ISAI 24:8 - Pathien Lekhabu Inthieng (BSI)

⁸ Khuongtêhai hlimna chu a reh a, lâwmtaka umhai ri chu a dei ie, ṭing- ṭang hlim ri chu a re ie.

ISAI 24:8 ပူးပေါင်းရင်းမြစ်များ

JOB LEKHABU (THE BOOK OF JOB) 3:7

Anih, chu zân chu zân dawkdâium ni sienla, Chu zâna chun hlim râwl hrim hrim um naw raw se.

JOB LEKHABU (THE BOOK OF JOB) 30:31

Chuleiin, ka ṭingṭang chu sûnnaah ân chang a, Ka theihle chu mi ṭaphai râwlah ân chang bawk a.

INPÂKNA HLABU 137:2

Vadung laia phahrâmhaia chun, Kan ṭingṭanghai kan bâng hlak a.

ISAI 16:10

Lâwmna chu lâkpêkin a um tah; lo ṭhataka inthawk dâm chun hlimna chu lâkpêkin a um ta bawk a; grêp huonahai chun hlasak hrim hrim um ta naw nih a, ri hlimum hrim hrim um ta bawk naw ni; grêp sâwrna khurahai chun sir sâwrtu hrim hrim- in uoin sir pût ta naw ni hai a; grêp sîk khêk ri chu ka sukbo tah.

ISAI 5:12

Ṭingṭang le perkhuonghai, khuongtê le theihlehai, uoin leh an ruoiṭhenaahai chun a um hlak a, nisienlakhawm, LALPA sinthaw chu an ngaisâng ngai nawh a, a kut thil- thaw chu an ngaituo ngai bawk nawh.

ISAI 5:14

Chuleiin, Seol chun a châkna chu a lo suklien a, a bau chu inkhi ruollo khawpin a ka tah a, chuong- chun, an ropuina dâm, an mipuihai dâm, an ropui bûr bûrna dâm, anni laia lâwmtaka umhai le chun an lût thla ta duol duol a.

JEREMIA 16:9

Israel Pathien sipaihai LALPA chun hieng hin a ti sih a: Ngai ta u, i nihaia hin, in mithmua inthawkin hlimna râwl ri dâm, lâwmna râwl ri dâm, mo neitu râwl ri dâm le monu râwl ri dâm chu hi hmuna inthawk hin ka suktâwp ding a nih.

JEREMIA 25:10

Chu nawa khawm, anni laia inthawk chun, hlimna râwl dâm, lâwmna râwl dâm, mo neitu râwl dâm, mo râwl dâm, bu râwtna ri dâm, sathâu khâwnvar varna dâm chu sukbo vawng ka tih.

JEREMIA 7:34

Chun, Juda khawpuihaia in- thawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni sih a.

ṬAP HLA 5:14

Upahai chun dai kawtkhâr an rielsan a, Tlangvâlhai chun an rimawihai chu an tâwpsan a.

EZEKIEL 26:13

Chun, i hlahai ri chu intâwptir ka ta: i ṭingṭang rihai khawm chu hriet ni ta naw nih.

EZEKIEL 28:13

Pathien huon Edena chun i lo um tah a; Lunghlu tinrênghai chu i în khumna a na, Hieng sardion dâm, topaz dâm, rubi lung dâm, onik dâm, jaspi dâm, Sapphir dâm, karbankle dâm, lunghlu dang dang le, Rângkachakhai, an inṭhutna le ziek kermawihai, Kut themthiema siemhai chu i sûnga chun an um a. Nang chu siema i um ni chun chuonghai chu buotsai an ni veh a.

HOSEA 2:11

A hlimna po po, a ruoiṭhe dâm, a thla thar dâm, A châwlni dâm le a hunbi ruoiṭhehai po po khawm suktâwp vawng ka tih.

AMOS 6:7

Chuongchun, tuhin sala fe hmasahai leh salah fêng an ta, inzihai hlimna bur bur chu bo tâng a tih.”

THUPUONGSUO 18:22

Ṭingṭang keituhai dâm, ieng- khat mût thiemhai dâm, theihle mûttuhai dâm, tawtawrâwt puhai ri dâm i sûngah hre nâwk ta naw tawp an ta; themthiem kawng hrim hrim- ah themthiem hrim khawm i sûngah hmu nâwk ta naw tawp an ta; burawtnawina ri khawm i sûngah hre nâwk ta naw tawp an tih.