ISAI 24:23 - Pathien Lekhabu Inthieng (BSI)

²³ Chu hnunga chun thla khi inzaktakin um a ta, nisa khi muol- photakin um a tih; sipaihai LALPA chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni sih a.

ISAI 24:23 ပူးပေါင်းရင်းမြစ်များ

INPÂKNA HLABU 97:1

LALPA chu Lalah a ṭhung a, hi hnuoi hi hlimtakin um sienla, Thlierkâr tamtak takhai chu lâwmtakin um raw se.

FESUOKNA 15:21

Miriam chun, “Ropuitaka a hne ta leiin LALPA kuoma chun hla sak ro; Sakawr le a chunga chuong chu tuipuiah a pei lût a,” tiin a dawn a.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui sih a,” tiin.

ISAI 13:10

Vân arasihai le a sizuchohai chun an var insuo naw ni hai a, nisa chu a suok laia sukthimin um a ta, thla khawma a var chu ân vartir ta naw ding a nih.

ISAI 30:26

Chu naw khawm chu, LALPA chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 33:17

I mithai chun lal chu a mawinaa chun la hmûng a ta, ram par lientak la thlîr a tih.

ISAI 33:22

LALPA chu ei rorêltu a na, LALPA chu dân mi petu a nih; LALPA chu ei lal a na, ama chun mi sandam a tih.

ISAI 52:7

Tlângahai chanchin ṭha intluna, inremna thu khêkpuia, thil ṭha chanchin ṭha intluna, sandamna thu khêkpuia, Zion kuomah, “I Pathien chu lalah a ṭhung,” tituhai ke chu a va mawi de!

ISAI 60:1

Tho la, var rawh, i var chu a hung tlung a; LALPA ropuina chu i chungah a hung suok ta hi.

ISAI 60:19

Nisa khi sûna nangma êntu ni ta naw nih a; thla khawm khin varna dingin sukvar ta bawk naw ni che; LALPA ruok chu i ta dingin kum- khuoa vartuah um tâng a tih, I Pathien chu i ropuina dingin um bawk a tih.

ISAI 60:20

I nisa chu tla ta naw nih a, i thla khawm chu bo ta bawk naw nih: LALPA chu i kumkhaw var a ni ding a ni sih a, i lusûn nihai chu a tâwp ta ding a ni sih a.

EZEKIEL 48:35

A vêl chun tawng sîng khat sâng riet nîng a ta; chu khawpui hming chu chu nia inthawk chun, “Jehova Samma nîng a tih,” tiin.

DANIEL 7:18

Nisienlakhawm, Achunghnung- tak mi inthienghai chun ram chu chang an ta, chatuon, chatuon chenin ram chu nei an tih,’ tiin.

DANIEL 7:27

Chun, vânhnuoia ram le lalram le ram ropuinahai chu Achunghnung- tak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

JOEL 2:31

Nisa inthimin inchang a ta, thla chu thisenah inchang a ta, LALPA ni ropuitak le râpthlâktak chu a hung tlung hma chun.

JOEL 3:15

Nisa le thla dâm an inthim a, arasihaiin an varna an thup a.

OBADIA 1:21

Zion tlânga chun Esau tlâng rêlpêk dinga sansuoktuhai hung an ta, chun ram chu LALPA ta nîng a tih.

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin LALPA chun an chungah ro rêl a tih.

ZEKARIA 14:6

Chu ni chun a var khawm chu var ta naw nih a, inthim lem tâng a ta;

ZEKARIA 14:7

amiruokchu, ni khat, LALPA ihriet chu um a tih; sûn khawm ni naw nih a, zân khawm ni naw bawk a tih, amiruokchu, zântieng huna hin var chu hung um a tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.

MATTHAI 24:29

“Nisienlakhawm, chuong ni rinum zo phingle chun, nisa inthimin um a ta, thla var ta naw nih a, vâna arasihai hung tlâng an ta, vân thilthawtheinahai chu sukhnîngin um a tih.

MATTHAI 6:10

I dit zâwng vâna mîn an thaw angin, hnuoia mîn thaw raw se,

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chu mi sandam lem rawh, tiin.

HEBRAIHAI 12:22

Zion tlâng dâm, Pathien hring khuo, vân Jerusalem dâm, tiem sêng nawhai vântirko inkhâwmpui dâm,

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.

THUPUONGSUO 14:1

Chun, ka hang en a, Berâmte chu Zion Tlânga ngîrin le an chala a hming le a Pa hming ziek, mi nuoi khat le sîng li le sâng li a kuoma chun an um a.

THUPUONGSUO 19:4

Chun, upa sâwmhni le pali le thilhring palihai chu an bawkkhup a, “Amen, Halleluia,” tiin Pathien lalṭhungphaa ṭhung chu chibai an bûk a.

THUPUONGSUO 19:6

Chun, mipui nasatak rawl ang le, tui tamtak ri ang le, vâninrûm nasatak ri angin, “Halleluia, Lalpa ei Pathien Iengkimthawthei chun ro a rêl ta hi.

THUPUONGSUO 21:23

Chu khuo chun a ên dingin nisa a ngai nawh a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni sih a.

THUPUONGSUO 22:5

Chun, zân um nâwk ta naw nih a; khâwnvar le nisa var ngai naw ni hai a; Lalpa Pathien chun anni a ên ding a ni sih a; chuongchun, chatuonin ro rêl an tih.