunginsiet a ta, Pasiehai hringna chu sandam a tih.

INPÂKNA HLABU 72:4

Ama chun mi laia rimsihai chu ro rêlpêk a ta, Pase nauhai chu sandam a ta, Nêksâwrtu ruok chu suknâwi a tih.

INPÂKNA HLABU 9:10

Chuongchun, i hming hretuhai chun ring an ti cheh a, Nang chun chu, LALPA, nangma zawngtuhai che chu i mâksan ngai si nawh a,

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei loin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 14:32

Philistin hnam palaihai chu iengtin am dawn ei ta le? “LALPAIN Zion chu ân ngîr a, a mihai laia rimsihai chu amaa chun tlulût an tih,” tiin nîng a tih.

ISAI 16:3

Rem mi ruotpêk la, ro mi rêlpêk rawh; i hlim chu sûn laia zân angin siem la, hnawt suoka umhai chu inbîkhmangtir rawh; tlân hmang chu inmantir naw.

ISAI 17:10

Pathien i sandamtu i theinghil a, i hrâtna lungpui chu i hriet zing si nawh a; chuleiin, kûng mawitak takhai i phun hlak a, a sûnga chun kau danglamtak takhai i sunbûr fur hlak a;

ISAI 27:5

An naw vêk leh, keima le inremna dingin ka hrâtna hi chel raw se; anih, mîn rempui ro.”

ISAI 28:6

rorêl dinga ṭhung ta dinga rorêlna thlarau dâm, kul kawtkhâr bula hung thawtuhai dangkîrtuhai ta dinga hrâtna nîng a tih.

ISAI 29:19

Thuhnuoirawlhai khawmin LALPAA chun an hlimna chu sukpung tâng an ta, mihriem laia rimsihai chu Israelhai Mi Inthienga chun lâwm tâng an tih.

ISAI 29:20

Mi ṭium chu iengkhawm ni loa siemin um tâng a ta, hmusittu chu a bo tah a, khawhlona nghâkhlatuhai po po chu sukbohmangin an um ta sih a,

ISAI 29:5

Nisienlakhawm, nanga dotu mipuihai chu pilvut inditak angin um an ta, mi ṭiumhai mipuihai chu busi bohmang hlak ang hin um bawk an tih; anih, chu chu mitkhapkâr loin um thut a tih.

ISAI 32:2

Mi pakhat chu thlipuia inthawka inbîkna hmun ang le, ruopuia in- thawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ISAI 33:16

ama chu chungtieng chun um a ta, a kulbîng insânghai chu lungpui kulbînghai chu nîng a tih: bu chu a kuoma pêk nîng a ta, a tuihai chu um ngei ngei a tih.

ISAI 33:2

Aw LALPA, mi lunginsiet la; kan nghâk zing che hi: tûk tin kan bân hung ni la, lunginzîng huna chun a mi sandamtu hung ni bawk rawh.

ISAI 37:36

Chuongchun, LALPA vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni tah a.

ISAI 49:25

Nih e a, LALPA chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni sih a, i nauhai khawm ka sandam ding a nih.

ISAI 57:13

I khêk pha chun i lâk khâwmhai chun sanhim raw se che; nisien- lakhawm, anni rawi chu thliin lâng a ta, thuokin lên hmang vawng a tih; kei mi ringtu ruok chun ram hi nei a ta, ka tlâng inthieng hi hluong a tih.

ISAI 66:2

Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LALPAIN a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

ISAI 8:14

Chun, ama chu hmun inthieng nîng a ta. Israel sûng hnihai ta ding ruok chun tlûkna lung le dangna lungpui ni lem a tih. Jerusalema umhai ta ding chun châng le bil ni bawk a tih.

JEREMIA 16:19

Aw LALPA, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung nawh a,” hung tîng an tih.

EZEKIEL 38:9

Nang chu hang fêng i ta, thlipui angin hung i ta; chun, nang le, i pâwlhai po po le, hnam tamtak nang- ma kuoma umhai chu chu ram in- khumtu sûmpui ang chu nîng in tih.

ZEPHANIA 3:12

Amiruokchu, i sûnga chun mi pasiehai le mî sukrimsika umhai chu mâksan ka ta, LALPA hming chu ring tâng an tih.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?